આજે રાજ્યમાં સ્થાનિક સ્વરાજ્યની ચૂંટણીનું મતદાન શરૂ થયું છે. આ મતદાન શરૂ થાય તે પહેલાં જ પંચમહાલમાં મતદાન મથક પર આગની ઘટના સામે આવી છે. પંચમહાલ જિલ્લાના મુખ્ય મથક ગોધરામાં ચૂંટણીની પ્રક્રિયા શરૂ થાય તે પૂર્વે જ આગ લાગતા અફરાતફરી મચી ગઈ હતી.શહેરના બામરોલી રોડ પર આવેલી શારદા મંદિર સ્કૂલ જેને મતદાન મથક તરીકે નિર્ધારિત કરવામાં આવી હતી ત્યાં અચાનક આગ ફાટી નીકળતા તંત્ર અને સ્થાનિકોમાં દોડધામ મચી ગઈ હતી.
EVMને સમયસર સુરક્ષિત સ્થળે ખસેડાયા હતાં
પંચમહાલના ગોધરામાં બામરોલી રોડ પર આવેલી શારદા મંદિર સ્કૂલ જેને મતદાન મથક તરીકે નિર્ધારિત કરવામાં આવી હતી ત્યાં અચાનક આગ ફાટી નીકળતા તંત્ર અને સ્થાનિકોમાં દોડધામ મચી ગઈ હતી. શાળાના રૂમમાં ACમાં કોઈ કારણોસર આગ લાગી હતી. જોતજોતામાં આગના ધૂમાડાના ગોટેગોટો જોવા મળ્યા હતાં. આગે વિકરાળ સ્વરૂપ ધારણ કરતા ચૂંટણી સ્ટાફ અને ત્યાં હાજર લોકોમાં ડરનો માહોલ સર્જાયો હતો.EVMને સમયસર સુરક્ષિત સ્થળે ખસેડાયા હતાં.
