Tharad: ગુજરાતમાં વહીવટી ફેરફાર, વાવ-થરાદને મળ્યા નવા SP, કલેક્ટર અને DDO

ગુજરાત સરકાર દ્વારા તાજેતરમાં જાહેર કરાયેલ વહીવટી ફેરફારોમાં નવા બનેલા વાવ-થરાદ જિલ્લાને તેના પ્રથમ વહીવટી વડાઓ મળી ગયા છે, તેમજ બોટાદ જિલ્લામાં પણ નવા પોલીસ અધિક્ષકની નિમણૂંક કરવામાં આવી છે.

નવા SPની નિમણૂંક

વાવ-થરાદ (Vav-Tharad), IPS અધિકારી ચિંતન તેરૈયાની નિમણૂક નવા બનેલા વાવ-થરાદ જિલ્લાના પોલીસ અધિક્ષક (SP) તરીકે કરવામાં આવી છે. IPS અધિકારી ધર્મેન્દ્ર શર્માની બોટાદ જિલ્લાના SP તરીકે નિમણૂંક કરવામાં આવી છે.

વાવ-થરાદ જિલ્લાના કલેક્ટર અને DDOની નિમણૂંક

વાવ-થરાદ જિલ્લાના કલેક્ટર અને DDOની નિમણૂંક કરવામાં આવી છે. નવા મહેસૂલી જિલ્લા વાવ-થરાદ માટે કલેક્ટર અને જિલ્લા વિકાસ અધિકારી (DDO)ની પણ નિમણૂક કરવામાં આવી છે, કલેક્ટર વરિષ્ઠ અધિકારી જે.એ. પ્રજાપતિને વાવ-થરાદના પ્રથમ કલેક્ટર તરીકે મૂકવામાં આવ્યા છે. જિલ્લા વિકાસ અધિકારી (DDO) કાર્તિક જીવાણીની બદલી કરીને તેમને વાવ-થરાદના જિલ્લા વિકાસ અધિકારી (DDO) તરીકે નિયુક્ત કરવામાં આવ્યા છે. આ નિમણૂકો સાથે, વાવ-થરાદ જિલ્લામાં વહીવટી અને પોલીસ તંત્રના વડાઓની નિયુક્તિ પૂર્ણ થઈ છે, જેનાથી નવા જિલ્લાનું વહીવટી માળખું કાર્યરત થશે.