રાજકોટ શહેરમાંથી સગીરાની સુરક્ષા પર સવાલ ઉભા કરતી એક અત્યંત શરમજનક ઘટના સામે આવી છે. કેટરિંગ ક્ષેત્રે કામ કરતી ૧૫ વર્ષની એક અલ્પવયસ્ક સગીરાને પ્રેમજાળમાં ફસાવીને તેની સાથે દુષ્કર્મ આચરવામાં આવ્યું હતું. આરોપીએ સગીરાને લલચાવી-ફોસલાવીને પોતાની ઓફિસ ખાતે લઈ જઈને તેની સાથે ચાર-ચાર વખત દુષ્કર્મ આચર્યું હતું.
પાંચ મહિના અગાઉ થયો હતો પરિચય
તપાસ દરમિયાન બહાર આવ્યું છે કે, રાજકોટના ભોમેશ્વર વિસ્તારમાં રહેતા અમૃત બેલમ નામના શખ્સ સાથે સગીરાનો પરિચય આશરે પાંચ મહિના અગાઉ થયો હતો. આ પરિચયનો ગેરફાયદો ઉઠાવીને આરોપીએ ગત જૂન મહિનામાં સગીરાને પોતાની ઓફિસે લઈ જઈને હવસનો શિકાર બનાવી હતી.