નર્મદા જિલ્લાના માંડણ ગમે એક ચોંકાવનારી ઘટના બની છે, જ્યાં એક થાર કાર પાણીમાં ગરકાવ થઇ ગઈ હતી. સદનસીબે, કાર ચાલકનો આબાદ બચાવ થયો હતો અને સમગ્ર ઘટનાનો વીડિયો પણ સોશિયલ મીડિયામાં વાયરલ થયો છે.


ટેકરા પર કાર પાર્ક કરવું ભારે પડ્યું

મળતી જાણકારી અનુસાર, થાર કારના ચાલકે પોતાની ગાડીને એક ટેકરા પર પાર્ક કરી હતી. જોકે, તેણે કારને સુરક્ષિત રીતે પાર્ક ન કરતા, તે પાણીની નજીક પહોંચી ગઈ હતી. ચાલક કારમાંથી બહાર નીકળ્યો કે તરત જ અચાનક થાર કાર ધીમે ધીમે પાણીમાં ગરકાવ થવા લાગી જાણે જળ સમાધિ લેવાની હોય. આ દ્રશ્ય જોઇને આસપાસના લોકો પણ સ્તબ્ધ થઇ ગયા હતા.

સ્થાનિક લોકોના મદદથી કારને બહાર કાઢવામાં આવી

કાર પાણીમાં ગરકાવ થતી હોવા છતાં, સદનસીબે ચાલક સમયસર બહાર નીકળી ગયો હોવાથી તેનો આબાદ બચાવ થયો હતો. ત્યારબાદ, સ્થાનિક લોકોની મદદથી અને એક ટેમ્પોના સહારે આ થાર કારને પાણીમાંથી બહાર કાઢવામાં આવી હતી. આ ઘટનાનો કોઈકે વીડિયો બનાવી લીધો હતો, જે હાલ સોશિયલ મીડિયા પર વાયરલ થઈ રહ્યો છે. આ વીડિયોમાં સ્પષ્ટપણે જોઈ શકાય છે કે કેવી રીતે કાર ધીમે ધીમે પાણીમાં સમાઈ રહી છે. આ ઘટનાએ વાહન પાર્ક કરતી વખતે સાવચેતી રાખવાનું મહત્ત્વ ફરી એકવાર ઉજાગર કર્યું છે.


  • Follow us on: