રાજકોટ ક્રાઇમ બ્રાન્ચે વર્ષ 2012માં બનેલી 14 વર્ષ જૂની રૂ.12 લાખની સનસનાટીભરી લૂંટનો સફળતાપૂર્વક ભેદ ઉકેલી નાખ્યો છે. પોપટપરા નાળા પાસે ત્રણ શખ્સો દ્વારા આ લૂંટની ઘટનાને અંજામ આપવામાં આવ્યો હતો. લાંબા સમયથી વણઉકેલાયેલા આ ગુનામાં લૂંટારૂઓ વચ્ચે લૂંટની રકમની ગેરવાજબી ભાગબટાઈને લઈને અંદરોઅંદર ઊભો થયેલો વિવાદ જ પોલીસ માટે ગુનાનો ભેદ ઉકેલવામાં મુખ્ય ચાવીરૂપ સાબિત થયો હતો.
અઢી લાખ વધુ લેવાની માથાકૂટ પડી મોંઘી
તપાસ દરમિયાન સામે આવ્યું છે કે લૂંટની ઘટના બાદ આરોપી સદામ ઉર્ફે અફઝલે ભાગબટાઈ વખતે પોતાના સાગરીતો કરતાં રૂ. અઢી લાખ વધુ લઈ લીધા હતા. આ વધારાની રકમ બાબતે તેની તેના જ અન્ય બે સાથીદારો રાકેશ ચુડાસમા અને ઈકબાલ શેખ સાથે સતત માથાકૂટ અને તણાવ ચાલી રહ્યો હતો. લૂંટની રકમના ભાગ પાડવા મુદ્દે આરોપીઓ વચ્ચે ચાલતી આ જ આંતરિક અદાવત અને બોલાચાલીની વિગતો પોલીસ સુધી પહોંચી ગઈ હતી.