ગુજરાત ભાજપના પ્રદેશ પ્રમુખના પદ માટે ચાલી રહેલી લાંબી અટકળો પર હવે પૂર્ણવિરામ મુકાઈ ગયો છે. રાજ્યના સહકાર મંત્રી જગદીશ વિશ્વકર્મા (પંચાલ)એ ઔપચારિક રીતે આ પદ માટે પોતાનું ઉમેદવારી પત્ર ભરી દીધું છે. તેમણે ચૂંટણી અધિકારી ઉદય કાનગડને નિયત સમયમાં ફોર્મ સુપરત કર્યું હતું. સૌથી મહત્વની વાત એ છે કે, આ પદ માટે અન્ય કોઈ નેતાએ ઉમેદવારી ફોર્મ ભર્યું નથી. આનાથી સ્પષ્ટ થાય છે કે જગદીશ વિશ્વકર્માની બિનહરીફ નિયુક્તિ થવી લગભગ નિશ્ચિત છે.
રાષ્ટ્રીય પરિષદના સભ્ય માટે 39 ફોર્મ ભરાયા
ગુજરાત ભાજપના પ્રદેશ અધ્યક્ષ માટેની ચૂંટણીમાં ઉમેદવારી ફોર્મ પરત ખેંચવાનો સમય પૂર્ણ થયો છે. મંત્રી જગદીશ વિશ્વકર્માએ પ્રદેશ અધ્યક્ષ માટેનું ફોર્મ ભર્યું છે. જ્યારે રાષ્ટ્રીય પરિષદ સભ્ય પદ માટે પણ ફોર્મ ભરાયા છે. પ્રદેશ અધ્યક્ષ માટે એક અને રાષ્ટ્રીય પરિષદના સભ્ય માટે 39 ફોર્મ ભરાયા છે. તમામ સભ્યો સાથે એક એક ટેકેદારે પણ ફોર્મ ભર્યા છે.
