ગુજરાતમાં વાહન ચાલકોની સલામતિ માટે હેલ્મેટનો કાયદો ફરજિયાત કરવામાં આવ્યો છે. હેલ્મેટનો અમલ કરવા માટે પોલીસ સક્રિય થઈ ગઈ છે. ત્યારે વડોદરામાં આગામી 15 સપ્ટેમ્બરથી હેલ્મેટ ફરજિયાત કરવામાં આવ્યું છે. ગત આઠમી ઓગસ્ટે શહેર પોલીસ કમિશનર નરસિમ્હા કોમારે હેલ્મેટ ફરજિયાત અંગેની જાહેરાત કરી હતી. આ નિયમનું કડક અમલીકરણ કરવા પોલીસ એક્શનમાં આવી ગઈ છે.


બે હેલ્મેટ આપવા શો રૂમ સંચાલકોને સૂચન

વડોદરામાં આગામી 15 સપ્ટેમ્બરથી હેલ્મેટ પહેરવું ફરજિયાત કરવામાં આવ્યું છે. પોલીસ વિભાગ હેલ્મેટનો કડક અમલ કરાવવા માટે એક્શનમાં આવ્યો છે. પોલીસ વિભાગે ટુ વહીલર શો રૂમ સંચાલક અને હેલ્મેટ વિક્રેતાઓ સાથે બેઠક કરી હતી. પોલીસે તેમને BIS માર્કાવાળા જ હેલ્મેટનું વેચાણ કરવા સૂચના આપી હતી. પોલીસે નવા વાહનો સાથે બે હેલ્મેટ આપવા શો રૂમ સંચાલકોને સૂચન કર્યું હતું. નિયમ લાગુ થયો છે તેના નામે આડેધડ ભાવે હેલ્મેટ નહીં વેચવા પણ આદેશ અપાયો છે.

Also Read

હેલ્મેટની જરૂરિયાત તમારી માટે છે

વડોદરામાં નવા વાહન લેનારને પોલીસ ભવન ખાતે હેલ્મેટનું વિતરણ કરવામાં આવ્યું હતું.પોલીસ કમિશનર નરસિંમ્હા કોમારે કહ્યું હતું કે, ટુ વ્હિલર ચાલકો માટે પેટ્રોલ જેટલુ જરૂરી છે એટલું જ હેલ્મેટ જરૂરી છે. અગાઉ પોલીસ કમિશ્નરે કહ્યું હતું કે, તમને હેલ્મેટ નહીં હોવાથી રોકનાર પોલીસ કોઈ વિલન નથી. નાગરિકો પોલીસને સહકાર આપે તેવી અપીલ કરી છે. હેલ્મેટની જરૂરિયાત તમારી માટે છે.


  • Follow us on: