સુરત શહેરના પુણા વિસ્તારમાંથી માતા અને પુત્રીના મૃતદેહ શંકાસ્પદ હાલતમાં મળી આવતા સમગ્ર વિસ્તારમાં ભારે અરેરાટી અને ખળભળાટ મચી ગયો છે. બનાવની જાણ થતાં જ પુણા પોલીસની ટીમ તાત્કાલિક ઘટનાસ્થળે પહોંચી હતી. પોલીસે પ્રાથમિક તબક્કે અકસ્માતે મોતનો ગુનો નોંધીને ઘટના અંગે ઊંડાણપૂર્વક તપાસ હાથ ધરી છે.
મૃતદેહોને પીએમ માટે મોકલાયા
પોલીસની પ્રાથમિક તપાસ અને સ્થાનિક સ્તરે મેળવેલી માહિતીના આધારે માતા-પુત્રીએ કોઈ અગમ્ય કારણોસર આપઘાત કર્યો હોવાનું અનુમાન સેવાઈ રહ્યું છે. જોકે, મોત પાછળનું ચોક્કસ કારણ જાણી શકાય તે માટે પોલીસે બંને મૃતદેહોને કબ્જે કરીને પોસ્ટમોર્ટમ (PM) અર્થે હોસ્પિટલ ખસેડ્યા છે.