રાજ્યમાં હવામાનમાં ફરી એકવાર પલટો જોવા મળી રહ્યો છે. વેસ્ટર્ન ડિસ્ટર્બન્સ (પશ્ચિમી વિક્ષેપ) ના અસરના કારણે આજે રાજ્યના કેટલાક વિસ્તારોમાં વરસાદ પડવાની સંભાવના વ્યક્ત કરવામાં આવી છે. હવામાન વિભાગના જણાવ્યા અનુસાર, આ સિસ્ટમના કારણે દક્ષિણ ગુજરાત અને સૌરાષ્ટ્રના વિવિધ જિલ્લાઓમાં માવઠું કે વરસાદી ઝાપટાં પડી શકે છે.
કયા કયા વિસ્તારોમાં રહેશે વરસાદી માહોલ?
આજે જે વિસ્તારોમાં વરસાદની આગાહી કરવામાં આવી છે તેમાં મુખ્યત્વે નીચે મુજબના જિલ્લાઓનો સમાવેશ થાય છે:
- સૌરાષ્ટ્ર પંથક: રાજકોટ, જૂનાગઢ, અમરેલી, ગીર સોમનાથ અને ભાવનગર તેમજ દીવમાં વરસાદની શક્યતા છે.
- દક્ષિણ ગુજરાત અને અન્ય: નવસારી, વલસાડ, દમણ અને દાદરા નગર હવેલીમાં પણ વરસાદી માહોલ રહી શકે છે.
આવતીકાલથી તાપમાનમાં વધારો થતા ગરમી વધશે
એક તરફ જ્યાં આજે કેટલાક વિસ્તારોમાં વરસાદની આગાહી છે, તો બીજી તરફ આવતીકાલથી રાજ્યમાં હવામાન શુષ્ક બનવાની સાથે ગરમીનું જોર વધવાની શરુઆત થશે. આગામી દિવસોમાં રાજ્યના મહત્તમ તાપમાનમાં 2થી 3 ડિગ્રી સેલ્સિયસ સુધીનો વધારો નોંધાઈ શકે છે, જેના કારણે નાગરિકોને ફરીથી ગરમી અને ઉકળાટનો અનુભવ થશે.
ગુજરાતના વધુ સમાચાર વાંચવા માટે ક્લિક કરો
