ઓક્ટોબર મહિના દરમિયાન વલસાડ જિલ્લામાં થયેલા અણધાર્યા કમોસમી વરસાદના કારણે ખેડૂતોના પાકને વ્યાપક નુકસાન થયું છે. ખાસ કરીને, જિલ્લાના મુખ્ય પાક એવા ડાંગરના પાકને મોટો ફટકો પડ્યો છે, જેના કારણે ખેડૂતોની સ્થિતિ કફોડી બની છે.
સર્વે અને સહાયની પ્રક્રિયા
જિલ્લા ખેતીવાડી વિભાગ દ્વારા જાહેર કરાયેલા આંકડા મુજબ, કુલ ડાંગર વાવેતર 73,766 હેક્ટર વિસ્તાર કરવામાં આવ્યું છે. જેમાં કુલ અસરગ્રસ્ત વિસ્તાર 51,230 હેક્ટર છે. જિલ્લાના કુલ 469 ગામો અસરગ્રસ્ત થયા છે. 19,165 ખેડૂતોને સીધી અસર પહોંચી છે.સરકાર દ્વારા નુકસાનનો સર્વે કરવા અને ખેડૂતોને સહાય પૂરી પાડવા માટે ત્વરિત કાર્યવાહી શરૂ કરવામાં આવી છે. નુકસાનના સર્વે માટે કુલ 16 ટીમોની રચના કરવામાં આવી છે.
