મૂળ વડોદરાના અને હાલ ન્યુઝીલેન્ડ ખાતે સ્થાયી થયેલા મિહિર પટેલ અને તેમના પત્ની કિન્નરી પટેલ નેપાળના પ્રવાસે ગયા બાદ રહસ્યમય રીતે ગુમ થઈ ગયા છે. આ દંપતી મુંબઈ સ્થિત એક જાણીતી ટ્રાવેલ્સ એજન્સી મારફતે નેપાળ પ્રવાસ માટે રવાના થયું હતું. નેપાળ પહોંચ્યાના થોડા સમય બાદ અચાનક જ પરિવાર સાથેનો તેમનો સંપર્ક સંપૂર્ણપણે તૂટી ગયો હતો, જેને પગલે વડોદરામાં રહેતા તેમના પરિવારજનો અને સગા-સંબંધીઓમાં ઘેરી ચિંતાની લાગણી વ્યાપી ગઈ છે.
https://x.com/sandeshnews/status/2092939573609537737?s=20
ભાઈ ચિરાગ પટેલે સરકાર પાસે મદદની ગુહાર લગાવી
દંપતી સાથે સતત સંપર્ક કરવાના પ્રયાસો નિષ્ફળ જતાં, કિન્નરી પટેલના ભાઈ ચિરાગ પટેલે આ મામલે રાજ્ય અને કેન્દ્ર સરકાર પાસે તાત્કાલિક હસ્તક્ષેપની માંગ કરી છે. ચિરાગ પટેલે ભારતીય વિદેશ મંત્રાલય અને નેપાળ સ્થિત ભારતીય એમ્બેસીને અપીલ કરી છે કે તેઓ સ્થાનિક પ્રશાસન સાથે સમન્વય સાધીને મિહિર અને કિન્નરીની શોધખોળ માટે તાત્કાલિક બચાવ કામગીરી શરૂ કરાવે.
મુંબઈની ટ્રાવેલ એજન્સી અને સ્થાનિક તંત્રની તપાસ
આ ઘટના બાદ પરિવાર દ્વારા મુંબઈની સંબંધિત ટ્રાવેલ્સ એજન્સીનો પણ સંપર્ક કરવામાં આવી રહ્યો છે, જેથી દંપતીના છેલ્લા લોકેશન, હોટેલ બુકિંગ અને પ્રવાસ યોજના અંગેની મહત્વપૂર્ણ માહિતી મેળવી શકાય. સ્થાનિક તંત્ર અને રાજદ્વારી સ્તરે સંપર્ક સાધીને પટેલ દંપતીને સુરક્ષિત અને હેમખેમ શોધી કાઢવા માટેની કાયદાકીય અને બચાવ પ્રક્રિયાઓ ઝડપી બનાવવામાં આવી છે.
આ પણ વાંચો : Nepal Flood: ભૂકંપ નહીં, ગ્લેશિયરનો ટૂકડો 1200 મીટર નીચે પડ્યો અને.... નેપાળ પૂરની આ છે કહાણી!
