સુરત સિવિલમાંથી રેપનો આરોપી ફરાર થયો છે. આરોપીને લાજપોર જેલમાંથી લાવીને કોર્ટમાં રજૂ કરાયો હતો. કોર્ટમાં રજૂ કરતી વખતે ખેંચ આવતા ઢળી પડ્યો હતો. ઇમરજન્સી વિભાગમાં બળાત્કાર અને પોક્સોના ગુનાના આરોપીને સારવાર માટે લઈ જવાયો હતો. પોલીસ જાપ્તાના કર્મીઓની નજર ચૂકવીને ફરાર થયો. જેના પગલે પોલીસમાં દોડધામ મચી ગઈ છે. ક્રાઈમ બ્રાન્ચ પોલીસ દ્વારા આરોપીની શોધખોળ હાથ ધરી છે.


સિવિલમાંથી રેપનો આરોપી ફરાર થયો

Also Read

લાજપોર જેલમાં બંધ આરોપીને કોર્ટમાં રજૂ કરવા માટે લાવવામાં આવ્યો હતો. આ દરમિયાન આરોપીને ખેંચ આવતા તાત્કાલિક સારવાર માટે સુરત સિવિલ હોસ્પિટલ ખસેડવામાં આવ્યો હતો. આરોપી જ્યારે સારવારમાં હતો ત્યારે પોલીસની નજર ચૂકવીને આરોપી હોસ્પિટલમાંથી ફરાર થી ગયો હતો. આરોપી ફરાર થતા ઉચ્ચ પોલીસ અધિકારીઓને જાણ કરવામાં આવી હતી. પોલીસે આરોપીને ઝડપી લેવા શોધખોળ હાથ ધરી છે.

આરોપીને ખેંચ આવતા ઢળી પડ્યો 

આરોપી શુભમ શર્મ પોલીસના જાપ્તામાંથી ફરાર થયો છે. પોલીસે આરોપીને ઝડપી લેવા સીસીટીવી કેમેરા તપાસી આરોપી કઈ દિશામાં ફરાર થયો તે દિશામાં તપાસ હાથ ધરી છે. આ સાથે જ પોલીસકર્મીઓની પણ તપાસ કરવામાં આવશે. ક્રાઈમ બ્રાન્ચ અને ખટોદરા, વરાછા પોલીસ દ્વારા અલગ અલગ ટીમ બનાવી આરોપીની શોધખોળ હાથ ધરવામાં આવી છે.


  • Follow us on: