વડોદરાના બાજવા વિસ્તારમાં એસિડ પીધા બાદ કાળઝાળ પીડાથી કાજલ નામની મહિલાના મોતનો મામલો સામે આવ્યો છે. આ દુર્ઘટના બાદ મૃતક કાજલના પિતાએ તેના સાસરિયાઓ સામે અત્યંત ગંભીર આક્ષેપો કર્યા છે. પિતાનું કહેવું છે કે સાસરિયાઓના સતત માનસિક ત્રાસ અને અવારનવાર થતા ઝઘડાથી કંટાળીને તેમની દીકરીએ આત્યંતિક પગલું ભરીને આપઘાત કર્યો છે.
સાસરિયાઓનું બહાનુ અને પિતાનું હ્રદયદ્રાવક નિવેદન
આ સમગ્ર ઘટના અંગે સાસરિયાઓએ એવો બચાવ કર્યો હતો કે કાજલે ભૂલથી પાણીને બદલે એસિડ પી લીધું હતું. બીજી તરફ, શોકાતુર પિતાએ સાસરિયાઓ સામે ગંભીર આક્ષેપ કરતા જણાવ્યું હતું કે અગાઉ સમાધાન પેટે સાસરિયાઓએ તેમની પાસે રૂપિયા 10 લાખની માંગણી કરી હતી. પિતાએ દીકરી પ્રત્યેનો અમીટ પ્રેમ વ્યક્ત કરતા ભાવુક થઈને કહ્યું હતું કે, "હું રૂપિયા ૨૫ લાખ આપવા તૈયાર છું, પણ કોઈક રીતે મારી દીકરીને મને બેઠી કરી આપો."