તાજેતરમાં વૈશ્વિક આર્થિક પરિસ્થિતિઓ, ડોલર ઇન્ડેક્સમાં ઉતાર-ચઢાવ અને માર્કેટ કરેક્શનના કારણે સોના અને ચાંદીના ભાવમાં નોંધપાત્ર ઘટાડો જોવા મળ્યો છે. આ મૂલ્ય ઘટીને સોનાના ભાવ આશરે 1.45 લાખ અને ચાંદીના ભાવ 1.90 લાખ આસપાસ પહોંચ્યા છે. આ વૈશ્વિક કારણોસર બજારમાં કિંમતો નીચી આવતા સામાન્ય ગ્રાહકો માટે સોનું ખરીદવું વધુ સરળ બન્યું છે અને આર્થિક દૃષ્ટિએ આ સમયને યોગ્ય ગણવામાં આવી રહ્યો છે.
તહેવારો અને શુભ મુહૂર્તો માટે એડવાન્સ બુકિંગ
પુષ્ય નક્ષત્ર, ધનતેરસ અને દિવાળી જેવા પવિત્ર તહેવારો નજીક આવી રહ્યા છે ત્યારે ગ્રાહકોમાં ભારે ઉત્સાહ જોવા મળી રહ્યો છે. ભાવ ઘટ્યા હોવાનો લાભ લેવા માટે લોકો અત્યારથી જ જ્વેલરી શોપ્સ પર પહોંચીને એડવાન્સ બુકિંગ કરાવી રહ્યા છે. સ્થાનિક બજારના અગ્રણી ઝવેરી વીરેન ચોકસીના જણાવ્યા અનુસાર, તહેવારોની મોસમ પહેલાં જ ભાવ નીચા જવા એ ગ્રાહકો માટે ખરીદી કરવાનો ઉત્તમ અને સુવર્ણ સમય સાબિત થઈ રહ્યો છે.
