ગુજરાતમાં ગુરૂવારે સાંજ પછી અનેક વિસ્તારોમાં વરસાદ ખાબક્યો હતો. હવામાન વિભાગે આગામી સાત દિવસ સુધી હળવા વરસાદની આગાહી કરી છે. રાજ્યમાં હળવાથી મધ્યમ વરસાદની સંભાવનાઓ છે. હાલમાં મહારાષ્ટ્રના દક્ષિણ વિસ્તારમાં ચોમાસુ સ્થિર છે. આગામી દિવસોમાં ચોમાસુ આગળ વધી શકે છે. પરંતુ ગુજરાતમાં વિધિવત ચોમાસાના હજી કોઈ અણસાર જોવા મળ્યા નથી. જ્યારે આજે વહેલી સવારથી જ રાજ્યના અનેક જિલ્લાઓમાં કાળાડિબાંગ વાદળો વચ્ચે મેઘરાજાએ ધમાકેદાર ઇનિંગ શરૂ કરી દીધી છે.
આગામી સાત દિવસ હળવાથી મધ્યમ વરસાદની આગાહી
હવામાન વિભાગે રાજ્યમાં આગામી સાત દિવસ હળવાથી મધ્યમ વરસાદની આગાહી કરી છે. સૌરાષ્ટ્ર અને દક્ષિણ ગુજરાતમાં ગાજવીજ સાથે વરસાદની આગાહી કરવામાં આવી છે. આ ઉપરાંત ખેડા, પંચમહાલ અને વડોદરામાં વરસાદની આજે ખેડા મહીસાગર પંચમહાલ દાહોદ વડોદરા અને છોટા ઉદેપુરમાં છૂટાછવાયા સ્થળોએ ભારે વરસાદની આગાહી કરવામાં આવી છે. હવામાન વિભાગ પ્રમાણે આજે મહેસાણા, સાબરકાંઠા, ગાંધીનગર, અરવલ્લી, મહીસાગર, અમદાવાદ, ખેડા, પંચમહાલ, છોટા ઉદેપુર, ભરૂચ અને નર્મદા જિલ્લાના ભાગોમાં વરસાદની સંભાવનાઓ છે.
