ગુજરાતમાં આગામી સ્થાનિક સ્વરાજ્યની ચૂંટણીઓને લઈને રાજકીય માહોલ ગરમાયો છે. આ દરમિયાન ભાવનગરમાં એક ઐતિહાસિક રાજકીય ઘટના જોવા મળી છે. રાજ્યના મુખ્યમંત્રી ભૂપેન્દ્ર પટેલ પોતે ગ્રાઉન્ડ લેવલ પર પ્રચાર માટે મેદાનમાં ઉતર્યા છે. ગત રાત્રિએ મુખ્યમંત્રીએ ભાવનગર શહેરના પીરછલ્લા વોર્ડ નંબર-6 ના ચૂંટણી કાર્યાલયની અચાનક મુલાકાત લેતા રાજકીય ગરમાવો વધી ગયો છે.
દિગ્ગજ નેતાઓની હાજરી
મુખ્યમંત્રીની આ ઓચિંતી મુલાકાત દરમિયાન તેમની સાથે કેબિનેટ મંત્રી જીતુ વાઘાણી, ધારાસભ્ય સેજલબેન પંડ્યા સહિત ભાજપના અનેક દિગ્ગજ આગેવાનો હાજર રહ્યા હતા. CM એ વોર્ડ કાર્યાલય પર હાજર ઉમેદવારો અને કાર્યકરો સાથે સીધો સંવાદ કર્યો હતો અને ચૂંટણી જીતવા માટે તેમનો ઉત્સાહ વધાર્યો હતો.