હવામાન નિષ્ણાંત અંબાલાલ પટેલની વરસાદને લઈ આગાહી સામે આવી છે જેમાં સૌરાષ્ટ્રના ભાગોમાં અતિભારે વરસાદની આગાહી કરવામાં આવી છે, ભારે પવન સાથે વરસાદ વરસવાની આગાહી કરવામાં આવી છે, બંગાળના સાગરમાં વધુ એક વરસાદી સિસ્ટમ સક્રિય થશે અને 4 થી 6 ઓક્ટોબર દરમિયાન વરસાદી સિસ્ટમ સક્રિય થશે અને 7 ઓક્ટોબર બાદ વરસાદની રાજ્યમાંથી વિદાય લઈ શકે છે.
આ જગ્યાએ ભારે વરસાદની શકયતા : અંબાલાલ પટેલ
અંબાલાલ પટેલનું વધુમાં કહેવું છે કે, જૂનાગઢ, પોરબંદરમાં અતિભારે વરસાદની આગાહી કરવામાં આવી છે, અમરેલી, દ્વારકા, જામનગર, ખંભાળિયા, જોડીયા અને કચ્છના ભાગોમાં ભારે વરસાદ આવી શકે છે. અમદાવાદ, ગાંધીનગરમાં બપોર પછી ઝાપટા પડશે અને દક્ષિણ ગુજરાતમાં ગાજવીજ સાથે હળવો વરસાદ રહેશે તો મધ્ય ગુજરાતમાં હળવા વરસાદની શક્યતા રહેલી છે અને ઉત્તર ગુજરાતમાં હળવા વરસાદી ઝાપટા પડશે.
બંગાળના ઉપસાગરમાં વરસાદની નવી સિસ્ટમ બનશે : અંબાલાલ પટેલ
અંબાલાલ પટેલનું વધુમાં કહેવું છે કે, નવરાત્રિમાં ગરમી સાથે વરસાદી માહોલ રહેશે અને છઠ્ઠા નોરતાથી દશેરા સુધી વરસાદી ઝાપટાં પડી શકે છે, દિવાળી આસપાસ વાદળછાયું વાતાવરણ રહેશે અને નવેમ્બરની શરૂઆત સુધી વરસાદી અસર રહી શકે છે. વરસાદની અસર દરિયામાં પણ જોવા મળશે કેમકે, બંગાળના ઉપસાગરમાં એક વરસાદી સિસ્ટમ બની રહી છે જેના કારણે દરિયામાં મોટા મોજા ઉછળી શકે છે અને આ વરસાદની આગાહી સપ્ટેમ્બરના મહિનાના અંત સુધીની છે.
29 સપ્ટેમ્બરથી 6 ઓકટોબર દરમિયાન ભારે વરસાદની આગાહી : અંબાલાલ પટેલ
અંબાલાલ પટેલનું વધુમાં કહેવું છે કે, મહેસાણા, પાટણ, સાબરકાંઠા, અરવલ્લી અને બનાસકાંઠામાં ભારે વરસાદની આગાહી કરવામાં આવી છે, તે સિવાય ગુજરાતના કેટલાક ભાગોમાં ભારે વરસાદ થઈ શકે છે તેમજ પૂર્વ ગુજરાતમાં ભારેથી અતિભારે વરસાદ થઈ શકે છે, અને દક્ષિણ ગુજરાતમાં ભારે વરસાદ થઈ શકે છે, સાથે સાથે ભારે વરસાદના કારણે તાપી, નર્મદા અને સાબરમતી નદીમાં જળસ્તર વધશે અને ખેડૂતો વરસાદમાં વાવેતર કરશે તો તેમને પણ પાક સારો મળી શકશે.
