Navsari Rain News: જલાલપોર તાલુકાના ગ્રામ્ય વિસ્તારોમાં વરસાદથી પ્રસરી ઠંડક

નવસારી જિલ્લામાં સતત બીજા દિવસે પણ વરસાદ વરસ્યો હતો. જલાલપોર તાલુકાના ગ્રામ્ય વિસ્તારોમાં વરસાદ પડતાં વાતાવરણમાં ઠંડક પ્રસરી હતી. સ્થાનિકોને ગરમીથી રાહત મળી હતી. રાજ્યમાં આગામી 5 દિવસ ભારે વરસાદની આગાહી કરવામાં આવી છે. ત્યારે ખેડૂતોમાં ખુશીની લહેર જોવા મળી હતી. ચીખલી, ગણદેવી સહિત વાંસદામાં પણ વરસાદી માહોલ સર્જાયો છે. વરસાદના પગલે વાતાવરણ ખુશનુમા થયુ છે.

વાતાવરણમાં પ્રસરી ઠંડક

નવસારીમાં વરસાદી માહોલ થતા વાતાવરણમાં પલટો જોવા મળ્યો છે. વરસાદી માહોલના કારણે ખેડૂતોમાં ખુશી જોવા મળી રહી છે. વાવેતર માટે તેઓએ તૈયારીઓ કરી રહ્યા છે. દક્ષિણ ગુજરાતમાં વરસાદી માહોલ થતા પ્રવાસીઓ અહીં ફરવા માટે આવે છે. ત્યારે અહીં જોવા મળતુ કુદરતી સાનિધ્ય મન ખુશ કરે તેવું હોય છે. વરસાદી માહોલ વચ્ચે વાતાવરણમાં પલટો જોવા મળ્યો છે. નવસારી જિલ્લામાં બીજા દિવસે સતત વરસાદ વરસતા નદીઓ છલકાઇ છે.

ધોધમાર વરસાદની કરાઇ આગાહી

નવસારીમાં ભારે વરસાદની આગાહી કરાઇ છે. અંબાલાલ પટેલે આગામી દિવસોમાં ભારેથી અતિભારે વરસાદની આગાહી કરી છે. નવસારી સહિત આસપાસના વિસ્તારોમાં વરસાદી માહોલ જોવા મળી રહ્યો છે. ત્યારે નદી અને તળાવમાં નવા નીરની આવક થઇ છે. નદી અને તળાવ છલકાતા રોડ-રસ્તા પર પાણી વહી રહ્યા છે. વાહન ચાલકો મુશ્કેલીનો સામનો કરી રહ્યા છે. આ બધાની વચ્ચે નીચાણવાળા વિસ્તારોમાં રહેતા સ્થાનિકો માટે મુસીબતનો માહોલ સર્જાયો છે.