Gujarat Breaking News Updated: આણંદના ખંભાતમાં પોલીસ સ્ટેશનમાં તોડફોડ

આણંદના ખંભાતમાં પોલીસ સ્ટેશનમાં તોડફોડ

આણંદના ખંભાતમાં પોલીસ સ્ટેશનમાં તોડફોડ કરવામાં આવી છે. પોલીસ સ્ટેશનમાં વાહનોમાં તોડફોડ કરાઈ છે. મેળામાં ધાર્મિક પુસ્તક ફાડીને ઉડાડતા રોષ જોવા મળી રહ્યો છે. જેને લઈને મુસ્લિમ સમાજના લોકો પોલીસ સ્ટેશન પહોંચ્યા છે અને આરોપીને ઝડપી પાડી કાર્યવાહી કરવાની માગ કરવામાં આવી છે.  

કચ્છના મીરજાપર ગામના ચીટરની ધરપકડ

કચ્છના મીરજાપર ગામના ચીટરની ધરપકડ કરવામાં આવી છે. જાહેરાતોમાં કામ આપવાને બહારે ઠગાઈ કરતો હતો. એક યુગલ પાસેથી 25 લાખ રુપિયા પડાવ્યા હતા. આરોપી હિતેશ પરમારે આગઉ પણ છેતરપિંડી કરી હતી. ભૂકંપમાં સહાય અપાવવાના નામે છેતરપિંડી કરી હતી. બોર્ડર પર કામના ટેન્ડરના બહાને છેતરપિંડી કરી હતી. 

Gandhinagar: બગીચામાં ટ્રેનમાં બેસવા મુદ્દે મારામારી, ડ્રાઈવરે બે લોકોને છરીના ઘા માર્યા

રાજ્યના પાટનગર ગાંધીનગરમાં પણ હવે ક્રાઈમની ઘટનાઓમાં વધારો થઈ રહ્યો છે. ગાંધીનગરમાં સેક્ટર 28ના બગીચામાં ખૂની ખેલ ખેલાયો છે. સેક્ટર 28ના બગીચામાં ટ્રેનમાં બેસવા મામલે મારામારી થઈ હતી અને ત્યારબાદ ટ્રેન ડ્રાઈવરે અમદાવાદના બે સહેલાણીઓને છરી ઘા માર્યા છે. અમદાવાદના જુહાપુરા ખાતેથી ગાંધીનગર સેકટર 28ના બગીચામાં ફરવા માટે આવેલા 16 જેટલા સહેલાણીઓ પૈકી બે ઉપર ઘાતકી હુમલો થયો છે. અમાન ઈકબાલ શેખ અને હુસેન યાકુબ પઠાણ ઉપર આ ઘાતકી હુમલો ટ્રેન ડ્રાઈવર દ્વારા કરવામાં આવ્યો છે. 

સુરતના ઉધનામાં ક્રેઇન સર્વિસની ઓફિસમાં આગ

સુરતના ઉધનામાં ક્રેઈન સર્વિસની ઓફિસમાં આગ લાગી છે. ઓફિસમાં શોર્ટ સર્કિટથી આગ લાગી હતી. ફાયર બ્રિગેડે આગ પર કાબુ મેળવી લીધો છે. આગની ઘટનામાં ફર્નિસર સહિતનો સામાન બળીને ખાક થઈ ગયો છે. 

ગૃહમંત્રી અમિત શાહ આવતીકાલથી બે દિવસના ગુજરાત પ્રવાસે

ગૃહમંત્રી અમિત શાહ આવતીકાલથી બે દિવસના ગુજરાત પ્રવાસે આવશે. આવતીકાલે સાંજે 7 વાગ્યે અમદાવાદ એરપોર્ટ પહોંચશે, ત્યારબાદ નારણપુરાના કોર્પોરેટર જયેશ પટેલના નિવાસ સ્થાનની મુલાકાત લેશે અને રાત્રે 8.15 કલાકે ઘાટલોડિયા વિધાનસભાના સ્નેહ મિલનના કાર્યક્રમમાં હાજર રહેશે. બીજા દિવસે 19મી નવેમ્બરે સવારે 11 વાગ્યે ગાંધીનગર દાંડી કુટીરના કાર્યક્રમમાં હાજર રહેશે અને પોસ્ટ વિભાગના ટિકિટ પ્રદર્શનીમાં હાજરી આપશે. આ સિવય અન્ય ઘણા કાર્યક્રમમાં હાજરી આપશે. 

બાબા સિદ્દીકી હત્યા કેસમાં પેટલાદના એક શખ્સની ધરપકડ

મહારાષ્ટ્રના મુંબઈમાં બાબા સિદ્દીકીની હત્યા કેસ મામલે આણંદના પેટલાદના એક શખ્સની ધરપકડ કરવામાં આવી છે. આણંદ જિલ્લાના પેટલાદના રહેવાસી સલમાનભાઈ ઈકબાલભાઈ વ્હોરાની ધરપકડ કરવામાં આવી છે. સિદ્દીકી હત્યા કેસમાં અત્યાર સુધી 25 લોકોની ધરપકડ થઈ ચૂકી છે. તમને જણાવી દઈએ કે પેટલાદના આ શખ્સ સલમાનભાઈ ઈકબાલભાઈ વ્હોરાની ધરપકડ અંગે જાણવા મળ્યું છે કે તેણે આ વર્ષે મે મહિનામાં બેન્ક ખાતું ખોલાવ્યું હતું અને ધરપકડ કરવાામાં આવેલા ઘણા આરોપીઓને તેને આર્થિક મદદ કરી હોવાનું સામે આવ્યુ છે. મુંબઈના ઘાટકોપરથી ધરપકડ કરવામાં આવી છે.

પાટણની ઘારપુર મેડિકલ હોસ્પિટલમાં ABVPના કાર્યકર્તાનો હોબાળો

પાટણની ઘારપુર મેડિકલ હોસ્પિટલમાં ABVPના કાર્યકર્તાએ હોબાળો મચાવ્યો છે. રેંગિગ કેસમાં વિદ્યાર્થીના મોત બાદ તમામ લોકોમાં રોષ જોવા મળી રહ્યો છે. કાર્યકર્તાઓએ ન્યાયની માગ સાથે સૂત્રોચ્ચાર કર્યા. હોબાળાને પગલે પોલીસ બોલાવવાની ફરજ પડી છે.  

દિલ્હીમાં પ્રદૂષણ ગંભીર સ્થિતિએ પહોંચ્યું, આવતીકાલથી GRAP-4  લાગુ થશે

રાજધાની દિલ્હીમાં સતત વધી રહેલા હવાના પ્રદૂષણને ધ્યાનમાં રાખીને સમિતિએ દિલ્હી સહિત સમગ્ર NCR પ્રદેશમાં GRAP-4 લાગુ કરવા માટેનો નિર્ણય લીધો છે. GRAP-4ના પ્રતિબંધો આવતીકાલે સોમવારે 18 નવેમ્બર, 2024ના રોજ સવારે 8 વાગ્યાથી અમલમાં આવશે.

સુરતમાં વધુ એક યુવકની હત્યા 

સુરતમાં વધુ એક યુવકની હત્યા કરવામાં આવી છે. ચોક બજારની પારસ સોસાયટીમાં હત્યા કરાઈ છે અને હત્યારાઓ CCTVમાં કેદ થયા છે. ઘરમાં ઘૂસીને ચપ્પુના ઘા ઝીંકી યુવકની હત્યા કરાઈ છે. 

મણિપુરમાં બિરેનસિંહ સરકારને મોટો ઝટકો, NPPએ સર્મથન પરત ખેંચ્યું

મણિપુરમાં NDAની સહયોગી પાર્ટી NPPએ બિરેન સિંહ સરકારને આપેલું સમર્થન પરત ખેંચવાની જાહેરાત કરી છે. NPPએ આ સંબંધમાં ભાજપના રાષ્ટ્રીય અધ્યક્ષ જેપી નડ્ડાને પત્ર મોકલ્યો છે. NPP પાસે 7 ધારાસભ્યો છે. NPPનું સમર્થન પરત ખેંચી લેવાથી બીરેન સિંહ સરકાર માટે કોઈ જોખમ નથી પણ રાજ્યની હાલમાં ચાલી રહેલી પરિસ્થિતિ વચ્ચે NPPનું સમર્થન પરત ખેંચવું એ એક મોટું પગલું છે.

અમદાવાદના મણીનગરમાં પરિણીતાનો આપઘાત 

અમદાવાદના મણીનગરમાં પરિણીતાએ આપઘાત કર્યો છે. પતિ સાથે તકરાર થતા પરિણીતાએ આપઘાત કર્યો છે. તક્ષશિલા એપાર્ટમેન્ટમાં સાતમાં માળેથી કુદી આપઘાત કર્યો છે. પોલીસે ઘટનાસ્થળે પહોંચી વધુ તપાસ હાથ ધરી છે. 

Manipurમાં સ્થિતિ વણસી, ગૃહમંત્રી અમિત શાહે કરી સમીક્ષા બેઠક

મણિપુરમાં હિંસક ઘટનાઓ અટકવાનું નામ લઈ રહી નથી. એક રાહત શિબિરમાંથી 6 લોકોના અપહરણ અને હત્યા બાદ રાજ્યમાં ફરી એક વખત ભારે ખળભળાટ મચી ગયો છે, જેના કારણે ઈમ્ફાલ પશ્ચિમ અને ઈમ્ફાલ પૂર્વમાં કર્ફ્યુ લાદી દેવામાં આવ્યો છે. તેમજ રાજ્યના 7 જિલ્લામાં આગામી બે દિવસ માટે ઈન્ટરનેટ પણ બંધ કરી દેવામાં આવ્યું છે. ત્યારે કેન્દ્રીય ગૃહમંત્રી અમિત શાહે રવિવારે 17 નવેમ્બરે રાજધાની દિલ્હીમાં વરિષ્ઠ અધિકારીઓ સાથે બેઠક યોજી છે, આ દરમિયાન અમિત શાહે મણિપુરમાં સુરક્ષાની સ્થિતિની સમીક્ષા કરી અને ત્યાંની સ્થિતિ વિશે વિગતવાર માહિતી લીધી છે.

મોરબીમાં ભાજપના નેતાનો વાણી વિલાસ

મોરબીમાં ભાજપના નેતાનો વાણી વિલાસ સામે આવ્યો છે. વિસ્તારના કામોને લઈ ભાજપ નેતાનો વાણી વિલાસ સામે આવ્યું છે. મત આપશો તો જ કામ માગી શક્શોનું નિવેદન આપ્યું છે. જિલ્લા પંચાયતના સભ્ય જયંતી પડસુંબિયાએ ઉડાઉ જવાબ આપ્યો છે. વાવડી રોડ પરની સોસાયટીના લોકોને આવો ઉડાઉ જવાબ આપ્યો છે. 

પાલીતાણામાં બજાર વચ્ચે આખલા યુદ્ધના દ્રશ્યો આવ્યા સામે 

પાલીતાણા નગરપાલિકાની બેજવાબદારી સામે આવી છે. બજાર વચ્ચે આખલા યુદ્ધના દ્રશ્યો સામે આવ્યા છે. આખલા યુદ્ધમાં એક રાહદારી ઘાયલ થયો છે. રખડતા ઢોર સામે કોઈ કાર્યવાહી ન થતા લોકોમાં રોષ જોવા મળી રહ્યો છે.

દાદા ભગવાનના 117માં જન્મદિનની વડોદરામાં થઈ ઉજવણી

દાદા ભગવાનના 117માં જન્મદિનની વડોદરામાં ઉજવણી કરવામાં આવી છે. નવલખી મેદાન ખાતે 10 લાખ સ્ક્વેર મીટર એરિયામાં જોવા જેવી દુનિયા તૈયાર કરાઈ છે. 8 દિવસના ટૂંકા ગાળા માટે આયોજિત કરાયેલી જોવા જેવી દુનિયામાં માનવ મહેરામણ ઉમટ્યું છે. 6 લાખથી વધુ લોકોએ મુલાકાત લીધી છે.

Sabarkantha: પ્રાંતિજમાં પતંગ ચગાવવા ગયેલી બાળકીને ધાબા પર કરંટ લાગતા મોત 

સાબરકાંઠા જિલ્લાના પ્રાંતિજમાં માતા-પિતા માટે ચેતવણીરુપ સમાન કિસ્સો સામે આવ્યો છે. વીજ કરંટ લાગતા 9 વર્ષની બાળકીનું મોત થયું છે. પ્રાંતિજના નાનીભાગોળ કહાર વાસમાં મકાનના ધાબા ઉપર પતંગ ચગાવતી બાળકીને વીજ કરંટ લાગ્યો અને તેનું મોત નિપજ્યું છે. 

પંચમહાલ: પોલીસે ગૌવંશ ભરેલી આઈસર ગાડી પકડી   

પંચમહાલમાં પોલીસ અને ગૌરક્ષકોએ કતલખાને લઈ જવાતા ગૌવંશ ભરેલી આઈસર ગાડી પકડી પાડી છે. શહેરા ગોધરા હાઈવે ઉપર વાઘજીપૂર ચોકડી પાસેથી કતલખાને લઈ જવાતા 11 ગૌવંશને પોલીસે બચાવી લીધા છે. આઈસર ગાડીમાં કતલખાને લઈ જવાતા 11 પશુઓને બચાવી લીધા છે. પોલીસે પશુઓ સાથે પકડાયેલા આઈસર ગાડીના ચાલકની પૂછપરછ હાથ ધરી છે. 

Vadodara: ભાજપના બે ધારાસભ્યો સામ-સામે, સદસ્યતા અભિયાન મુદ્દે એકબીજા પર કર્યા કટાક્ષ

વડોદરામાં ભાજપના બે ધારાસભ્યો સામ સામે આવી ગયા છે અને ધારાસભ્ય યોગેશ પટેલે ધારાસભ્ય ચૈતન્ય દેસાઈ પર કરેલા કટાક્ષ મામલે હવે રાજકારણ ગરમાયું છે. ભાજપ સદસ્યતા અભિયાન મુદ્દે એકબીજા પર કટાક્ષ કરવામાં આવ્યા છે. ત્યારે ધારાસભ્ય ચૈતન્ય દેસાઈએ યોગેશ પટેલને સ્નેહમિલન સમારોહમાં આ મુદ્દે જવાબ આપતા કહ્યું કે મોટા નેતાએ કહ્યું કે અકોટા વિધાનસભામાં સંશોધનનો વિષય છે કે આટલા બધા પ્રાથમિક સભ્યો બન્યા કેવી રીતે? ત્યારે તેમને કહ્યું કે એમની વાત સાચી છે, સંશોધનનો વિષય છે તો છે જ. બીજી તરફ કટાક્ષ કરતા કહ્યું કે સંશોધનનો વિષય એવો છે કે તમે તમારી પોતાની ચિંતા કરો કે તમારે ત્યાં કેમ સભ્યો ન બન્યા?

સાંજે 6 વાગ્યા સુધીના મહત્વના સમાચાર

1. Surat: નેશનલ હાઈવે 48 પર 15 કિલોમીટર લાંબો ટ્રાફિકજામ, જુઓ આકાશી દ્રશ્યો 

2. Vadodara: IOCLની રીફાઈનરીમાં લાગેલી આગની ઘટના મામલે મેજેસ્ટ્રીયલ તપાસ કરવાના આદેશ 

3. Banaskantha: ભાભરમાં દેશની પ્રથમ ગૌમૂત્ર ડેરીનો પ્રારંભ, શંકર ચૌધરીના હસ્તે કરાયું લોકાર્પણ 

4. Patan: પાટણની મેડિકલ કોલેજમાં રેગિંગે વિદ્યાર્થીનો લીધો ભોગ! 

5. Surat: સુરતમાં બોગસ બિલિંગ કૌભાંડનો ખેલ, 8 પેઢી શંકાના દાયરામાં, જાણો કેમ 

6. Khyati Hospital કેસમાં ચોકાવનારો ખુલાસો, 2 નહીં પણ 5 લોકોની મોતની સર્જરી 

7. Ahmedabad: નહેરુનગરમાં ફાયરિંગનો મામલો હત્યામાં ફેરવાયો, મૃતદેહ સ્વીકારવાનો પરિવારજનોએ કર્યો ઈન્કાર 

8. "ખોટી વાર્તા...!" વિક્રાંત મેસીના 'ધ સાબરમતી રિપોર્ટ' પર PM મોદીએ શું કહ્યું?

9. Odisha: 4 ડિસેમ્બરે પુરીમાં ભારતીય નૌકાદળનું શક્તિ પ્રદર્શન, 40 વિમાન લેશે ભાગ

10. Trade War: ચીન અને અમેરિકા વચ્ચેના વેપાર યુદ્ધમાં ભારતને કેટલો થશે ફાયદો?

વડોદરામાં ફર્નિચરના શો રુમમાં લાગી આગ 

વડોદરામાં ફર્નિચરના શો રુમમાં આગ લાગી છે. સરદાર એસ્ટેટ નજીક ફર્નિચરના શો રુમમાં આગની ઘટના બની છે. લાકડાને કારણે આગ વધુ વિકરાળ બની છે. હાલમાં ફાયર બ્રિગેડની ગાડીઓ ઘટનાસ્થળે હાજર છે. 

રાજકોટ નાગરિક સહકારી બેંકની ચૂંટણીમાં મતદાન પૂર્ણ

રાજકોટ નાગરિક સહકારી બેંકની ચૂંટણીમાં મતદાન પૂર્ણ થયું છે. કુલ સરેરાશ 96.39 ટકા મતદાન થયું. 332માંથી 320 ડેલીગેટ્સે મતદાન કર્યું છે. રાજકોટ મતદાન કેન્દ્ર પર 96.43 ટકા મતદાન થયું છે. રાજકોટ ખાતે 196 મતમાંથી 189 મત પડ્યા. જેમાં સહકાર પેનલ અને સંસ્કાર પેનલ વચ્ચે મુકાબલો છે. આગામી 19 નવેમ્બરે મત ગણતરી હાથ ધરાશે. 

દાહોદમાં એરપોર્ટ માટે સરવે શરુ થતા વિરોધ

દાહોદમાં ઝાલોદ તાલુકાના ગામોમાં એરપોર્ટ માટે સરવે કરાયો હતો, જોકે એરપોર્ટ માટે સરવે શરુ થતા વિરોધ કરવામાં આવ્યો હતો. મળતી માહિતી મુજબ,  ઢાગોળા, ગુલતોરા, શારદા, છાયણ ગામમાં એરપોર્ટ માટે સરવે થશે. સરવેની કામગીરી પહેલા જ ગ્રામજનોનો વિરોધ નોંધાવ્યો હતો. જમીન જતી રહેવાથી ખેડૂતોમાં નારાજગી  જોવા મળી રહી છે. આ અગાઉ દિલ્હી-મુંબઇ હાઇવેમાં પણ જમીન કપાણીને લઇ વિરોધ નોંધાવ્યો હતો. વિરોધને કલેક્ટર સહિતના અધિકારીઓ પહોંચ્યા અને  ગ્રામજનોએ કલેક્ટર સામે વ્યથા વર્ણવી હતી.

PM મોદી નાઈઝીરિયાના સર્વોચ્ચ સન્માન "ધ ગ્રેન્ડ કમાન્ડર ઑફ ધ નાઈઝર"થી સન્માનિત

પીએમ નરેન્દ્ર મોદીને અબુજામાં નાઈજીરિયાનું સર્વોચ્ચ સન્માન "ધ ગ્રાન્ડ કમાન્ડર ઓફ ધ ઓર્ડર ઓફ ધ નાઈજર" એનાયત કરવામાં આવ્યું છે. આ 17મો આંતરરાષ્ટ્રીય પુરસ્કાર છે જે તેને અન્ય કોઈ દેશમાંથી મળી રહ્યો છે. આ પુરસ્કાર રવિવારે નાઈજીરિયા વતી વડાપ્રધાન નરેન્દ્ર મોદીને આપવામાં આવશે.

ભીલ પ્રદેશની માગ મુદ્દે સાંસદ મનસુખ વસાવાનું નિવેદન

• ‘ચૈતર વસાવા અગાઉ પણ ભીલીસ્તાનની માંગણી કરી હતી’
• ‘વર્ષો પહેલા સોમજી ડામોરે પણ માંગણી કરી હતી’
• ભૌગોલિક રીતે એ શક્ય પણ નથીઃ મનસુખ વસાવા
• અલગ પ્રદેશની માંગણી સાથે અમે નથીઃ મનસુખ વસાવા
• હજુ સુધી કોઇને સફળતા મળી નથીઃ મનસુખ વસાવા
• ‘ભાજપના શાસનથી આદિવાસી સમાજ ખુશ છે’
• રોડ, રસ્તા, પાણીના પ્રશ્નો સરકારે ઉકેલ્યા છેઃ વસાવા

વડાપ્રધાન મોદીને કયા-કયા દેશે પોતાના દેશનું સર્વોચ્ચ સન્માન આપ્યું

પીએમ મોદીને બે દિવસ અગાઉ ડોમિનિકાએ પોતાના દેશનો સર્વોચ્ચ પુરસ્કારથી સન્માનિત કરવાની જાહેરાત કરી છે. આ પહેલીવાર નથી કે જયારે પીએમ મોદીએ કોઈ દેશના સર્વોચ્ચ સન્માનથી સન્માનિત કરાયા હોય. આજ સુધી રેકોર્ડ 17 દેશ વડાપ્રધાન મોદીને સન્માનિત કરી ચુક્યા છે.

PM મોદી અને નાઈજીરિયાના રાષ્ટ્રપતિ વચ્ચે બેઠક

નાઈજીરીયામાં વડાપ્રધાન નરેન્દ્ર મોદી અને નાઈજીરીયાના રાષ્ટ્રપતિ બોલા અહેમદ ટીનુબુએ અબુજામાં રાષ્ટ્રપતિ મહેલમાં બેઠક યોજી હતી. આ દરમિયાન બંને નેતાઓ વચ્ચે ઘણા મહત્વપૂર્ણ મુદ્દાઓ પર ચર્ચા થઈ હતી.

ભાજપનાં કાઉન્સિલર સામે દુષ્કર્મના કેસ બાદ કાર્યવાહી

ભાજપનાં કાઉન્સિલર સામે દુષ્કર્મના કેસ બાદ કાર્યવાહી હાથ ધરવામાં આવી છે. આણંદ જિલ્લા ભાજપ પ્રમુખે કાઉન્સિલર દીપુ પ્રજાપતિને સસ્પેન્ડ કર્યો છે. દીપુ પ્રજાપતિ વિરુદ્ધ દુષ્કર્મનો ગુનો નોંધાયો છે.

ખ્યાતિકાંડમાં વધુ એક દર્દીનું મોત થયાનું ખૂલ્યું

• ધંધુકાના રતનપુર ગામના દર્દીનું થયું મોત
• એન્જિયોપ્લાસ્ટી કર્યા બાદ નીપજ્યું હતું મોત
• 9 નવેમ્બરે દર્દીનું સાલ હોસ્પિટલમાં થયું મોત
• 30 ઓક્ટોબરે તપાસ માટે દર્દી હોસ્પિટલ ગયા હતા
• દર્દીને 2 સ્ટેન્ટ મૂકવામાં આવ્યા હતા
• 3 સ્ટેન્ટ મૂક્યા બાદ 9 નવેમ્બરે એન્જિયોપ્લાસ્ટી કરી હતી
• એન્જિયોપ્લાસ્ટી કર્યા બાદ દર્દીનું નીપજ્યું હતં મોત
• ડો. પ્રશાંત વજીરાણી સામે કાર્યવાહી કરવા અરજી
• મૃતકના પુત્રએ ધંધુકા પોલીસમથકમાં કરી અરજી

દિલ્હીમાં ભાજપને મોટો ફટકો, પૂર્વ ધારાસભ્ય અનિલ ઝા AAPમાં જોડાયા

ચૂંટણી પહેલા દિલ્હીમાં ભાજપને મોટો ઝટકો લાગ્યો છે. બે વખત ભાજપના ધારાસભ્ય અનિલ ઝા આમ આદમી પાર્ટીમાં જોડાયા છે. અનિલ ઝા 2008 અને 2013માં કિરારીથી ભાજપના ધારાસભ્ય રહી ચૂક્યા છે.

વાતાવરણ મહા અઘાડીના પક્ષમાં છે, અમે સરકાર બનાવીશું: કેસી વેણુગોપાલ

મહારાષ્ટ્ર વિધાનસભા ચૂંટણીને લઈને કોંગ્રેસના મહાસચિવ કેસી વેણુગોપાલે કહ્યું કે મહાવિકાસ અઘાડીના પક્ષમાં વાતાવરણ એકદમ સ્પષ્ટ છે. અમે સરકાર બનાવીશું.

ધંધૂકાના આકરુ ગામે ગ્રામીણ સંસ્કૃતિને લગતા મ્યુઝિયમનું CM ભૂપેન્દ્ર પટેલે કર્યું લોકાર્પણ

મુખ્ય પ્રધાન ભૂપેન્દ્ર પટેલે, ધંધુકાના આકરુ ગામમાં અનોખુ ગ્રામીણ મ્યુઝિયમનું લોકાર્પણ કર્યું હતું. પદ્મશ્રી જોરાવરસિંહ જાદવે આકરુ ગામમાં લોક કલા મ્યુઝિયમ બનાવ્યું છે. જેનું લોકાર્પણ આજે મુખ્ય પ્રધાન ભૂપેન્દ્ર પટેલે કર્યું છે. આ મ્યુઝિયમમાં ગ્રામિણ સંસ્કૃતિને લગતી ઝાંખી જોવા મળે છે. ખાસ કરીને જ્યારે શહેરીકરણને કારણે ગ્રામિણ સંસ્કૃતિ અને વિરાસત વિસરાતી જાય છે ત્યારે આ લોક કલા મ્યુઝિયમ સૌ કોઈ માટે અનોખુ નજરાણું બની રહેશે. આ પ્રસંગે પૂર્વ મુખ્યમંત્રી શંકરસિંહ વાઘેલા, કર્ણાટકના પૂર્વ રાજ્યપાલ વજુભાઈ વાળા સહિત અનેક આગેવાનો ઉપસ્થિત રહ્યાં હતા.

પાટણની મેડિકલ કોલેજમાં રેગિંગે વિદ્યાર્થીનો લીધો ભોગ

પાટણની ધારપુર મેડિકલ કોલેજમાં વિદ્યાર્થીનું શંકાસ્પદ મૃત્યુ થયું છે. પ્રાથમિક વિગતો મુજબ વિદ્યાર્થી સાથે રેગિંગ થયું હોવાનો પરિવારનો આક્ષેપ છે. મૃતક વિદ્યાર્થી MBBSના પહેલા વર્ષમાં અભ્યાસ કરતો હતો. સુરેન્દ્રનગરના જેસડા ગામના વતની મૃતક વિદ્યાર્થીના મૃતદેહને પાટણ સિવિલ હોસ્પિટલ ખસેડાયો છે. આ તરફ પુત્રના મોતને લઈ પરિજનો ઘેરા શોકમાં ગરકાવ થઈ ગયા છે.

ગઢડાના ચભાડિયા ગામેથી બોગસ તબીબ ઝડપાયો

• 9 પાસ શખ્સ ડોક્ટર બની ચલાવતો હતો હાટડી
• ચભાડિયા ગામે ક્લિનિક શરૂ કરી કરતો હતો સારવાર
• પોલીસે બોગસ તબીબ ધાર્મિક પંડ્યાની કરી ધરપકડ
• ઇન્જેક્શન, દવા સહિતનો મેડિકલ સામાન જપ્ત

બપોરના 03 વાગ્યા સુધીના સૌથી મોટા સમાચાર

01. Surat: સુરતમાં બોગસ બિલિંગ કૌભાંડનો ખેલ, 8 પેઢી શંકાના દાયરામાં, જાણો કેમ

02. Khyati Hospital કેસમાં ચોકાવનારો ખુલાસો, 2 નહીં પણ 5 લોકોની મોતની સર્જરી

03. Ahmedabad: નહેરુનગરમાં ફાયરિંગનો મામલો હત્યામાં ફેરવાયો, મૃતદેહ સ્વીકારવાનો પરિવારજનોએ કર્યો ઈન્કાર

04. PM મોદી નાઈઝીરિયાના સર્વોચ્ચ સન્માન "ધ ગ્રેન્ડ કમાન્ડર ઑફ ધ નાઈઝર"થી સન્માનિત

05. PM Modi: વડાપ્રધાન મોદીને કયા-કયા દેશે પોતાના દેશનું સર્વોચ્ચ સન્માન આપ્યું, વાંચો

06. અમેરિકાએ ભારતને 1400થી વધુ પ્રાચીન વસ્તુઓ પરત કરી, જાણો કઈ-કઈ વસ્તુઓ મોકલી?

07. Gold-Silver Price Today: સોનામાં ભાવ વધ્યા, ચાંદીના ઘટયા, જાણો આજનો નવો ભાવ

08. અમિતાભ બચ્ચને KBCના સેટ પર કર્યો અદ્ભુત તાઈકવૉન્ડો મૂવ, જુઓ Video

09. Champions Trophy: પાકિસ્તાનને મળ્યો આ દેશનો સાથ,BCCI સાથે બાથ ભિડવી પડશે ભારે!

10. IPLમાં કોહલીએ લીધી છે 4 વિકેટ, જાણો ધોનીનો કેવો છે બોલિંગ રેકોર્ડ!

સુરતના જાણીતા ઉદ્યોગપતિના નામે 3 લોકોએ રૂપિયા 5.61 કરોડનો લગાવ્યો ચૂનો

સુરતમાં જાણીતા ઉદ્યોગકાર મહેશ સવાણીના નામની ખોટી ચિઠ્ઠી બનાવીને કરોડોની કૌભાંડ આચરવામાં આવ્યું છે. સુરતના જાણીતા ઉદ્યોગપતિના નામે ચૂનો લગાવાયો હોવાની જાણ થતા જ સુરત ક્રાઈમ બ્રાંચે તાબડતોબ એકશન લીધા છે. જેમાં રૂપિયા 5 કરોડ 61 લાખ પડાવનારા 3 સામે ગુનો નોંધ્યો છે. સુરત ક્રાઈમ બ્રાન્ચે ગુનો દાખલ કરીને વધુ તપાસ શરુ કરી છે. જેમા મુકેશ સવાણીની ધરપકડ કરી છે. જ્યારે ફાઇનાન્સર પિતા-પુત્ર ફરાર થઈ જવા પામ્યા છે. આ કેસ અંગે પ્રાપ્ત થતી માહિતી અનુસાર વેવાઈની 33 કરોડની મગદલ્લાની જમીન ઘોંચમાં નાખવા ફાઇનાન્સર ટોળકીએ કારસ્તાન કર્યું હોવાનું સામે આવ્યું છે.

સુરતમાં બોગસ બિલિંગ કૌભાંડનો ખેલ

સંદીપ વિરાણીની કંપની શંકાના દાયરામાં. ફોર્ચ્યુન કોપર ઈન્ડસ્ટ્રી શંકાના દાયરામાં. કૌભાંડમાં 8 પેઢી શંકાના દાયરામાં. રૂ. 582 કરોડની ખરીદી શંકાના દાયરામાં. આરોપીના રિમાન્ડ દરમિયાન થયા ખુલાસા. આરોપી સંદીપ વિરાણી પાસેથી મળ્યા ડેટા

ભાવનગરના જેસરમાં શંકાસ્પદ મૃતદેહનો ભેદ ઉકેલાયો

સગા કાકાએ જ ભત્રીજાની કરી હત્યા. પ્રેમ પ્રકરણમાં કાકાએ જ ભત્રીજાની હત્યા કર્યાનું ખૂલ્યું. 8 નવેમ્બરે યુવકનો મળ્યો હતો મૃતદેહ. રાણીગામ વાડી વિસ્તાર પાસેથી મળ્યો હતો મૃતદેહ પોલીસે બે આરોપીની કરી ધરપકડ. કાકા સલીમખાન બલોચ અને હાસમખાન બલોચની ધરપકડ

જામનગરમાં વાયુસેનાના હેલિકોપ્ટરનું ઇમરજન્સી લેન્ડિંગ

લાલપુરના ગોવાણા ગામે ઈમરજન્સી લેન્ડિંગ. લેન્ડિંગનું કારણ અકબંધ

અમદાવાદના અસલાલીમાં થયેલી લૂંટમાં 3 શખ્સોની ધરપકડ

• અસલાલી પોલીસે 3 લૂંટારાની કરી ધરપકડ
• સોનાની ચેઈન સહિત રોકડા 50 હજાર જપ્ત
• અનુરાગ સાક્યા, ક્રિષ્ના રાઠોડ, નીતિન વર્માની ધરપકડ

પાટણ GMERS મેડિકલ કોલેજના વિદ્યાર્થીનું આકસ્મિક મોત, રેગિંગ કરાયાનો આક્ષેપ

પાટણ GMERS મેડિકલ કોલેજના વિદ્યાર્થીનું આકસ્મિક મોત થવા પામ્યું છે. એવો આક્ષેપ કરાયો છે કે, મૃતક વિદ્યાર્થીનું રેગિંગ કરવામાં આવ્યું હતું. કોલેજના સીનીયર વિદ્યાર્થીઓએ રેગિંગ કર્યાનો આક્ષેપ કરાયો છે. MBBSના પ્રથમ વર્ષના વિદ્યાર્થીનું મોત થતા મેડીકલ કોલેજના ડીને તપાસ શરૂ કરી છે.

સુરતમાં ડમ્પર ચાલકો બન્યા બેફામ

સુરતમાં ડમ્પરચાલકે વિદ્યાર્થીને અડફેટે લેતા અકસ્માતમાં વિદ્યાર્થીનો ચમત્કારીક બચાવ થયો છે. વિદ્યાર્થીને અકસ્માતમાં સામાન્ય ઈજા પહોંચી છે. સ્થાનિકોમાં ડમ્પરચાલક વિરુદ્ધ રોષ વ્યક્ત કરીને ડમ્પરચાલકો સામે કાર્યવાહી કરવા માંગ કરી છે.

ભાભરમાં દેશની પ્રથમ ગૌમૂત્ર ડેરીનો પ્રારંભ

ભાભરમાં દેશની પ્રથમ ગૌમૂત્ર ડેરીનો પ્રારંભ કરાયો છે. અધ્યક્ષ શંકર ચૌધરીના હસ્તે લોકાર્પણ કરાયું  છે. ગૌપાલકો મહિને 18 લાખનું ગૌમૂત્ર વેચી કમાણી કરશે. ખેતપેદાશો માટે ગૌમૂત્ર અને અન્ય ઓષધિ ભેળવીને દવાઓ બનાવાશે.  ગૌમૂત્રની કિંમત મળતાં ગોપાલકો ગાય પાળવા પ્રેરિત થશે.

દિલ્હીમાં વિધાનસભા ચૂંટણી પહેલા AAPને મોટો ઝટકો

દિલ્હીમાં વિધાનસભા ચૂંટણી પહેલા AAPને મોટો ઝટકો, દિલ્હી સરકારના મંત્રી કૈલાશ ગહેલોતનું રાજીનામું, કૈલાશ ગહલોતએ AAPને કહી અલવિદા

ધંધુકામાં CMએ સરદાર પટેલની પ્રતિમાને પુષ્પાંજલિ અર્પી

ધંધુકામાં એસ.એસ. હોસ્પિટલ ટ્રસ્ટીઓ દ્વારા CM ભૂપેન્દ્ર પટેલનું સ્વાગત કરાયું હતું. એસ.એસ. હોસ્પિટલ ખાતે CMએ સરદાર પટેલની પ્રતિમાને પુષ્પાંજલિ અર્પી હતી. ભૂપેન્દ્રસિંહ ચુડાસણા, ભરત પંડ્યા, જીતુ વાઘાણી રહ્યા હાજર.

નોઈડાઃ સેક્ટર 168 છાપોલી ગામમાં લોહીથી લથપથ લાશ મળી 

નોઈડાના સેક્ટર 168ના છાપોલી ગામમાં એક યુવકની લોહીથી લથપથ લાશ મળી આવી છે. આ પછી ત્યાં હંગામો થયો હતો. મૃતકની ઓળખ જીતુ તરીકે થઈ છે. છરીના ઘા મારી હત્યા થયાની આશંકા છે. પોલીસે ઘટનાસ્થળે પહોંચી તપાસ શરૂ કરી હતી.

મહારાષ્ટ્રઃ બારામતીમાં શરદ પવારની બેગની તપાસ

મહારાષ્ટ્રના બારામતીના કરમાલામાં શરદ પવારની બેગની તપાસ કરવામાં આવી હતી. ચૂંટણી પંચની ટીમે NCP ચીફની બેગની તલાશી લીધી હતી.

ખ્યાતિ હોસ્પિટલ કેસમાં ચોકાવનારો ખુલાસો, 2 નહીં પણ 5 લોકોની મોતની સર્જરી

અમદાવાદની બહુચર્ચીત ખ્યાતિ હોસ્પિટલ મોતની સર્જરીમાં મોતનો આંકડો વધ્યો છે. મહેસાણા આરોગ્ય વિભાગની તપાસમાં ઘટસ્ફોટ થયો છે. કડીના 2 નહીં પણ કુલ 5 લોકોના મોત થયાનું ખૂલ્યું છે. બોરીસણાના 2 દર્દી સહિત કુલ 5 મોત થયાનું સામે આવ્યું છે. અમદાવાદની ખ્યાતિ હોસ્પિટલ કાંડના આરોપી ડૉ.પ્રશાંત વજીરાણીએ 4 વર્ષમાં 7 હજાર સર્જરી કરી હોવાનો ખુલાસો થયો છે. આ સાથે આરોપીએ 42 દિવસમાં 221 એન્ડિયોગ્રાફી અને એન્જિયોપ્લાસ્ટી કરી હતી તો આ તમામ ફાઈલ આયુષ્યમાન યોજનાનો લાભ લેવા મોકલાવામાં આવી હતી. આ તરફ હવે ખ્યાતિ હોસ્પિટલમાં 5 દર્દીના મોત મામલે તપાસ સમિતિએ ખ્યાતિ હોસ્પિટલની તપાસ શરૂ કરી છે.

બપોરના 12 વાગ્યા સુધીના સૌથી મોટા સમાચાર

01. Khyati Hospital કેસમાં ચોકાવનારો ખુલાસો, 2 નહીં પણ 5 લોકોની મોતની સર્જરી

02.Ahmedabad: નહેરુનગરમાં ફાયરિંગનો મામલો હત્યામાં ફેરવાયો, મૃતદેહ સ્વીકારવાનો પરિવારજનોએ કર્યો ઈન્કાર

03. Gandhinagar: ગાંધીનગરમાં વિમેન્સ ક્રિકેટ કપ-2024નું આયોજન, ટુર્નામેન્ટમાં 8 વિમેન્સ ટીમ લેશે ભાગ

04. Patan: સિધ્ધપુરમાં સર્જાયો ગમખ્વાર અકસ્માત, 15થી વધુ લોકો ઈજાગ્રસ્ત

05. Dwarka: ભગવાન દ્વારકાધીશને 330 ગ્રામનો સોના-હીરાજડિત મુકુટ અર્પણ કરાયો, જુઓ Video

07.Rajkot: રૂ.30 લાખનું સોનું પડાવી લેવાના આક્ષેપમાં A-ડિવિઝન પોલીસમથકના 2 કોન્સ્ટેબલ સસ્પેન્ડ

08. Amit Shahએ વિદર્ભની તમામ રેલીઓ રદ કરી, અચાનક નાગપુરથી દિલ્હી જવા રવાના

09. China: ચીનની એક શાળામાં છુરાબાજીમાં 8 લોકોનાં મોત, 17 ઈજાગ્રસ્ત, આરોપી સકંજામાં

10. Onion Price: શિયાળામાં ડુંગળીના ભાવને લઈને આવ્યું નવું અપડેટ, આટલા ઘટશે ભાવ

મહારાષ્ટ્ર: અમિત શાહની આજે તમામ જાહેર સભાઓ રદ્દ

મહારાષ્ટ્રમાં આજે યોજાનારી અમિત શાહની તમામ રેલીઓ રદ કરવામાં આવી છે. કેન્દ્રીય ગૃહમંત્રી નાગપુરથી દિલ્હી જવા રવાના થયા છે.

જામનગર-રાજકોટ હાઇવે પર અકસ્માતમાં પરિવાર હોમાયો, પતિ, પત્ની અને પુત્રીનું મોત

જામનગર-રાજકોટ હાઇવે પર અકસ્માતમાં પરિવાર હોમાયો છે. પતિ, પત્ની અને પુત્રીનું અકસ્માતમાં મોત થયું છે. જાયવા ગામ નજીક આશાપુરા હોટલ પાસે એકટીવા અને બોલેરા કાર વચ્ચે અકસ્માત સર્જાયો હતો. અકસ્માતમાં ત્રણ વ્યક્તિઓના મોતથી અરેરાટી પ્રસરી જવા પામી છે. મૃતકો ધ્રોલ તાલુકાના ભેંસદડ ગામના હોવાનું સામે આવ્યું છે. બનાવ સ્થળે પોલીસે પહોંચી આગળની કાર્યવાહી હાથ ધરી છે.

નહેરુનગરમાં ફાયરિંગનો મામલો હત્યામાં ફેરવાયો, મૃતદેહ સ્વીકારવાનો પરિવારજનોએ કર્યો ઈન્કાર

નહેરુનગર ટાગોર પોલીસ ચોકીની બાજુમાં અજાણ્યા શખ્સે વેપારી બદાજી મોદી પર ફાયરીંગ કર્યું હતું. ફાયરિંગની ઘટનામાં વેપારીને હોસ્પિટલમાં ખસેડાતા બદાજી મોદીનું સારવાર દરમિયાન મોત નીપજ્યું છે. ફાયરિંગનો મામલો હત્યામાં ફેરવાયો છે. પરિવારજનોનો હોસ્પિટલની બહાર હોબાળો કર્યો હતો. પરિવારજનોએ મૃતદેહ સ્વીકારવાનો ઈન્કાર કર્યો છે.

ગાંધીનગરમાં વિમેન્સ ક્રિકેટ કપ-2024નું આયોજન

વિમેન્સ ક્રિકેટ કપ 2024નું ગાંધીનગરમાં આયોજન કરવામાં આવ્યું છે. અલગ અલગ 8 ટીમ ગાંધીનગર ખાતે ક્રિકેટ રમશે. મહિલાઓ માટે પહેલી વાર આ પ્રકારે ક્રિકેટ ટુર્નામેન્ટનું આયોજન કરવામાં આવ્યું છે. આખી ટુર્નામેન્ટનું આયોજન ગર્લ્સ ખેલાડીઓના માતા પિતા દ્વારા કરવામાં આવે છે. ગાંધીનગર, વડોદરા, અમદાવાદની ટીમો અઠવાડિયા સુધી આ ટુર્નામેન્ટમાં રમશે.

બગસરામાં બોલેરો પલટતા એકનું મોત, 16ને ઈજા

• કુંકાવાવ રોડ પર બોલેરો પલટતાં અકસ્માત
• ઘટનામાં વિજયાબેન નામની મહિલાનું મોત
• 16ને ઈજા, 10 લોકોને સારવાર માટે દાખલ કરાયા

ભગવાન દ્વારકાધીશને 330 ગ્રામનો સોના-હીરાજડિત મુકુટ અર્પણ કરાયો

લાખો લોકોના આસ્થાના અખૂટ સાગર સમાન દ્વારકા ખાતે દર વર્ષે ભગવાન દ્વારકાધીશના દર્શનાર્થે લાખો ભક્તો આવતા હોય છે. ભગવાનના દરબારમાં સોના-ચાંદીના આભૂષણો અને રોકડ સહિતની મોંઘામુલી ભેટ સોગાત પણ ધરતા હોય છે. જેના ભાગરૂપે આજે માંજલપુરથી દ્વારકા પગપાળા સંઘે ભગવાન દ્વારકાધીશને 330 ગ્રામનો સોના-હીરા જડિત મુકુટ સહિત અર્પણ કરવામાં આવ્યા છે. આ સાથે મહિલામંડળે ચાંદીના 1 હજાર ગ્રામના ઢીંચણ પણ અર્પણ કર્યા છે.

સિધ્ધપુરમાં સર્જાયો ગમખ્વાર અકસ્માત, 15થી વધુ લોકો ઈજાગ્રસ્ત

સિદ્ધપુરમાં ગાગલાસણ ગામ નજીક ડાલુ ચાલકે સ્ટિયરિંગ પરથી કાબૂ ગુમાવતા અકસ્માતમાં 15થી વધુ લોકોને ઈજાગ્રસ્ત થયા છે. ઘાયલોને નજીકની હોસ્પિટલમાં સારવાર અપાઈ છે. પોલીસે ઘટનાસ્થળે પહોંચી તપાસ હાથ ધરી છે.

ઉત્તરાખંડના સીએમ ધામી પહોંચ્યા મુંબઈ, ભાજપના ઉમેદવારોના સમર્થનમાં પ્રચાર કરશે

મહારાષ્ટ્ર: ઉત્તરાખંડના મુખ્યમંત્રી પુષ્કર સિંહ ધામી ગઈકાલે રાત્રે મુંબઈ એરપોર્ટ પર પહોંચ્યા ત્યારે ઉત્તરાખંડના પ્રવાસીઓએ તેમનું સ્વાગત કર્યું હતું, તેઓ આજે મુંબઈમાં ભાજપના ઉમેદવારોના સમર્થનમાં પ્રચાર કરશે.

રિઝર્વ બેંકને ધમકીભર્યો ફોન, આરોપીએ પોતાને લશ્કરનો CEO કહ્યો

રિઝર્વ બેંકને ધમકીભર્યો ફોન આવ્યો છે. આ કોલ આરબીઆઈના કસ્ટમર કેર નંબર પર આવ્યો હતો. કોલ પર આરોપીએ પોતાની ઓળખ લશ્કર-એ-તૈયબાના સીઈઓ તરીકે આપી હતી. માતા રમાબાઈ માર્ગ પોલીસ સ્ટેશનમાં કેસ નોંધવામાં આવ્યો છે.

DRDOએ લાંબા અંતરની મિસાઈલનું સફળ પરીક્ષણ કર્યું

DRDO (ડિફેન્સ રિસર્ચ એન્ડ ડેવલપમેન્ટ ઓર્ગેનાઈઝેશન) એ ડૉ એપીજે અબ્દુલ કલામ દ્વીપ પરથી તેની લાંબા અંતરની હાયપરસોનિક મિસાઈલનું સફળતાપૂર્વક પરીક્ષણ કર્યું છે.

રાજકોટ હાઈવે પર અકસ્માતમાં 3 લોકોના મોત

ધ્રોલના જામનગર-રાજકોટ હાઈવે પર અકસ્માત સર્જાયો હતો. રાજકોટ હાઈવે પર જાયવા નજીક આશાપુરા હોટલ પાસે અકસ્માતમાં 3 લોકોના મોત થયાના સમાચાર સામે આવી રહ્યા છે. એક્ટિવા અને બોલેરો કાર વચ્ચે અકસ્માતમાં 3ના મોત થયા છે. આ ઘટનામાં ઈજાગ્રસ્ત એક બાળકીને સારવાર માટે હોસ્પિટલ ખસેડાઈ છે.

અમદાવાદના નહેરુનગર વિસ્તારમાં ફાયરિંગની ઘટનામાં એકનું મોત

અમદાવાદના નહેરુનગર વિસ્તારમાં ગઈરાત્રે બનેલ ફાયરિંગની ઘટનામાં એકનું મોત થયું છે. છેલ્લા કેટલાક દિવસથી અમદાવાદ સહીત મોટા શહેરોમાં પોલીસ અને સરકારનો કોઈ ડર જ ના હોય તેવુ વાતાવરણ ગુનેગારોએ સર્જી દીધુ છે. ગઈકાલ મોડી રાત્રે અમદાવાદના નહેરુનગર વિસ્તારમાં અંગત અદાવતને લઈને ફાયરિંગ કરાયું હતું. એક જ પરિવારના સભ્યએ અન્ય સભ્ય પર ફાયરિંગ કરાવીને મોતને ઘાટ ઉતારવામા આવ્યો છે. મોઢું બાંધી આવેલા 2 લોકો ફાયરિંગ કરીને ફરાર થયા હતા. ફાયરિંગમાં ઘટનામાં ઇજાગ્રસ્ત આધેડનું સારવાર દરમિયાન મોત થયું હતું. મૃતકના પરિવારજનોએ હત્યારા પકડાય નહીં ત્યાં સુધી મૃતદેહ સ્વીકારવાનો ઈન્કાર કર્યો છે.

પાલનપુરની ઉમિયા સેલ્ફ ફાઇનાન્સ કોલેજના પ્રમુખ સામે 60 લાખની છેતરપિંડીની ફરિયાદ

બનાસકાંઠાના પાલનપુરની ઉમિયા સેલ્ફ ફાઇનાન્સ કોલેજના પ્રમુખ સામે છેતરપિંડીની ફરિયાદ નોંધાઈ છે. ગિરીશ જગાણીયા સામે 60 લાખની છેતરપિંડીની પોલીસમાં ફરિયાદ નોંધાઈ છે. ગિરીશ જગાણીયાએ કોલેજ ચલાવવા આપી હતી, પરંતુ કોલેજ સારી ચાલતા વહીવટ પડાવી લીધી હોવાની ફરિયાદમાં ઉલ્લેખ કરાયો છે. અમદાવાદના ભરત બાંટીયાને ₹100ના સ્ટેમ્પ ઉપર કરાર કરી ઉમિયા કોલેજ ચલાવવા આપી હતી. ઉમિયા કોલેજ સારી ચાલતા ગિરીશ જગાણીયાએ પડાવી લીધી હોવાની ફરિયાદ કરાઈ છે. ફરિયાદીએ કોલેજમાં કરેલો 60 લાખ રૂપિયાનો ખર્ચ પરત ના આપતા છેતરપિંડીની થઈ ફરિયાદ

રાજકોટમાં A-ડિવિઝન પોલીસમથકના 2 કોન્સ્ટેબલ સસ્પેન્ડ, સંદેશ ન્યૂઝના અહેવાલની અસર

રાજકોટ શહેરની શ્રમજીવી સોસાયટીમાં રહેતા અને સોનીકામ કરતાં અશ્વિનભાઇએ લીંબડીમાં ઝેરી દવા પી જીવનનો અંત આણી લીધો હતો. અશ્વિનભાઇ પાસેથી મળેલી સ્યૂસાઇડ નોટના આધારે ચાર શખ્સ સામે આપઘાતની ફરજ પાડવાનો ગુનો પણ નોંધાયો હતો. આ મામલામાં A-ડિવિઝન પોલીસમથકના 2 કોન્સ્ટેબલ સસ્પેન્ડ કરવામાં આવ્યા છે.

મહીસાગરમાં અકસ્માતમાં 2 શ્રમિકનાં મોત

• અજાણ્યા વાહને અડફેટે લેતાં 2 શ્રમિકનાં મોત
• ફાગવેલ દર્શન કરવા જતા મહિલા-પુરુષનું મોત
• બાલાસિનોર-અમદાવાદ હાઈવે પર બની ઘટના
• બાલાસિનોર પોલીસે વધુ તપાસ હાથ ધરી

કચ્છમાં ખાણ ખનીજ વિભાગની ફ્લાઈંગ સ્ક્વોર્ડનો સપાટો, ગેરકાયદે ખનન અંગે કરાઈ કાર્યવાહી

કચ્છમાં ખાણ ખનીજ વિભાગની ફ્લાઈંગ સ્ક્વોર્ડે સપાટો બોલાવ્યો છે. ગેરકાયદે ખનન અંગે વાહનો જપ્ત કરીને વધુ કાયદેસરની કાર્યવાહી હાથ ધરાઈ છે. ચાર અલગ અલગ સ્થળ પર તપાસ હાથ ધરી કુલ 5 ટ્રક અને 2 એકસકેવેટર મશીન સીઝ કરવામાં આવ્યા છે. ભુજ તાલુકાના ધ્રોબાણા ગામે તપાસ હાથ ધરી બ્લેક ટ્રેપની એક ટ્રકને અધિકૃત રોયલ્ટી પાસ વિના પકડી છે. ભુજમાં એક ટ્રકને અધિકૃત રોયલ્ટી પાસ કરતા વધુ ઓવરલોડ રીતે બ્લેકટ્રેપ ખનિજનું વહન કરવા બદલ સીઝ કરાઇ છે. ભુજ તાલુકાના વડસર ગામની સીમમાં હાર્ડ મોરમ ખનિજનું બિનઅધિકૃત ખનન વહન કરવા બદલ એક એકસકેવેટર મશીન અને એક ટ્રકને સીઝ કરાઇ છે. લખપત તાલુકાના સામજીયારા ગામ ખાતે બેન્ટોનાઈટ અને સાદી માટી, મોરમ ખનીજનું ગેરકાયદે ખનન કરતા એક એકસકેવેટર મશીન તથા બે ટ્રક સીઝ કરવામાં આવી છે.

મહારાષ્ટ્રમાં આજે અમિત શાહની ત્રણ ચૂંટણી રેલીઓ

કેન્દ્રીય ગૃહમંત્રી અમિત શાહની આજે મહારાષ્ટ્રમાં ત્રણ ચૂંટણી રેલીઓ છે. શાહ સવારે 11 વાગ્યે ગઢચિરોલીમાં જનસભાને સંબોધશે. આ પછી વર્ધા અને કાટોલમાં રેલીઓ યોજાશે. આવતીકાલે સાંજે પાંચ વાગ્યા સુધીમાં ચૂંટણી પ્રચાર પૂરો થશે. 20મી નવેમ્બરે ચૂંટણી છે.

કોડીનાર માર્કેટ યાર્ડમાં ખેડૂતોનો હોબાળો

ગીર સોમનાથના કોડીનાર માર્કેટ યાર્ડમાં ખેડૂતોનો હોબાળો. માર્કેટ યાર્ડમાં મગફળીનો ટેકાના ભાવ અનુસાર ખરીદી ન કરાતા ખેડૂતોએ હોબાળો કર્યો. યાર્ડમાં મગફળીની ગુણવત્તાના આધારે વેપારીઓએ બજાર કિંમત ન આપતા હોવાથી ખેડૂતોમાં રોષ ફેલાયો હતો. છેલ્લા 2 દિવસથી સરકારે કોડીનારમાં ટેકાના 1356 ભાવે મગફળી ખરીદવાનું શરૂ કર્યું છે. ત્યારે આજે ખેડૂતોએ યાર્ડમાં પણ ટેકાના ભાવેજ ખરીદી શરૂ કરવાની હઠ પકડી અને હોબાળો મચાવી યાર્ડમાં જણસીની હરાજી બંધ કરાવી હતી.

PM મોદી આજે નાઈજીરિયામાં ભારતીય સમુદાયને સંબોધિત કરશે

વડાપ્રધાન 16-17 નવેમ્બર દરમિયાન નાઈજીરિયાની મુલાકાતે જશે. 17 વર્ષમાં ભારતીય વડાપ્રધાનની નાઈજીરિયાની આ પ્રથમ મુલાકાત હશે. મુલાકાત દરમિયાન, વડાપ્રધાન ભારત અને નાઈજીરીયા વચ્ચે વ્યૂહાત્મક ભાગીદારીની સમીક્ષા કરવા અને દ્વિપક્ષીય સંબંધોને વધારવા માટે વધુ તકો અંગે ચર્ચા કરવા માટે વાતચીત કરશે. પીએમ મોદી નાઈજીરીયામાં ભારતીય સમુદાયના એક સંમેલનને પણ સંબોધિત કરશે.

PM મોદીની બ્રાઝિલ મુલાકાત માટે ભારતીય પ્રવાસીઓએ તૈયારીઓ તેજ

રિયો ડી જાનેરો: પીએમ મોદીની બ્રાઝિલ મુલાકાત પહેલા ભારતીય ડાયસ્પોરાના સભ્યો દ્વારા તૈયારીઓ ચાલી રહી છે. તેમના ત્રણ દેશોના પ્રવાસના બીજા તબક્કા દરમિયાન, પીએમ મોદી 18-19 નવેમ્બર દરમિયાન નિર્ધારિત 19મી G20 લીડર્સ સમિટ માટે બ્રાઝિલની મુલાકાત લેશે.

દિલ્હીમાં પ્રદૂષણ સતત વધી રહ્યું છે, ઘણા વિસ્તારોમાં AQI 450ને પાર

દિલ્હીમાં પ્રદૂષણનું સ્તર સતત વધી રહ્યું છે. સેન્ટ્રલ પોલ્યુશન કંટ્રોલ બોર્ડની એપ સમીર અનુસાર, આજે દિલ્હી ખતરનાક શ્રેણીમાં પહોંચી ગયું છે. આજે AQI 428 છે અને ગઈ કાલે 409 હતો. દિલ્હીનો AQI ગંભીર શ્રેણીમાં પહોંચી ગયો છે. કેટલાક વિસ્તારોનો AQI 450 થી ઉપર છે.