વડોદરા ગેસ લિમિટેડ (VGL) દ્વારા તહેવારોની મોસમમાં સામાન્ય જનતા પર બોજ વધારતો મોટો નિર્ણય લેવામાં આવ્યો છે. વડોદરામાં સીએનજી (CNG) અને પીએનજી (PNG) ના ભાવમાં વધારો કરવામાં આવ્યો છે, જે આજથી જ અમલી બની ગયો છે. આ વધારાને કારણે વાહનચાલકો અને ઘરની રસોઈ પર સીધી અસર પડશે.
CNG માં પ્રતિ કિલો રૂ1.50નો વધારો
નવા આદેશ અનુસાર, સીએનજી (CNG) ની કિંમતમાં પ્રતિ કિલો 1.50 રૂપિયાનો વધારો ઝીંકવામાં આવ્યો છે. અગાઉ સીએનજી 89 રૂપિયા પ્રતિ કિલોના ભાવે ઉપલબ્ધ હતો, જે હવે વધીને 90.50 રૂપિયા પ્રતિ કિલો થઈ ગયો છે. દૈનિક મુસાફરી કરતા વાહનચાલકો માટે આ ભાવવધારો ખિસ્સા પર ભારરૂપ સાબિત થશે.