સુરત શહેરમાં નશાના ગેરકાયદે કારોબારને જડમૂળથી ઉખેડી ફેંકવા માટે કમિશનરેટ દ્વારા ચલાવવામાં આવી રહેલી વિશેષ ઝુંબેશ અંતર્ગત પોલીસને મોટી સફળતા સાંપડી છે. શહેરના ડિંડોલી અને ઉત્રાણ પોલીસ મથકની ટીમોએ અલગ-અલગ સ્થળોએ સફળ ઓપરેશન પાર પાડીને ગાંજાની હેરાફેરી કરતા બે શખ્સોને ઝડપી પાડ્યા છે. પોલીસે બંને કાર્યવાહી દરમિયાન કુલ 10.925 કિલોગ્રામ ગાંજો, જેની બજાર કિંમત ₹5,46,250 થાય છે, તે કબજે કરી નાર્કોટિક્સ ડ્રગ્સ એન્ડ સાયકોટ્રોપિક સબસ્ટન્સ (NDPS) એક્ટ હેઠળ ગુનો નોંધી કાયદેસરની કાર્યવાહી હાથ ધરી છે.
ડિંડોલીમાંથી 2.50 લાખનો ગાંજો જપ્ત
ડિંડોલી પોલીસ મથકની સર્વેલન્સ ટીમને મળેલી ચોક્કસ બાતમીના આધારે વોચ ગોઠવી એક શંકાસ્પદ શખ્સને કોર્ડન કરી ઝડપી લેવામાં આવ્યો હતો.આરોપી પાસેથી 5.006 કિલોગ્રામ વનસ્પતિજન્ય ગાંજો મળી આવ્યો હતો, જેની અંદાજિત કિંમત ₹2,50,300 આંકવામાં આવી છે. ડિંડોલી પોલીસે ગાંજાનો જથ્થો જપ્ત કરી આરોપી વિરુદ્ધ NDPS એક્ટની કલમો હેઠળ ગુનો નોંધી તેની ધરપકડ કરી છે.