હવામાન વિભાગ દ્વારા ગુજરાતમાં સાંજના 4 વાગ્યા સુધી ઉત્તર, મધ્ય, દક્ષિણ ગુજરાત અને સૌરાષ્ટ્રના મળીને કુલ 27 જિલ્લાઓમાં વરસાદની આગાહી કરવામાં આવી છે. હવામાન ક્ષેત્ર દ્વારા જાહેર કરવામાં આવેલા નકશા અનુસાર રાજ્યના મોટાભાગના વિસ્તારોમાં વરસાદી વાદળો ઘેરાયેલા છે અને વિવિધ વિસ્તારોમાં હળવાથી ભારે વરસાદી ઝાપટાં પડવાની શક્યતા છે.
હવામાન વિભાગ દ્વારા ભારેથી અતિભારે વરસાદની શક્યતાને ધ્યાનમાં રાખીને રાજ્યના 5 જિલ્લાઓમાં ઓરેન્જ એલર્ટ આપવામા આવ્યું છે.
આ જિલ્લાઓમાં ગાજવીજ અને તેજ પવન સાથે ભારે વરસાદ પડી શકે છે, જેના પગલે સ્થાનિક તંત્રને પણ સાવચેત રહેવા સૂચના આપવામાં આવી છે.
ઓરેન્જ એલર્ટ ઉપરાંત રાજ્યના અન્ય 22 જિલ્લાઓમાં મધ્યમથી ભારે વરસાદની સંભાવના સાથે યલો એલર્ટ જાહેર કરવામાં આવ્યું છે.
હવામાન વિભાગના નકશા મુજબ પશ્ચિમ સૌરાષ્ટ્ર અને દરિયાકાંઠાના કેટલાક વિસ્તારોમાં હાલ પુરતી કોઈ મોટી ચેતવણી આપવામાં આવી નથી. જોકે, રાજ્યના બાકીના મોટાભાગના વિસ્તારોમાં મેઘરાજાની પધરામણીથી વાતાવરણમાં ઠંડક પ્રસરી ગઈ છે અને નીચાણવાળા વિસ્તારો તેમજ ખેડૂતોને જરૂરી સાવચેતી રાખવા સલાહ આપવામાં આવી છે.
આ પણ વાંચો - Weather Update: 15 રાજ્યમાં ભારે વરસાદનું એલર્ટ, નીચાણવાળા વિસ્તારોમાં પાણી ભરાયા