સુરત શહેરમાં નાગરિકોના આરોગ્ય સાથે ચેડાં કરતા વેપારીઓ સામે ફૂડ સેફ્ટી વિભાગે લાલ આંખ કરી છે. સતત સાતમા દિવસે પણ શહેરની વિવિધ હોટલો અને રેસ્ટોરન્ટોમાં સરપ્રાઇઝ ચેકિંગ કામગીરી યથાવત્ રહી હતી. સાતમા દિવસે ફૂડ સેફ્ટી ટીમે 237 હોટલ અને રેસ્ટોરન્ટોમાં દરોડા પાડી તપાસ હાથ ધરી હતી, જેમાં 203.29 કીલો અખાદ્ય અને વાસી ખોરાક ઝડપાતાં તેનો ત્વરિત નાશ કરવામાં આવ્યો હતો.
સ્થળ પર જ દંડ અને નોટિસનો ફટકારો
તપાસ દરમિયાન આરોગ્યના નિયમોનું ઉલ્લંઘન કરતી અને અ સ્વચ્છતા ધરાવતી 105 હોટલ તેમજ રેસ્ટોરન્ટોને કાયદેસરની નોટિસ ફટકારવામાં આવી છે. આ ઉપરાંત, બેદરકારી દાખવનારા સંચાલકો સામે સ્થળ પર જ કડક કાર્યવાહી કરીને રૂ.5,16,700નો રોકડ દંડ વસૂલ કરવામાં આવ્યો હતો. ફૂડ વિભાની આ સઘન કામગીરીથી અખાદ્ય સામગ્રી વેચતા વેપારીઓમાં ભારે ફાળ પડી છે.