મહેસાણાના ખેરાલુ પંથકમાં મુશળધાર વરસાદ વરસી રહ્યો છે, ખેરાલુ શહેર તેમજ ગ્રામ્ય વિસ્તારમાં વરસાદ વરસતા નીચાણવાળા વિસ્તારમાં પાણી ભરાયા છે, દોઢ ઇંચ વરસાદથી ખેરાલુ પાણી પાણી થઈ ગયું છે, અને શહેરના માર્ગો પર વરસાદી પાણી વહેતા થયા છે, બસ સ્ટેન્ડ જવાના રોડ પર પાણી ભરાતા વાહનચાલકો પણ હેરાન થઈ રહ્યાં છે.
હાઈવેથી દેસાઈ વાડા ડેરી રોડ પાણીમાં
ખેરાલુમાં ભારે વરસાદના કારણે નીચાણવાળા વિસ્તારમાં પાણી ભરાયા છે,. ખોખરવાડા સંઘ સહિતના વિસ્તારો પાણીમાં ગરકાવ થયા છે જેને લઈ વાહન ચાલકો અને રાહદારીઓને હાલાકી પડી રહી છે, ડભોડા, અરઠી, ખેરપુરા, નાનીવાડા, મલેકપુર, હિરવાણી, ગઠામણ, અંબાવાડા, વઘવાડી, ચાડા સહિતના ગામોમાં વરસાદ પડી રહ્યો છે. વહેલી સવારથી અત્યાર સુધી દોઢ ઈંચ જેટલો વરસાદ વરસ્યો છે.
ગુજરાતમાં છેલ્લા 24 કલાકમાં 121 તાલુકામાં વરસાદ
ગુજરાતમાં છેલ્લા 24 કલાકમાં 121 તાલુકામાં વરસાદ નોંધાયો છે, સૌથી વધુ દાંતીવાડમાં 6.3 ઇંચ વરસાદ નોંધાયો છે, પાલનપુરમાં 4.6 ઇંચ,ડીસામાં 3.7 ઇંચ વરસાદ, ઉમરાળામાં 2.9 ઇંચ,પાલીતાણાં 2.8 ઇંચ વરસાદ, વડગામમાં 2.5 ઇંચ,ઉનામાં 2.2 ઇંચ વરસાદ, ધ્રાંગધ્રામાં 2,કપરાડામાં 1.8 ઇંચ વરસાદ, ગઢડામાં 1.8 ઇંચ,બાબરામાં 1.7 ઇંચ વરસાદ, વલ્લભીપુરમાં 1.6 ઇંચ,બરવાળામાં 1.3 ઇંચ વરસાદ, જુનાગઢ અને જુનાગઢ શહેરમાં 1-1 ઇંચ વરસાદ, માળીયા હાટીના અને ઉમરપાડામાં 1-1 ઇંચ વરસાદ નોંધાયો છે.
