સુરતના ઉન પાટિયા વિસ્તારમાં એક અત્યંત ગંભીર અને ચોંકાવનારી ઘટના સામે આવી છે. તિરુપતિ નગરમાં રહેતો 13 વર્ષીય કિશોર એક બિલ્ડિંગ પરથી બાજુમાં આવેલી નિર્માણાધીન બિલ્ડિંગ પર કૂદકો મારવાનો પ્રયાસ કરી રહ્યો હતો. આ દરમિયાન સંતુલન ગુમાવતાં તે ત્રીજા માળેથી નીચે ગ્રાઉન્ડ ફ્લોર પર પટકાયો હતો.
લોખંડનો સળિયો કિશોરની ગરદનના ભાગેથી ઘૂસી ગયો
નીચે પટકાતાં જ નિર્માણાધીન સ્થળે રહેલો લોખંડનો સળિયો કિશોરની ગરદનના ભાગેથી ઘૂસી ગયો હતો અને મોઢામાંથી આરપાર નીકળી ગયો હતો. ગંભીર ઈજાને કારણે ઘટનાસ્થળે અફરાતફરી મચી ગઈ હતી. કિશોરને તાત્કાલિક સારવાર માટે હોસ્પિટલ ખસેડવામાં આવ્યો હતો.