આગામી સ્થાનિક સ્વરાજ્યની ચૂંટણીઓને લઈને મહેસાણામાં રાજકીય માહોલ ગરમાયો છે. આજે મહેસાણા મહાનગરપાલિકામાં સત્તા કબજે કરવાના મક્કમ નિર્ધાર સાથે ભારતીય જનતા પાર્ટી દ્વારા એક વિશાળ મહારેલીનું આયોજન કરવામાં આવ્યું હતું. આ રેલી દ્વારા ભાજપે પોતાનું સંગઠન અને શક્તિનું પ્રદર્શન કર્યું છે.
દિગ્ગજ નેતાઓની હાજરી
આ મહારેલીમાં મહેસાણાના પ્રભારી ભરત ડાંગર, જિલ્લા પ્રમુખ, સ્થાનિક ધારાસભ્ય સહિતના પક્ષના અનેક દિગ્ગજ નેતાઓ જોડાયા હતા. રેલીમાં મહાનગરપાલિકાના તમામ ઉમેદવારો અને મોટી સંખ્યામાં કાર્યકરો કેસરીયા ખેસ અને ટોપી સાથે ઉમટી પડ્યા હતા, જેના કારણે સમગ્ર મહેસાણા શહેર કેસરીયા રંગે રંગાયેલું જોવા મળ્યું હતું.
