વડોદરા શહેરમાં પાઇપસ્વાસ્થ્ય અને સુવિધાજનક પીંગ (PNG) ગેસ કનેક્શન મેળવવા માટે પડાપડી જામી છે, જેના કારણે અરજદારોએ કનેક્શન મેળવવા માટે અંદાજે 1 મહિના જેટલું લાંબું વેટિંગ કરવું પડી રહ્યું છે. વર્તમાન સ્થિતિ મુજબ વડોદરા ગેસ લિમિટેડ (VGL) માં દરરોજ આશરે 150 જેટલી નવી અરજીઓ આવી રહી છે. VGL દ્વારા દૈનિક ધોરણે 300 જેટલા કનેક્શન આપવામાં આવતા હોવા છતાં, ઊંચી માંગના કારણે હાલમાં અંદાજે 12 હજાર જેટલાં કનેક્શન પેન્ડિંગ બોલી રહ્યા છે.
શહેરમાં હજુ પણ 2.50 લાખ ગ્રાહકો સિલિન્ડર પર નિર્ભર
વડોદરા શહેરમાં હાલમાં 3 લાખ જેટલા ગ્રાહકો PNG કનેક્શનનો ઉપયોગ કરી રહ્યા છે, જ્યારે હજુ પણ આખા શહેરમાં અંદાજે 2.50 લાખ જેટલા ગ્રાહકો એલપીજી ગેસ બોટલ (સિલિન્ડર) પર જ નિર્ભર છે. વૈશ્વિક સ્તરે સર્જાયેલી યુદ્ધ જેવી પરિસ્થિતિ અને સુરક્ષિત તથા સરળ ઇંધણની જરૂરિયાત વધ્યા બાદ અચાનક જ PNG કનેક્શન માટેની માંગમાં ભારે ઉછાળો જોવા મળ્યો છે. જોકે, રાહતની વાત એ છે કે હાલ પૂરતા PNG કનેક્શન કે ગેસના ભાવમાં કોઈ પણ પ્રકારનો વધારો કરવામાં આવ્યો નથી.
