ગુજરાતમાં મેઘરાજાની સક્રિયતાને પગલે આજે રાજ્યના અનેક જિલ્લાઓમાં વરસાદી માહોલ જામ્યો છે.રાજ્યના હવામાન વિભાગ દ્વારા બપોરે 2થી 4 વાગ્યા દરમિયાન નોંધાયેલા વરસાદના આંકડા જાહેર કરવામાં આવ્યા છે.જે મુજબ દક્ષિણ ગુજરાતમાં વરસાદનું જોર વિશેષ જોવા મળ્યું છે.આ સમયગાળા દરમિયાન વલસાડના ઉમરગામમાં સૌથી વધુ 1.26 ઇંચ વરસાદ નોંધાયો છે.
વરસાદ ખાબકતા જનજીવન પર અસર
જ્યારે ડાંગ પંથકમાં 0.94 ઇંચ અને નવસારીના જલાલપોરમાં 0.87 ઇંચ વરસાદ ખાબકતા જનજીવન પર તેની અસર જોવા મળી છે.સુરતના અંબિકા વિસ્તારમાં 0.83 ઇંચ, મહીસાગરના ખાનપુરમાં 0.79 ઇંચ અને તાપીના ડોલવણમાં 0.71 ઇંચ વરસાદ નોંધાયો છે.આ ઉપરાંત સુરતના પલસાણા અને મહેસાણાના સતલાસણામાં સમાન રીતે 0.67 ઇંચ વરસાદ નોંધાયો છે. ભાવનગરના ગારીયાધારમાં 0.59 ઇંચ અને છોટાઉદેપુરના કવાંટમાં 0.51 ઇંચ વરસાદ નોંધાતા ખેતીના કામોને નવી ગતિ મળી છે.