વડોદરા મ્યુનિસિપલ કોર્પોરેશન (VMC) દ્વારા રક્ષાબંધનના પવિત્ર તહેવાર નિમિત્તે શહેરની મહિલાઓ અને બાળકો માટે એક મહત્વપૂર્ણ નિર્ણય લેવામાં આવ્યો છે. પવિત્ર તહેવારના દિવસે મહિલાઓ પોતાના ભાઈને રાખડી બાંધવા સરળતાથી જઈ શકે તે માટે તંત્ર દ્વારા સિટી બસ અને ઈ-બસ સેવા તદ્દન મફત કરવાનો નિર્ણય કરાયો છે. VMC ના આ નિર્ણયથી સમગ્ર વડોદરા શહેરમાં મહિલા વર્ગમાં આનંદની લહેર ફરી વળી છે.
મહિલાઓ અને બાળકો માટે વિનામૂલ્યે મુસાફરી
આ વિશેષ સુવિધા હેઠળ રક્ષાબંધનના આખા દિવસે મહિલાઓ અને બાળકો શહેરમાં ગમે ત્યાં ઈ-બસ કે સિટી બસમાં વિનામૂલ્યે મુસાફરી કરી શકશે. મુસાફરી દરમિયાન તેમણે કોઈ પણ પ્રકારની ટિકિટ લેવાની રહેશે નહીં. શહેરના એક સ્થળેથી બીજા સ્થળે જવા માટે ભાડાની ચિંતા કર્યા વગર મહિલાઓ સુરક્ષિત અને આરામદાયક સફરનો લાભ લઈ શકશે, જેથી તેમના સમય અને નાણાં બંનેની બચત થશે.