Gujarat Breaking News updated: છત્રાલ કડી રોડ ઉપર આવેલી કંપનીમાં લાગી આગ

રાજકોટમાં એ ડિવિઝન પોલીસ પર આક્ષેપનો મામલો 

રાજકોટમાં એ ડિવિઝન પોલીસ પર આક્ષેપના મામલે એ ડિવિઝન પોલીસ સ્ટેશન ખાતે પોલીસ ફરિયાદ નોંધાઈ છે. ફરિયાદી અને આરોપીઓ તમામ વિરોધ ગુનો દાખલ કરવામાં આવ્યો છે. ફરિયાદીએ આરોપીના ઘરે માથાકૂટ કરતા ફરિયાદ દાખલ થઈ છે. ફરિયાદી અને આરોપીના પક્ષના કુલ 14 લોકો સામે ગુનો દાખલ કરાયો છે. હિરને આડેસરા, તેજસ આડેસરા, ધર્મેશ પારેખ સામે ફરિયાદ દાખલ કરવામાં આવી છે. 

Bharuch: જંબુસર-આમોદ રોડ પર ગોઝારો અકસ્માત, 5 લોકોના મોત

ભરૂચના જંબુસર આમોદ રોડ ઉપર મોટો અકસ્માત સર્જાયો છે. આ અકસ્માતમાં 5 જેટલા વ્યકિતના ઘટના સ્થળે મોત થયા છે. ત્યારે 3 લોકોને ગંભીર હાલતમાં સારવાર માટે હોસ્પિટલમાં ખસેડાયા છે.  મગણાદ ગામ પાસે આવેલી ક્રિષ્ના હોટલ પાસે ઈકો કાર અને ટ્રક વચ્ચે ગોઝારા અકસ્માતની ઘટના બની છે.

સુરેન્દ્રનગરના પાટડીમાં SMCની રેડ, પોલીસ અધિકારીના ભાઇના જુગારધામ પર રેડ 

સુરેન્દ્રનગરના પાટડીમાં SMCએ રેડ કરી છે. પોલીસ અધિકારીના ભાઈના જુગારધામ પર રેડ કરવામાં આવી છે. પીઆઈનો ભાઈ જુગારધામ ચલાવતો હતો. પીઆઈ વડોદરા ACBમાં ફરજ બજાવે છે. રહેણાંક મકાનમાં જુગારધામ ધમધમતુ હતું. લાખોના મુદ્દામાલ સાથે 30 જુગારીઓ ઝડપાયા છે. મહિલા જુગારીઓ પણ ઝડપાઈ છે અને મોબાઈલ, કાર, રોકડ સહિતનો મુદ્દામાલ જપ્ત કરવામાં આવ્યો છે. 

દિલ્હી-ગુરુગ્રામ બાદ હવે નોઈડામાં શાળાઓ બંધ, તમામ વર્ગો ઓનલાઈન શરૂ કરાશે

દિલ્હી સરકારે સોમવારે કહ્યું કે શહેરમાં વધતા પ્રદૂષણના સ્તર વચ્ચે ધોરણ 10 અને 12ના વિદ્યાર્થીઓ માટેના વર્ગો પણ ઓનલાઈન લેવાશે. દિવસની શરૂઆતમાં, સુપ્રીમ કોર્ટે તમામ રાજ્યોને ધોરણ 12 સુધીના વિદ્યાર્થીઓ માટે તમામ વર્ગો બંધ કરવાનો તાત્કાલિક નિર્ણય લેવાનો નિર્દેશ આપ્યો હતો.

અમદાવાદ: CTM એક્સપ્રેસ હાઈવે પાસેથી હથિયાર સાથે એક શખ્સ ઝડપાયો

અમદાવાદના CTM એક્સપ્રેસ હાઈવે પાસેથી હથિયાર સાથે એક શખ્સ ઝડપાયો છે. SOGએ એક પિસ્ટલ સાથે મુસિર શેખ ઉર્ફે રોટીની ધરપકડ કરી છે. SOGએ આરોપી સામે ગુનો નોંધી વધુ તપાસ હાથ ધરી છે. 

અમદાવાદ બાદ વડોદરામાં પોલીસ સામે કાર્યવાહી

અમદાવાદ બાદ વડોદરામાં પોલીસ સામે કાર્યવાહી કરવામાં આવી છે. બે પોલીસ કોન્સ્ટેબલને સસ્પેન્ડ કરાયા છે. કોન્સ્ટેબલ હિતેન્દ્રસિંહ અને LRD જવાન હિતેન્દ્રને સસ્પેન્ડ કરવામાં આવ્યા છે. ફરજમાં બેદરકારી બદલ કમિશનર દ્વારા કાર્યવાહી કરવામાં આવી છે. 

છત્રાલ કડી રોડ ઉપર આવેલી કંપનીમાં લાગી આગ  

છત્રાલ કડી રોડ ઉપર આવેલી કંપનીમાં આગની ઘટના બની છે. પ્લાસ્ટિકના પાર્ટ્સ બનાવતી અંબર એન્ટરપ્રાઈઝ નામની કંપનીમાં આગ લાગી છે. આગના પગલે આસપાસમાં ભારે દોડધામ મચી ગઈ છે. આગનો કોલ ફાયર બ્રિગેડને આપવામાં આવતા કલોલ અને કડીનું ફાયર બ્રિગેડ પહોંચી ગયું અને  સળગતી આગ ઉપર પાણીનો સતત મારો ચલાવી આગ પર કાબુ મેળવાયો છે.

મહારાષ્ટ્રના પૂર્વ ગૃહમંત્રી અનિલ દેશમુખ પર હુમલો, માથામાં થઈ ઈજા

મહારાષ્ટ્રના પૂર્વ ગૃહમંત્રી અનિલ દેશમુખ વિશે મોટા સમાચાર આવી રહ્યા છે કે તેમની કાર પર પથ્થરમારો કરવામાં આવ્યો છે અને આ હુમલામાં તેઓ ઘાયલ થયા છે. હુમલા બાદ સોશિયલ મીડિયા પર કેટલીક તસવીરો અને વીડિયો વાયરલ થઈ રહ્યા છે. જેમાં અનિલ દેશમુખ પર થયેલો હુમલો કેટલો ખતરનાક છે તે જોઈ શકાય છે.

G20માં અમેરિકી રાષ્ટ્રપતિ જો બાઈડન અને વડાપ્રધાન મોદીએ કરી મુલાકાત

વડાપ્રધાન નરેન્દ્ર મોદી હાલમાં બ્રાઝિલના પ્રવાસે છે. સોમવારે તેમણે રિયો ડી જાનેરોમાં જી20 સમિટમાં હાજરી આપી હતી. આ દરમિયાન વડાપ્રધાન મોદીએ અમેરિકી રાષ્ટ્રપતિ જો બાઈડેન સાથે મુલાકાત કરી. તેની માહિતી PM મોદીએ ટ્વીટ કરીને આપી છે. જો બાઈડેન સાથેની તસવીર ટ્વીટ કરતી વખતે વડાપ્રધાને લખ્યું કે તમને મળીને હંમેશા આનંદ થાય છે. આ દરમિયાન પીએમએ સંયુક્ત રાષ્ટ્રના મહાસચિવ એન્ટોનિયો ગુટેરેસ સહિત ઘણા દેશોના વડાઓ સાથે મુલાકાત કરી છે.

Indian Coast Guardએ પાકિસ્તાની જહાજમાંથી 7 ભારતીય માછીમારોને બચાવ્યા

ભારતીય કોસ્ટ ગાર્ડના જહાજે 17 નવેમ્બરે 7 ભારતીય માછીમારોને બચાવ્યા હતા. પાકિસ્તાની મેરીટાઈમ સિક્યોરિટી એજન્સી (PMSA)નું જહાજ PMS નુસરત આ માછીમારોની બળજબરીથી ધરપકડ કરીને પોતાની સરહદ પર લઈ જઈ રહ્યું હતું. એટલે કે ભારત અને પાકિસ્તાન સરહદ નજીકથી આ માછીમારોને પકડી રહ્યા હતા.

Kutchના રાપરમાં ભૂકંપના આંચકા, રાપરથી 26 કિમી દૂર કેન્દ્ર બિંદુ નોંધાયું

કચ્છમાં ભૂકંપના આંચકા અનુભવાયા છે. કચ્છના રાપરમાં ભૂકંપના આંચકાનો અનુભવ થયો છે. કચ્છમાં 4ની તીવ્રતાનો ભૂકંપ આવ્યો છે. રાપરથી 26 કિલોમીટર દૂર ભૂકંપનું કેન્દ્ર બિંદુ નોંધાયું છે.  તમને જણાવી દઈએ કે એક જ અઠવાડિયામાં બીજી વાર ભૂકંપના આંચકાનો અનુભવ થયો છે.

અમદાવાદ: ગૃહમંત્રી અમિત શાહે ભાજપના સ્નેહમિલન સમારોહમાં આપી હાજરી

અમદાવાદમાં ગૃહમંત્રી અમિત શાહે ભાજપના સ્નેહમિલન સમારોહમાં હાજરી આપી છે. નૂતન વર્ષ નિમિતે ભાજપે સ્નેહમિલન સમારોહનું આયોજન કર્યું છે. CM ભૂપેન્દ્ર પટેલના મત વિસ્તારમાં સ્નેહમિલન સમારોહનું આયોજન કરાયું છે. કેન્દ્રીય ગૃહમંત્રી અમિત શાહની ઉપસ્થિતિમાં સમારોહ યોજાયો છે. જેમાં અમદાવાદના ધારાસભ્યો, સાંસદો હાજર રહ્યા છે.

વડોદરા પૂર્વ નગરસેવકના પુત્રની હત્યાનો કેસ

વડોદરામાં ભાજપના પૂર્વ નગરસેવકના પુત્ર તપનની હત્યાની ઘટનાના સીસીટીવી સામે આવ્યા. રાત્રે 1 વાગ્યે તપન કેન્ટીનમાં ચા પીતો હતો. ટોળા સાથે અચાનક બાબર ત્યાં પહોંચ્યો હતો. તપન પર ચપ્પાના ઘા ઝીંકી દીધા. અન્ય સાગરીતોએ તપનને માર માર્યો. સારવાર દરમ્યાન તપનનું મોત નીપજ્યું. એસ. એસ. જી. હોસ્પિટલના કેન્ટીન પાસેનો બનાવ. દોડાદોડ થતા પોલીસની વેન પણ પાછળ દોડી.

સુરતના ખટોદરા હત્યા કેસમાં ફરાર આરોપીની ધરપકડ

સુરતના ખટોદરા વિસ્તારમાં હત્યા કરી ઓડિશા ફરાર આરોપીની ધરપકડ. થોડા દિવસ અગાઉ આરોપીએ ખટોદરા મિલમાં સાથી કામદારની હત્યા કરી હતી. હત્યા કરી લાશ મિલના બોઈલરમાં ફેંકી દેવામાં આવી હતી. થોડા દિવસ બાદ બોઇલરમાંથી અતિ દુર્ગંધ આવતા લાશ હોવાનું બહાર આવ્યું હતું. ત્યારબાદ ખટોદરા પોલીસે તપાસ આરંભી. સુરત પોલીસે ઓડિશામાં ધામા નાખ્યા હતા. સતત ૩ વખત દરોડા પાડવામાં આવ્યા. ત્રીજી વખતે હત્યારાને દબોચવામાં સફળતા મળી. ટેકનિકલ સર્વેલન્સના આધારે આરોપી ઝડપાયો. આરોપીના બહેને બેંકમાં 50 હજાર મદદ માટે નાખ્યા હતા. બેંકમાંથી 5 હજાર ઉપાડ્યા હતા. ત્યારે મોબાઈલ ફોન ચાલુ કરતા આરોપીનું લોકેશન મળ્યું હતું. ત્યારબાદ ઓડિશામાં દરોડા પાડી મંદિરમાંથી આરોપી ઝડપાયો.

લાંચના કેસમાં અમદાવાદ સેશન્ટ કોર્ટનો આદેશ

ખાણ-ખનીજ વિભાગના ક્લાર્કને 3 વર્ષની સજા અને 1 લાખ રૂપિયાનો દંડ પણ કોર્ટે ફટકાર્યો. એ.સી.બી.ના ગુનામાં આરોપી નરસિંહભાઈ ઉર્ફે નારાયણભાઈ આલાભાઈ સોલંકી, નાયબ કાર્યપાલક કારકુન, વર્ગ-૩, ખાણ અને ખનીજ વિભાગ, અમદાવાદનાઓને ૩ વર્ષની સખત કેદની સજા અને 1 લાખનો દંડ સિટી સેશન્સ કોર્ટ, અમદાવાદ દ્વારા કરવામાં આવ્યો.

અમદાવાદમાં વધુ એક પીઆઇ સસ્પેન્ડ

એલિસબ્રિજ પોલીસ સ્ટેશનના પીઆઇ બી.ડી.ઝીલરીયાને સસ્પેન્ડ કરવામાં આવ્યા. ફરજમાં બેદરકારી બદલ પીઆઇ સામે કાર્યવાહી. નહેરુનગર ફાયરિંગ હત્યા કેસમાં કાર્યવાહી કરવામાં આવી. અમદાવાદમાં એક જ દિવસમાં બે પીઆઇ સસ્પેન્ડ.

હિંમતનગર વિજાપુર હાઇવે પર ત્રિપલ અકસ્માત

સાબરકાંઠા જિલ્લાના હિંમતનગર વિજાપુર હાઇવે પર ત્રિપલ અકસ્માત સર્જાયો. આઇવા ટ્રક  ટ્રેલર અને બાઈક વચ્ચે અકસ્માત. હિંમતનગરના ઋષિવન પાસે બ્રિજ પર અકસ્માતની ઘટના બની. રેતી ભરીને અચાનક રોડ પર આવી જતા ટ્રક ટેલર સાથે ટકરાઈ અને બાઈકને ટક્કર મારી. સમય ચૂકતા બાઇક ચાલક દંપત્તિ બાઈક પરથી કુદી જતા આબાદ બચાવ. બાઈક ચાલકને સામાન્ય ઇજાઓ. અકસ્માતને પગલે ઋષિવન પાસે આવેલ બ્રિજ પર ટ્રાફિક જામ. ભારે ટ્રાફિકજામ થતા વાહન ચાલકો અટવાયા.

પાટણની ધારપુર કોલેજમાં રેગિંગ કરનાર 15 વિદ્યાર્થીઓની અટકાયત 

રેગિંગ કરનાર 15 વિદ્યાર્થીઓનો વીડિયો સામે આવ્યો છે. રેગિંગ કરનાર 15 વિદ્યાર્થીઓનો એન્ટી રેગિંગ કમિટી દ્વારા જવાબ મેળવ્યા બાદનો વીડિયો વાયરલ થયો. રેગિંગ કરનાર 15 સિનિયર વિદ્યાર્થીઓ વાયરલ વીડિયોમાં  મોઢું છુપાવીને જતા નજરે પડ્યા. હાલ તમામ વિદ્યાર્થીઓને પોલીસ બંદોબસ્ત સાથે બોયઝ હોસ્ટેલમાં રખાયા છે. ઘટના બની હતી તે કોમન રૂમમાં તમામ વિદ્યાર્થીઓને રખાયા હોવાની માહિતી.

રાજકોટના જુના માર્કેટિંગ યાર્ડમાં અકસ્માત

રાજકોટ જુના માર્કેટિંગ યાર્ડમાં લોડીંગ વાહને અકસ્માત સર્જ્યો. સ્ટેરીંગ પરથી કાબુ ગુમાવતા અકસ્માત સર્જાયો. ટમેટા ભરેલા 200 કેરેટને અડફેટે લીધા. 500 કિલો ટામેટાનું નુક્સાન થયું. સમગ્ર ઘટનાના સીસીટીવી સામે આવ્યા છે. આજીડેમ પોલીસે આ બાબતે વધુ તપાસ હાથ ધરી.

અમેરિકાના કેલિફોર્નિયામાંથી લોરેન્સ બિશ્નોઈના ભાઈ અનમોલ બિશ્નોઈની ધરપકડ

લોરેન્સ બિશ્નોઈના ભાઈ અનમોલ બિશ્નોઈની અમેરિકાના કેલિફોર્નિયામાં અટકાયત કરવામાં આવી હતી. ગયા મહિને ભારત સરકારે બિનજામીનપાત્ર કલમ હેઠળ વોરંટ જારી કર્યું હતું. કેન્દ્રીય ગૃહ વિભાગ અથવા NIA આ મામલે સત્તાવાર માહિતી આપી શકે છે.

વાવ બેઠકમાં મત ગણતરી પહેલા ફરી ચર્ચાઓ તેજ

બનાસકાંઠામાં ગઈકાલે અરંટવા ગામે યોજાયેલા કાર્યક્રમનો ફોટો સોશિયલ મીડિયામા વાયરલ થઈ રહ્યો છે. મત ગણતરી પહેલા ફોટો વાઇરલ થતાં ચર્ચાનો વિષય બન્યો. સાંસદ ગેનીબેન અપક્ષ ઉમેદવાર માવજી પટેલને મીઠાઈ ખવડાવતો ફોટો સોશિયલ મીડિયામાં વાયરલ થયો છે. ગઈકાલે ચૌધરી સમાજના સામાજિક પ્રસંગમાં ભાજપ અને કોંગ્રેસના નેતાઓ ભેગા થયા હતા. વાવ વિધાનસભાની પેટા ચૂંટણીમાં મતદાન પછી ગેનીબેન અને માવજી પટેલનો વાયરલ ફોટો ચર્ચાનો વિષય બન્યો છે.

સાંસદ મનસુખ વસાવાએ મુખ્યમંત્રીને લખ્યો પત્ર

સાંસદ મનસુખ વસાવાએ મુખ્યમંત્રીને સંબોધીને પત્ર લખ્યો છે. જેમાં મનરેગાના ટેન્ડર પ્રક્રિયામાં થઈ રહેલી મીલિભગત બાબતે ઉલ્લેખ કરવામાં આવ્યો છે. ગુજરાતના તમામ જિલ્લાઓ સહિત નર્મદા જિલ્લામાં પણ આવું બનતું હોવાની મનસુખ વસાવાએ રજુઆત કરી છે. મનસુખ વસાવાએ લખ્યું કે મનરેગામાં નેતાઓ અને અધિકારીઓ પોતાની માનીતી એજન્સીઓને કામ આપી દે છે. બજાર કરતા ઓછા ભાવનું ટેન્ડર ભરીને એજન્સીઓ ગુણવત્તા વગરનું કામ કરે છે તે બાબતનો ઉલ્લેખ કર્યો. જે કોઈ એજન્સીઓને કોન્ટ્રાક્ટ આપવામાં આવે તેને 3 વર્ષનો મનરેગાના કામનો અનુભવ હોવો જોઈએ. ટેન્ડર પ્રક્રિયામાં મીલિભગત હોવાની સાંસદએ મુખ્યમંત્રીને પત્ર લખી રજુઆત કરી.

1. Crime: પૂર્વ કચ્છ પોલીસે ચોરી-લૂંટના 34 ગુના ઉકેલ્યા, “ગરાસીયા ગેંગ”ના સાગરીતો ઝડપાયા 

2. Botadમાં સરકારી યોજના હેઠળ 455 દિવ્યાંગોએ લીધો એસ.ટી બસમાં મફત મુસાફરીનો લાભ 

3. PM મોદી બ્રાઝિલના પ્રવાસે, ભારત અને બ્રાઝિલ વચ્ચે શું આયાત, નિકાસ? 

4. Ahmedabad: બેદરકાર અધિકારીઓ સામે પોલીસ કમિશનરની કાર્યવાહી, કાગડાપીઠ પોલીસ સ્ટેશનના PI સસ્પેન્ડ 

5. Agriculture: આધારકાર્ડની જેમ ફાર્મર કાર્ડ પણ ફરજિયાત, 25 નવેમ્બર સુધીમાં રજિસ્ટ્રેશન કરાવો 

6. Bhavnagarમાં તંત્રએ બનાવેલ વેન્ડર ઝોનનો ઉપયોગ કરવામાં ફેરિયાઓને રસ નહી ! 

7. Ahmedabad: સેનાની સંયુકત વિમોચન કવાયતમાં નવ મિત્ર દેશો ભાગ લેશે 

8. Morbi: વેપારી પાસે ખંડણી ઉઘરાવનારા આરોપીની ધરપકડ, 8.56 લાખનો મુદ્દામાલ પડાવ્યો 

9. 'Delhi-NCRની તમામ શાળાઓ બંધ કરવી જોઈએ', વધતા પ્રદૂષણ વચ્ચે SCની રાજ્યોને સૂચના 

10. Railway: વટવા-ગેરતપુર સેક્શનમાં બ્લોકને કારણે કેટલીક ટ્રેનોને અસર થશે 

બાબા સિદ્દીકી હત્યાકેસમાં વધુ એકની અટકાયત

બાબા સિદ્દીકી હત્યાકેસમાં પેટલાદનાં વધુ એક યુવકની અટકાયત કરવામાં આવી. મુંબઈની ક્રાઈમ બ્રાંચ પોલીસે પેટલાદમાં કલાલ પિપળ વિસ્તારમાંથી અટકાયત કરી છે. સાહીલ મલેક નામનાં યુવકની ક્રાઈમ બ્રાંચ દ્વારા અટકાયત કરવામાં આવી હતી. પેટલાદનાં સલમાન વ્હોરાની ધરપકડ બાદ આજે ફરી એક યુવકની અટકાયત થઈ છે. સાહિલ રિક્ષા ચલાવી પરિવારનું ગુજરાન ચલાવતો હતો.

દાહોદમા નકલી NA હુકમમાં વધુ 6 ઝડપાયા

દાહોદમા નકલી NA હુકમના મામલા વધુ 6 લોકોની ધરપકડ કરવામાં આવી છે. અગાઉ ફરિયાદ નોંધાયેલ જેમા 11 જેટલા સર્વે નંબરોમા પ્રત્યક્ષ તેમજ પરોક્ષ રીતે નકલી હુકમો બનાવડાવ્યા હતા. દાહોદના વધુ 6 લોકોની ધરપકડ કરવામા આવી. તાલુકા ડેવલપમેન્ટ ઓફિસર દ્વારા કુલ 112 સર્વે નંબરની ફરિયાદ નોંધાવવામા આવી હતી. ફરિયાદના આધારે તપાસમા પુરાવા મળતા વધુ 6 લોકોની ધરપકડ કરી. પોલીસ દ્વારા તમામને કોર્ટમા રજૂ કરી રીમાન્ડની તજવીજ હાથ ધરી.

Railway: વટવા-ગેરતપુર સેક્શનમાં બ્લોકને કારણે કેટલીક ટ્રેનોને અસર થશે

અમદાવાદ ડિવિઝનના વટવા-ગેરતપુર સેક્શનમાં બ્રિજ નંબર 711 કિમી 483/25-31 પર એન્જિનિયરિંગના કામ માટે પ્રસ્તાવિત બ્લોકને કારણે કેટલીક ટ્રેનોને અસર થશે. 

અમદાવાદમાં વકીલને સાક્ષીએ લાફો માર્યો

અમદાવાદમાં કોર્ટ કાર્યવાહી સમયે વકીલને સાક્ષીએ લાફો માર્યો. મેટ્રો કોર્ટમાં કેસની સુનાવણી સમયે બનાવ બન્યો. સમગ્ર બાબતે વકીલે આરોપી સામે ફરિયાદ કરી. કરંજ પોલીસ સ્ટેશનમાં  લાફો મારનાર સામે ફરિયાદ કરાઈ.

જસદણના યુવકને માછલીનો કાંટો અન્નનળીમાં ફસાયો

માછલી ખાતા સમયે યુવકની અન્નનળીમાં કાંટો ફસાયો. માછલીનો કાંટો યુવકની અન્ન નળીમાં ફસાય જતા જમવામાં અને શ્વાસ લેવા તકલીફ પડતી હોવાની માહિતી. જસદણના કલ્પેશ કટોસણાં નામના 23 વર્ષીય યુવકનું માછલીનો કાંટો ફસાતા સારવાર અર્થ ખસેડાયો હતો. આટકોટની કે.ડી પરવાડિયા હોસ્પિટલમાં યુવકનું ઈમરજન્સીમાં ઓપરેશન કરાયું. ઓપરેશન કરીને ફસાયેલા માછલીના કાંટાને બહાર કાઢ્યો. 

ગીરમાં ઇકો ઝોનનો સતત વધતો વિરોધ

ગીરમાં ઇકો ઝોનનો સતત વિરોધ વધી રહ્યો છે. તાલાલાના આકોલવાડી ગામે કિસાન સંઘ દ્વારા ગામ લોકો સાથે ખાટલા બેઠક યોજવામાં આવી. ગત રાત્રીના બેઠક યોજાઈ. બેઠકમાં મોટી સંખ્યામાં ગામ લોકો જોડાયા હતા. ગામ લોકોએ ભેગા થઈને એક જ માગ કરી હતી કે ઇકો ઝોનનો કાયદો નાબુદ કરવો જોઈએ. આ ખાટલા બેઠકમાં 1,000 થી વધુ ગામ લોકો જોડાયા.કેન્દ્ર સરકાર દ્વારા જૂનાગઢ, ગીર સોમનાથ અને અમરેલી જિલ્લાના 197 જેટલા ગામોમાં નવા ઇકો ઝોનના કાયદાની અમલવારીને લઈને પ્રાથમિક જાહેરનામું પ્રસિદ્ધ કરવામાં આવ્યું છે. કેન્દ્ર સરકારનું પ્રાથમિક જાહેરનામું પ્રસિદ્ધ થતાની સાથે જ તમામ 197 અસરગ્રસ્ત ગામના લોકો, ખેડૂતો અને ગ્રામ પંચાયતોની સાથે ભાજપ-કોંગ્રેસના રાજકીય આગેવાનો અને સહકારી સંસ્થા સાથે જોડાયેલા સહકારી આગેવાનોમાં પણ સંભવિત ઈકો ઝોનના કાયદાને લઈને ભારે વિરોધ જોવા મળ્યો છે.

ઇકો સેન્સીટીવ ઝોન તે માટેની એક પહેલ છે

ગીર, પાણીયા અને મીતીયાળા અભ્યારણ્ય ફરતે ઇકો સેન્સીટીવ ઝોન જાહેર (નોટીફાઇડ) થયેલ ન હોવાથી હાલ નામદાર સુપ્રિમ કોર્ટના નિર્દેશન મુજબ ઉપરોક્ત ત્રણેય અભ્યારણ્યની સરહદથી 10 કિ.મી. સુધીના વિસ્તારને ઇકો સેન્સીટીવ ઝોન તરીકે માનવામાં આવે છે. રાજ્ય સરકાર દ્વારા વિધિસરની ઇકો સેન્સીટીવ ઝોન જાહેર કરવાની દરખાસ્ત ભારત સરકારને રજુ કરેલ છે. જેનું જાહેરનામુ બહાર પડ્યા બાદ લોકોને તેમના વાંધા-સુચનો રજુ કરવા 60 દિવસનો સમય આપવામાં આવશે. પ્રવર્તમાન સ્થિતિ મુજબ આ ઇકો સેન્સીટીવ ઝોનમાં ગીર, પાણીયા અને મીતીયાળા અભ્યારણ્ય ફરતે આવેલ તાલુકાઓના તમામ ગામડાઓનો સમાવેશ કરવામાં આવેલ નથી.

જૂનાગઢમાં ઇકોઝોનના વિરોધમાં ખેડૂતો એકઠા થયા

જૂનાગઢના ભાલછેલમાં ખેડૂતોની સભા યોજાઈ હતી જેમાં ઈકોઝનનો વિરોધમાં ખેડૂતો એકઠા થયા હતા,196 ગામના ખેડૂતો-સરપંચો સભામાં હાજર હતી અને ટ્રેક્ટર રેલી કાઢી DCFને આવેદનપત્ર આપ્યું હતુ.ખેડૂત આગેવાનો આ સભામાં હાજર રહ્યાં હતા,લાંબા સમયથી ખેડૂતો વિરોધ કરી રહ્યાં છે પરંતુ ઈકો ઝોનને લઈ હજી સુધી કોઈ નિર્ણય આવ્યો નથી.

પ્રોજેકટ ગયો પાણીમાં

મનપા એ બનાવેલા વેન્ડર ઝોન કોઈ સારી જગ્યા એ બનાવ્યા હોત તો એનો લાભ ચોક્કસ થી લારી ધારકો અને પથારણા અને ફેરીયા વાળા લોકો લઈ શકે.મનપા દ્વારા નિયમિત રૂપે શહેર માં અડચણરૂપ દબાણો ને હટાવવામાં આવે છે અને શહેર માં દબાણો ના થાય એ માટે મનપા એ લાખો ના ખર્ચે વેન્ડર ઝોન પણ બનાવ્યા છે પરંતુ આ વેન્ડર ઝોન માં ગ્રાહકો ઓછા આવતા હોવાના કારણે વેન્ડર ઝોન નો લાભ વેન્ડરો નથી લેતા ત્યારે હવે જોવાનુંએ રહ્યું કે મનપા એ બનાવેલ વેન્ડર ઝોન નો પ્રયોગ આગામી દિવસોમાં સફળ થશે કે કેમ.

નિષ્ફળ વેન્ડર ઝોન

ભાવનગર મનપાએ બનાવેલા વેન્ડર ઝોનને લઈ કોંગ્રેસના પૂર્વ પ્રમુખ એ જણાવ્યું હતું કે ભાજપના શાસકો અને અધિકારીઓની ભૂલના કારણે પ્રજાના ટેક્સના રૂપિયાનો વેડફાડ થઈ રહ્યો છે.ભાવનગર શહેરમાં ગેરકાયદેસર દબાણો ના થાય એ માટે વેન્ડર ઝોન બનાવવામાં આવ્યા છે પરંતુ આ વેન્ડર ઝોન બનાવી મનપા એ બુદ્ધિનું પ્રદર્શન કર્યું છે કારણ કે મનપા એ બનાવેલા વેન્ડર ઝોનમાં લારી ધારકો અને ફેરીયા તેમજ પાથરણા વાળાને લાભ નહીં મળતો હોય તેના કારણે વેન્ડર ઝોનમાં લોકો નહીં જતા હોય.350 ની કેપેસિટી ધરાવતા 6 વેન્ડર ઝોનમાં હાલ 50 લોકો આ વેન્ડર ઝોન નો લાભ લઇ રહ્યા છે એટલે આ વેન્ડર ઝોન નિષ્ફળ વેન્ડર ઝોન ગણી શકાય એમ છે.

ફેરિયાઓને રસ નહી

ભાવનગર મહાનગરપાલિકા દ્વારા શહેરમાં અલગ અલગ 6 જેટલા સ્થળો ઉપર વેન્ડરઝોન ઉભા કરવામાં આવ્યા છે જેમાં શહેરમાં ઉભા રહેતા લારીધારકો અને ફેરીયા અને કેબિન ધારકોને તદ્દન મફત માં લારી અને પાથરણા રાખી ધંધો કરવા માટે વિનામૂલ્યે સુવિધા ઉપલબ્ધ કરવામાં આવી છે.શહેરમાં 6 સ્થળો ઉપર વેન્ડર ઝોન બનાવવામાં આવ્યું છે જેમાં સંસ્કાર મંડળ પાસે,ઘોઘાસર્કલ પાસે,રામ મંત્ર મંદિર નજીક ગંગાજળિયા તળાવ સહિત ના 6 જેટલા સ્થળો ઉપર આ સુવિધા નો ઉપયોગ લેવા માટે મનપા ના એસ્ટેટ વિભાગ એ વેન્ડર ઝોન બનાવ્યું હતું પરંતુ આ વેન્ડર ઝોન માં નાના વેપારીઓને રસ ના હોય તેવું લાગી રહ્યું છે કારણ કે 6 જેટલા વેન્ડર ઝોન માં આશરે 350 થી વધુ ફેરિયા અને લારી ધારકો ઉભા રહી શકે તેવા વેન્ડર ઝોન બનાવ્યા છે પરંતુ હાલમાં આશરે 50 જેટલા ફેરિયા અને લારીધારકો ઉભા રહે છે અને તેના કારણે લોકો ને આ વેન્ડર ઝોનમાં રસ ન હોય તેવો ઘાટ ઘડાયો છે.

ભાવનગરમાં તંત્રએ બનાવેલ વેન્ડર ઝોનનો ઉપયોગ કરવામાં ફેરિયાઓને રસ નહી !

ભાવનગર મનપા દ્વારા એક વર્ષ પહેલા શહેરમાં અલગ અલગ 6 સ્થળો ઉપર બનાવવામાં આવેલ વેન્ડર ઝોનમાં ફેરિયા અને લારીધારકો વિનામૂલ્ય ધંધો કરી શકે તેવી વ્યવસ્થા કરવામાં આવી હતી પરંતુ આ સુવિધાનો લાભ બહુ ઓછા લારીધારકો લઇ રહ્યા છે જેમાં મોટાભાગના ફેરીયા અને લારીધારકો રોડ ઉપર જ ઊભા રહી ધંધો કરતા નજરે પડતા હોય છે. ત્યારે મનપા દ્વારા બનાવવામાં આવેલ વેન્ડર ઝોનમાં લારીધારકોને ઉભા રહેવામાં રસ ન હોય તેવો ઘાટ ઘડાયો છે અને તેના કારણે મનપાના લાખો રૂપિયા પાણીમાં ગયા છે.

આજે જ રજીસ્ટ્રેશન કરાવો

રજિસ્ટ્રેશન માટે ખેડૂતોએ તેમના આધાર કાર્ડ, આધારકાર્ડ સાથે લીંક કરેલો મોબાઈલ અને સર્વે નંબર ૭/૧૨ તેમજ ૮ અના પુરાવા રજૂ કરવાના રહેશે. જે ખેડૂતો નું રજિસ્ટ્રેશન થયેલું હશે તેઓને પ્રધાનમંત્રી ફસલ બીમા યોજના, કિસાન સન્માન નિધિ, કિસાન ક્રેડિટ કાર્ડ, લઘુત્તમ ટેકા ભાવ (MSP) અને નેશનલ એગ્રીકલ્ચર માર્કેટ(e-NAM) જેવી યોજનાઓનો લાભ મળશે. 

ખેડૂતો માટે ઉપયોગી માહિતી

ખેડૂતોને દરેક યોજનાનો લાભ હવે નવા ફાર્મર કાર્ડ મારફતે જ મળશે, ગ્રામપંચાયતોમાં રજિસ્ટ્રેશન માટે ઝુંબેશ ચાલી રહી છે. ફાર્મર રજિસ્ટ્રી અંગે વધુ માહિતી આપતા બોટાદ જિલ્લા પંચાયતના ખેતીવાડી અધિકારી ઉમેશભાઈ પટેલે જણાવ્યું હતું કે, દરેક ફાર્મર કાર્ડ માટે દરેક ગ્રામ પંચાયતમાં રજિસ્ટ્રેશન ચાલી રહ્યું છે.અમારા ગ્રામ સેવકો તલાટીઓ તેમજ અન્ય સરકારી કર્મચારીઓ લોકોમાં જાગૃતિ લાવવા ઝુંબેશ ચલાવી રહ્યા છે.

આધારકાર્ડની જેમ ફાર્મર કાર્ડ પણ ફરજિયાત, 25 નવેમ્બર સુધીમાં રજિસ્ટ્રેશન કરાવો

ખેડૂતોને કેન્દ્ર સરકારના ૨૦૦૦ ના હપ્તા ઉપરાંત અન્ય યોજનાઓનો લાભ મળે તે માટે ડિજિટલ આઈકાર્ડ ફરજિયાત કરવામાં આવ્યું છે અને તા.૨૫ નવેમ્બર સુધી તેનું રજિસ્ટ્રેશન કરવામાં આવશે. આધારકાર્ડની જેમ હવે દેશભરમાં ખેડૂતો માટે ડિજિટલ ફાર્મર કાર્ડ ફરજિયાત કરવામાં આવ્યું છે. આ કાર્ડની નોંધણી દરેક જિલ્લામાં શરૂ થઈ ગઈ છે અને તેમાં રજિસ્ટ્રેશન નહr કરાવનારને સરકારી યોજનાઓ તેમજ પીએમ કિસાન સન્માન નિધિનો હપ્તો } પણ નહી મળે. 

ઓનલાઈન કરો અરજી

આ યોજના હેઠળ www.esamajkalyan.gujarat.gov.in પોર્ટલ પર ઓનલાઇન અરજી સ્વીકારવામાં આવે છે. ઓનલાઇન અરજીઓની ચકાસણી કરી મંજૂર કરવાની સત્તા જિલ્લા સમાજ સુરક્ષા અધિકારીશ્રીની છે. આ યોજના અંગે વધુ માહિતી મેળવવા માટે તમારી નજીકના જનસેવા કેન્દ્ર, ગ્રામ પંચાયતનો સંપર્ક સાધી શકાશે. તેમજ બાળ લગ્ન પ્રતિબંધક અધિકારીશ્રી સહ જિલ્લા સમાજ સુરક્ષા અધિકારીશ્રીની કચેરી, જિલ્લા સેવા સદન, બોટાદ ખાતેથી પણ આ યોજના અંગે માહિતી મેળવી શકાય છે. અત્રેની કચેરીએ સમાજ સુરક્ષા અધિકારી ડી.કે. જાડેજાની આગેવાનીમાં ઉર્જાવાન ટીમ કાર્યરત છે.

અરજીપત્રક સાથે જોડવાના પુરાવાની યાદી

01-જે- તે વિભાગના નિષ્ણાંત તબીબ કે સિવિલ સર્જનનું દિવ્યાંગતાની ટકાવારી અને આઈ.કયુ. દર્શાવતા તબીબી પ્રમાણપત્રની પ્રમાણિત નકલ. 

02-2 નંગ પોસ્ટકાર્ડ સાઈઝના ફોટો.

03-આધારકાર્ડ, ચૂંટણીકાર્ડ અને રેશનકાર્ડની પ્રમાણિત નકલ. 

04-ઉંમરનો આધાર કે જન્મ તારીખનો દાખલો કે શાળા છોડ્યાનું પ્રમાણપત્ર. 

05-બ્લડ ગ્રુપનો દાખલો સામેલ રાખવો. 

યોજનાનો લાભ મેળવ્યો

આ યોજના અન્વયે દિવ્યાંગ નાગરિકોને ગુજરાત રાજ્ય માર્ગ વાહન વ્યવહાર  નિગમની તમામ પ્રકારની બસોમાં ગુજરાત રાજ્યની હદમાં તેમજ રાજ્ય બહાર મુસાફરીના કિસ્સામાં બસ રૂટના રાજ્ય બહાર આવેલા અંતિમ સ્ટેશન સુધી વિનામૂલ્યે મુસાફરીનો લાભ આપવામાં આવે છે. આ યોજના હેઠળ દિવ્યાંગ વ્યક્તિને રાજ્ય સરકારના એસ.ટી.નિગમની ગુર્જર નગરી, લકઝરી અને વોલ્વો સહિત તમામ પ્રકારની બસમાં ગુજરાતની હદમાં નિ:શૂલ્ક મુસાફરીનો લાભ મળી શકે છે.  વિવિધ 21 પ્રકારની દિવ્યાંગતા ધરાવતા દિવ્યાંગ નાગરિકો કે જેઓ 40 ટકા કે તેથી વધુ દિવ્યાંગતા ધરાવે છે, તેમને આ યોજનાનો લાભ મળી શકે છે. 

દિવ્યાંગોએ લીધો ભાગ

બોટાદ જિલ્લો 2014માં અસ્તિત્વમાં આવ્યો ત્યારથી માંડીને હાલ સુધી કુલ 4,579 દિવ્યાંગ નાગરિકોને એસ.ટી. બસમાં મફત મુસાફરીનો લાભ મળ્યો છે. ચાલુ વર્ષની વાત કરીએ તો તા. 1-1-2024થી આજ દિન સુધી કુલ 455 જેટલા દિવ્યાંગજનો આ યોજના અન્વયે લાભાન્વિત કરાયા છે. અનેક શાળા-કોલેજે જતા દિવ્યાંગ વિદ્યાર્થીઓ, વડીલો અને મહિલાઓ સહિતના દિવ્યાંગ નાગરિકો સમગ્ર રાજ્યમાં એસ.ટી. બસ મારફતે મફત સવારી કરીને સરકાર પર આર્શીવાદની હેલી વરસાવી રહ્યા છે. 

બોટાદમાં સરકારી યોજના હેઠળ 455 દિવ્યાંગોએ લીધો એસ.ટી બસમાં મફત મુસાફરીનો લાભ

ગુજરાત રાજ્ય મુખ્યમંત્રી ભૂપેન્દ્રભાઈ પટેલના નેતૃત્વમાં સશક્ત અને સમરસ ગુજરાતના નિર્માણની દિશામાં મક્કમ આગેકૂચ કરી રહ્યું છે. વિકાસની આ આગેકૂચમાં નાગરિકોના જીવનધોરણમાં વધુ સગવડો અને સુરક્ષાનું સ્તર ઊંચુ આવે ત્યારે વિકાસની અસરકારકતાની સોડમ સમાજમાં ચારેય બાજુ ફેલાઈ જતી હોય છે. રાજ્ય સરકારના માર્ગદર્શન હેઠળ કાર્યરત સામાજિક ન્યાય અને અધિકારિતા વિભાગ, ગાંધીનગર દ્વારા દિવ્યાંગ નાગરિકો માટે વિવિધ પ્રકારની સહાયલક્ષી યોજનાઓ સુઅમલી છે. ત્યારે આજે વાત આજે આપણે દિવ્યાંગોને મળવાપાત્ર એસ.ટી.બસમાં મફત મુસાફરી માટેની સહાય વિશે.

રાજસ્થાનની બિહોડમાંથી ઝડપાયા આરોપીઓ

રાજસ્થાનના બિહોડમાં પોલીસે બે દિવસ સુધી ધામા રાખ્યા અને ત્યારબાદ આરોપીઓને ઝડપી પાડયા છે.રાત દિવસ અનેક ઘરોમાં પોલીસે સર્ચ ઓપરેશન હાથધર્યુ હતુ અને આરોપીઓને ઝડપી પાડયા છે,ત્યારે આરોપીની તપાસમાં શું ખુલાસા થાય છે તે જોવાનું રહ્યુ તો હવે પોલીસ આરોપીઓને લઈ રિમાંડ પણ માંગી શકે છે.તો પોલીસે આરોપીઓ પાસેથી મુદ્દામાલ પણ જપ્ત કર્યો છે.કચ્છ સિવાય કયા જિલ્લાઓમાં ચોરી કરી છે તેને લઈ પણ તપાસ ચાલુ છે.

8 પોલીસ મથકોના ગુનાઓનો ભેદ ઉકેલાયો

કચ્છ પૂર્વ પોલીસને સૌથી મોટી સફળતા મળી છે જેમાં પોલીસે 8 પોલીસ સ્ટેશનનો ગુનાઓનો ભેદ ઉકેલી નાખી આરોપીઓને દબોચી લીધા છે.તમામ આરોપીઓ રાજસ્થાનના વતની છે.ગુજરાત રાજયના અલગ-અલગ જિલ્લાઓનાં મંદિરોમાં ચોરી/લુંટના ૩૪ ગુનાઓના આરોપીઓએ કર્યા છે,કોતરણી કરવાનું કામ લઈ આરોપીઓ સમગ્ર વાતો જાણી લેતા અને ત્યારબાદ ગુનાને અંજામ આપીને રાજસ્થાન ભાગી જતા હતા,એક સાથે કામ કરવા આવે અને ત્યારબાદ ચોરી કરીને ફરાર થઈ જતા હોવાની વાત સામે આવી છે.

રાજસ્થાનની “ગરાસીયા ગેંગ”ના સાગરીતો ઝડપાયા

પૂર્વ કચ્છ પોલીસને બાતમી મળી હતી કે ગરાસીયા ગેંગ છે જે ચોરી અને લૂંટ કરે છે,આ ગેંગના સભ્યો પૂર્વ કચ્છમાં ચોરી અને લૂંટની ઘટનાઓને અંજામ આપતા હતા તો પોલીસે આ બાબતને લઈ અને બાતમીના આધારે રાજસ્થાન જવા નીકળી હતી અને આરોપીઓના લોકેશન પણ પોલીસે મેળવી લીધા હતા,પહેલા તો આરોપીઓ પોલીસના હાથે ના આવ્યા પરંતુ ત્યાં ઉજાગરો કરીને પોલીસે આરોપીઓને ઝડપી પાડયા છે.આરોપીઓ કોતરણી કામ સાથે જોડાયેલા છે અને ગુનાઓને અંજામ આપતા હતા.

પૂર્વ કચ્છ પોલીસે ચોરી-લૂંટના 34 ગુના ઉકેલ્યા, “ગરાસીયા ગેંગ”ના સાગરીતો ઝડપાયા

પૂર્વ કચ્છ પોલીસે ચોરી-લૂંટના 34 ગુના ઉકેલ્યા છે,રાજસ્થાનની ગરાસીય ગેંગના સાગરીતો આ કેસમાં ઝડપાયા છે જેમાં પોલીસે જુદા-જુદા મંદિરોમાં ચોરી અને લૂંટ ચલાવતી ગેંગને ઝડપી પાડી અનેક ગુનાનો ભેદ ઉકેલી નાખ્યો છે,રાત-દિવસ મહેનત કરીને આ ચોરીને કેસ ઉકેલાયો છે,તો આ કેસમાં હજી પણ અનેક ખુલાસા થઈ શકે છે.

વાંચો 03 વાગ્યા સુધીના મહત્વના સમાચાર

01 - Navsari સિવિલ હોસ્પિટલમાં છેલ્લા બે મહિનાથી દવાઓનો દુકાળ પડયો, વાંચો Special Story

02 - AAP છોડીને BJPમાં સામેલ કૈલાશ ગેહલોત, કહ્યું ED-CBIના દબાણમાં નિર્ણય નથી લીધો

03 - Khyati Hospital કાંડમાં વસ્ત્રાપુર પોલીસના ધજાગરા થયા, તપાસ અમદાવાદ ક્રાઈમ બ્રાન્ચને સોંપાઈ

04 - Ahmedabadમાં સતત ગુંડાગીરી વચ્ચે પોલીસ કમિશનરનો દાવો, ગુનાખોરી ઘટી રહી છે !

05 - Telangana સરકારની નોટિસ પર દિલજીત દોસાંઝનો સણસણતો જવાબ 

06 - Canadaમાં ગ્રેટર કેલગરીની સનાતની સંસ્થાઓએ શાંતિ પાઠ અને હનુમાન ચાલીસાનો પાઠ કર્યો

07 - Gold Rate Today: સોનાના ભાવમાં આજે ઘટાડો, જાણો તમારા શહેરમાં સોનાનો ભાવ

08 - Business : સોવરિન ગોલ્ડ બોન્ડમાં રોકાણકારોના રૂપિયા થયા બમણા, સોનાની જેમ તેજી

09 - Manipur: ફ્લેગ માર્ચ, અમિત શાહની હાઇ લેવલ બેઠક,શાંતિ ભંગ કરનારનુ આવી બનશે

10 - IND vs AUS : પર્થ ટેસ્ટ પહેલા ટીમ ઇન્ડિયાને ઝટકો,રોહિત શર્મા બહાર

તંત્ર આપો ધ્યાન

દર્દીઓનો આક્ષેપ છે કે સરકારી હોસ્પિટલમાં દવા મળતી નથી જેના કારણે બહારથી મોંઘા ભાવે દવાની ખરીદી કરવી પડે છે,ત્યારે નવસારી સિવિલ હોસ્પિટલના સત્તાધીશો આ બાબતે ધ્યાન આપે અને જરૂરી દવાઓ મંગાવે,જો આમને આમ દવાઓ નહી મળે તો દર્દીને સારવાર મળવાને બદલે તેમનું સ્વાસ્થય વધુ ખરાબ થશે અને દર્દી મોતને પણ ભેટી શકે છે.

નથી મળતી દવા

સિવિલ તંત્ર દ્વારા દવાનો પૂરતો જથ્થો હોવાના દાવા સાથે કેટલીક દવાઓની અછત હોવાની વાત પણ સ્વીકારી રહ્યું છે.પરંતુ દર્દીઓને ડોકટર દ્વારા લખી આપવામાં આવતા મોટાભાગની દવા બાહરથી લેવાની ફરજ પડી રહી છે.નવસારી સિવિલ તંત્ર દ્વારા દવાઓનો પૂરતો જથ્થો હોવાનો માત્ર દાવો કરાઈ રહ્યો છે.પરંતુ સ્થળ સ્થિતિ કઈક જુદી જ છે.સામાન્ય લોકો ને દવાઓ મળતી નથી તે જ હકીકત છે.

દવાની અછત સર્જાઈ

સિવિલ હોસ્પિટલમાં પાછલા ત્રણ માસથી દવાઓની અછત સર્જાતા દર્દીઓની હાલત કફોડી બની છે.હોસ્પિટલ માં રોજિંદા ૮૦૦ થી ૯૦૦ દર્દીઓ સારવાર લેવા માટે આવતા હોય છે.જેમાંથી મોટા ભાગ દર્દીઓ ને પૂરતી દવાઓ મળતી નથી.દવાઓ નો પૂરતો જથ્થો ન હોવાના કારણે દર્દીઓને જરૂરી દવાઓ બાહર થી લેવાની ફરજ પડી રહી છે.જોકે સિવિલ તંત્ર દવાઓનો જથ્થો ઉપલબ્ધ હોવાનો દાવો કરી રહ્યું છે.જે દાવાને ચકાસવા સંદેશ ન્યુઝ ની ટીમ એક વૃદ્ધા ના ઘરે પોહચી.જે નિરાધાર વૃદ્ધા પાછલા ત્રણ મહિના થી પ્રેશર ની દવા બાહર થી લેવા મજબૂર બન્યા છે.

નવસારી સિવિલ હોસ્પિટલમાં છેલ્લા બે મહિનાથી દવાઓનો દુકાળ પડયો 

નવસારી સિવિલ હોસ્પિટલમાં પાછલા બે મહિનાથી દવાઓનો દુકાળ પડયો છે.સિવિલ હોસ્પિટલમાં સારવાર લેવા આવતા દર્દીઓને દવાની અછતના કારણે આર્થિક ભારણ વેઠવાનો વારો આવ્યો છે.સિવિલ હોસ્પિટલ આમ તો નિઃસહાય લોકો ને સહારો બની રહેતી હોય છે.પરંતુ નવસારી સિવિલ હોસ્પિટલ નીરાધરોને આધાર આપવા અસમર્થ બની છે.

સમગ્ર કેસની તપાસ અમદાવાદ ક્રાઈમબ્રાન્ચને સોંપાઈ

સમગ્ર કેસને લઈ અમદાવાદ ક્રાઈમ બ્રાન્ચને તપાસ સોંપવામાં આવી છે જેમાં ફરાર ડોકટર આરોપી સામે લૂંટ આઉટનોટિસ જાહેર કરવામાં આવી છે.ક્રાઇમબ્રાન્ચની અલગ અલગ ટીમે ફરાર આરોપીઓને ઝડપવા તપાસ શરૂ કરી છે.આરોપી ગુજરાત બહાર ભાગી ગયા હોવાની આશંકા છે તે દિશામાં તપાસ ચાલી રહી છે.ખ્યાતિ હોસ્પિટલના ડાયરેકટર કાર્તિક પટેલ ઓસ્ટ્રેલિયા છે તો વસ્ત્રાપુર પોલીસે આરોપી ડો પ્રશાંતની કસ્ટડી ક્રાઇમબ્રાન્ચને સોંપી દીધી છે.

પોલીસે આરોપીઓને ભાગવા સમય આપ્યાનો ગણગણાટ

ખ્યાતિકાંડને લઈ ચારે બાજુ ચર્ચાઓ ચાલી રહી છે,ત્યારે વસ્ત્રાપુર પોલીસ સ્ટેશનના પીઆઈ સાહેબ અને તેમનો સ્ટાફ અત્યાર સુધી પાંચમાથી એક જ આરોપીને ઝડપી શકી છે તો 4 આરોપીઓ હજી પણ ફરાર છે,હોસ્પિટલના સીઈઓ રાજપૂત પોલીસની સામે હતો તેમ છત્તા પોલીસ તેને પકડી શકી ન હતી,વસ્ત્રાપુર પોલીસ શંકાના દાયરામાં છે જેના કારણે અમદાવાદ પોલીસ કમિશનરે તપાસ આંચકી લીધી અને વસ્ત્રાપુર પોલીસને સોંપવામાં આવી છે.

ખ્યાતિ હોસ્પિટલ કાંડમાં વસ્ત્રાપુર પોલીસના ધજાગરા, તપાસ ક્રાઈમ બ્રાન્ચને સોંપાઈ

અમદાવાદમાં ખ્યાતિકાંડમાં આબરુના ધોવાણ બાદ પોલીસે આળસ મરડી છે,હવે કેસની તપાસ ક્રાઈમબ્રાન્ચને સોંપી દેવાઈ છે,સાથે સાથે 8 દિવસ બાદ પણ પોલીસ આરોપીઓ સુધી પહોંચી શકી નથી તો પોલીસે ડો. પ્રશાંત વજીરાણીની કસ્ટડી ક્રાઈમબ્રાન્ચને સોંપી દેવાઈ છે,ફરાર આરોપીઓ સામે લૂકઆઉટ નોટિસ જાહેર કરી છે તો ડાયરેક્ટર કાર્તિક પટેલ હાલ ઓસ્ટ્રેલિયામાં મોજ કરે છે તો અન્ય 4 આરોપીઓને પોલીસ હજુ સુધી નથી પકડી શકી.

અમદાવાદમાં કાયદો - વ્યવસ્થાને લઈ સંદેશ ન્યૂઝના સવાલ

પોલીસ કમિશનર જી.એસ મલિકને સંદેશ ન્યૂઝે કર્યા સવાલ

સંદેશ ન્યૂઝે પૂછ્યું અમદાવાદ કેમ ક્રાઇમ કેપિટલ બન્યું?

અમદાવાદ પોલીસ ખૂબ મહેનત કરે છેઃ પોલીસ કમિશનર

ગુજરાતમાં કાયદો - વ્યવસ્થાની સ્થિતિ સુધરી છેઃ કમિશનર

લૂંટ, હત્યા, ચોરીના પ્રયાસમાં ઘટાડો થયો છેઃ કમિશનર

સતત ગુંડારાજ વચ્ચે CPનો ગુનાખોરી ઘટ્યાનો દાવો

10 દિવસમાં 5 હત્યા.. છતાં CP કહે છે ગુનાખોરી ઘટી છે

CP કહે છે કે પોલીસ કાર્યવાહી કરી રહી છે

CP કહે છે કે ગુનેગારોમાં પોલીસનો ડર છે

હત્યા, ફાયરિંગ, તોડફોડના CCTV જોઇ લો સાહેબ

આ દ્રશ્યો તો કહે છે કે અમદાવાદ ગુનાખોરીનું હબ બન્યું

આંકડાઓ આપીને CP કાર્યવાહીની વાતો કરે છે

CP કહે છે - ગુનાખોરી કંટ્રોલમાં છે !!

તમારા લગાવેલા CCTV જ કહે છે ગુનાખોરી વધી છે

બોલો, CP હવે મીડિયાને સંયમ રાખવાનું કહે છે

અમદાવાદમાં છેલ્લા એક મહિનામાં થયેલ હત્યા

10 નવેમ્બર 2024 - બોપલમા વિધાર્થીની હત્યા

11 નવેમ્બર 2024 - બોપલમાં જમીન દલાલની હત્યા

16 નવેમ્બર 2024 - એલિસબ્રિજ વિસ્તારમાં શાકના વિક્રેતાની હત્યા

18 નવેમ્બર 2024 - કાગડાપીઠ વિસ્તારમાં હત્યા

અમદાવાદમાં વધતી જતી ક્રાઈમની ઘટનાને લઈ પોલીસ કમિશનરને સંદેશના સવાલ

અમદાવાદમાં વધતી જતી ક્રાઈમની ઘટનાઓને લઈ સંદેશ ન્યૂઝે પોલીસ કમિશનરને સવાલ કર્યા હતા,જેમાં પોલીસ કમિશનરનો દાવો છે કે અમદાવાદ શહેરમાં ક્રાઈમની ઘટનાઓ ઘટી છે અને પોલીસ કાર્યવાહી કરી છે,તો બીજી તરફ સંદેશ ન્યૂઝના સવાલ એ પણ છે કે,અમદાવાદ શહેરમાં 10 દિવસમાં 5 હત્યા થઈ છે તો આ ઘટનાઓ નાની છે ? અમદાવાદ પોલીસનો ગુનેગાર પર કાબુ નથી કે શું ? પોલીસના પેટ્રોલિંગના દાવાઓ પણ પોકળ સાબિત થતા હોય એમ લાગે છે.

એલિસબ્રિજ હત્યામાં પોલીસ કરી રહી છે તપાસ

એલિસબ્રિજ વિસ્તારમાં થયેલી હત્યાને લઈ પોલીસ સતત કામગીરી કરી રહી છે અને અમદાવાદ ક્રાઈમ બ્રાન્ચ આ મામલે તપાસ પણ કરી રહી છે,અંગત અદાવતમાં આ હત્યા થઈ હોવાની વાત સામે આવી છે.પોલીસનું કહેવું છે કે,બે આરોપીઓ મોઢે કપડું બાંધીને આવ્યા હતા અને હત્યા કરીને ફરાર થઈ ગયા હતા.અલગ-અલગ જગ્યાએથી આરોપીઓની ધરપકડ કરવામાં આવી છે.બદરામજી નામના વ્યકિતની હત્યા કરાઈ છે અને આ હત્યા તેના ભત્રીજાએ કરી છે.

અમદાવાદમાં સતત ગુંડાગીરી વચ્ચે પોલીસ કમિશનરનો દાવો, ગુનાખોરી ઘટી રહી છે !

અમદાવાદના એલિસબ્રિજ વિસ્તારમાં શાકભાજીના વિક્રેતાની બે દિવસ પહેલા હત્યા થઈ હતી અને આ હત્યામાં અમદાવાદ ક્રાઈમ બ્રાન્ચે કુલ 4 આરોપીઓની ધરપકડ કરી છે,જેમાં એક આરોપી મૃતકનો ભત્રીજો કે જેણે હત્યા કિલિંગની સોપારી આપી હતી અને બીજા ત્રણ આરોપીઓ કે જેઓ હત્યામાં સામિલ હતા,મધ્યપ્રદેશના રતલામાથી આરોપીઓની ધરપકડ કરાઈ છે.

વડોદરાના માલસર ગામે દીપડાએ પશુનું કર્યું મારણ

માલસર નર્મદા બ્રિજ પાસેના છેલ્લા ફળિયા પાસે દીપડો ત્રાટકતા ગ્રામજનોમાં ભયનો માહોલ છે,મોડી રાત્રે ત્રાટકેલા દીપડાએ ત્રણ મહિનાના ભેંસના પાડિયાનું કર્યું મારણ,માલસર ના છેલ્લા ફળિયા વિસ્તારના પશુપાલકો નર્મદા બ્રિજ નીચે બાંધી રાખે છે પશુઓ,રહેણાંક વિસ્તાર નજીક બાંધેલા પશુનું મારણ કરાતા સ્થાનિકો ગભરાયા.

નુકસાન ખેડૂતોને થયું હતુ

મોટી નુકસાની સહન કરવાનો વારો આવ્યો છે ત્યારે આજથી ટેકાના ભાવે મગફળી શરૂ થઈ છે તો ખેડૂતો ખુશ છે અને તેમને ટેકાના ભાવથી સંતોષ છે અને સરકારનો આભાર માની રહ્યા છે.આ કાર્યક્રમમાં અધ્યક્ષ સ્થાનેથી પુરુષોત્તમ રૂપાલાએ જણાવ્યું કે મગફળી ખરીદી કરી અને વેચવી નહીં અને તેનું તેલ કાઢી અને વેચવું આ ઉપરાંત અમરેલી જિલ્લાની તમામ મંડળીઓને પણ ટકોર કરી કે તમે પણ મગફળી ખરીદી કરી અને તેલ કાઢો આ એક અમરેલી જિલ્લા માટે નવો પ્રયોગ કરવા પુરુષોત્તમ રૂપાલાએ પોતાના વિચારો વ્યક્ત કર્યા હતા.ટેકાના ભાવે મગફળીનો પ્રારંભ થતાં ખેડૂતોએ આશકારો અનુભવ છે અને મોટી નુકસાની માંથી રાહત થઈ છે ત્યારે વેચી રહેલા ખેડૂતો ભાવથી સંતોષ માને છે અને સરકારનો આભાર માને છે.

રોજ ખેડૂતોને બોલાવામાં આવશે

રોજના 20 થી 50 ખેડૂતોને બોલાવવામાં આવશે તેમજ હાલ માત્ર અમરેલી સેન્ટરમાંથી જ ખરીદી શરૂ થઈ છે ધીમે ધીમે એટલે કે આગામી 15 તારીખ સુધીની અંદર અમરેલી જિલ્લાના તમામ સેન્ટરોથી મગફળીનો ફરીથી પ્રારંભ શરૂ કરાશે.અમરેલી જિલ્લાના ખેડૂતોએ ટેકાના ભાવે મગફળી શરૂ થાય તે પહેલા પૈસાની જરૂરિયાતવાળા અને મજબૂર ખેડૂતોએ ઓછા ભાવે મગફળી વેચી અને મોટી નુકસાની ભોગવી છે ₹900થી 1200 રૂપિયા સુધીના ભાવ ખેડૂતોને અત્યાર સુધી મળ્યા છે.

ખેડૂતોમાં ખુશીનો માહોલ

સાવરકુંડલા માર્કેટયાર્ડ આજે ટેકાના ભાવે મગફળીની ખરીદીનો પ્રાંરભ આજે થયો હતો. મોટી સંખ્યામાં ખેડૂતો હાજર રહ્યા હતા ખુલ્લા બજાર કરતા ટેકાના ભાવે મગફળી વહેતા ખેડૂતોને સારા ભાવ મળી રહ્યા છે આથી ખેડૂતોમાં ખુશી જોવા મળી રહી છે.ખુલ્લી બજાર કરતા ટેકાના ભાવે મગફળી ના ભાવમાં ખેડૂતો ને રૂપિયા 200 વધુ મળી રહ્યા છે.ત્યારે ભાવ સારા મળતા ખેડૂતોમા પણ ખુશી જોવા મળી રહી છે.

અમરેલીના સાવરકુંડલા માર્કેટયાર્ડમાં તાલુકમાંથી 400 ખેડૂતોને ટેકાના ભાવે મગફળી ખરીદવા બોલાવ્યા

સાવરકુંડલા માર્કેટયાર્ડમા ટેકાના ભાવે મગફળી ખરીદીનો થયો પ્રાંરભ.સાવરકુંડલા તાલુકામાંથી 4000 ખેડૂતોને ટેકાના ભાવે મગફળી ખરીદવા માટે બોલાવ્યા છે.આજે સાવરકુંડલા માર્કેટયાર્ડમા ટેકાના ભાવે મગફળીની ખરીદીનો પ્રારંભ ધારાસભ્ય મહેશ કસવાલાએ ખેડૂતોના મો મીઠા કરાવીને કરાવ્યો હતો.આજે ટેકા ના ભાવે મગફળીના વહેચાણ માટે આજે 10 ખેડૂતો આવ્યા હતા.ખુલ્લા બજારમાં મગફળી રૂપિયા 1000 થી લઈને 1100 સુધીના ભાવે વહેંચાય છે જ્યારે ટેકાના ભાવે મગફળી રૂપિયા 1356 મા વહેંચતા ખેડૂતો ખુશ છે.

માતર પોલીસનો કર્યો સંપર્ક

ઘર માલિક સામાજિક પ્રસંગે બહાર ગયા હતા. જેને પગલે ઘરમાં કોઈ હાજર ન હતુ. સ્થાનિકોએ આ અંગે રાત્રીના સમયે જ માતર પોલીસને જાણ કરવા સંપર્ક કર્યો હતો. પણ માતર પોલીસનો સંપર્ક થઈ શકયો ન હોવાનો આક્ષેપ કર્યો હતો. ચોરી કરવાના પ્રયસા અંગેના ત્રણેય તસ્કરોના તમામ દ્રશ્યો સીસીટીવી કેમેરામાં કેદ થયા હોવાનુ સ્થાનિકોએ જણાવ્યું હતુ. ખેડા જિલ્લા ગ્રામ્યમાં પોલીસ દ્વારા સઘન નાઈટ પેટ્રોલિંગ કરાતુ હોવાની વાત કાગળે વાઘ સમાન હાલમાં જોવા મળી રહી હોવાનો આક્ષેપ સ્થાનિકોએ કર્યો હતો.

વહેલી સવારે ચોરીનો કર્યો પ્રયાસ

આ અંગે મળેલ માહિતી મુજબ જિલ્લામાં છેલ્લા કેટલાક દિવસોથી ચોરી અંગેની અફવાઓથી સાવધાન રહેવા, આવા બનાવ અંગે પોલીસને જાણ કરવા જેવી બાબતો સોશિયલ મીડિયામાં જોવા મળતી રહી છે. ત્યારે માતર તાલુકાના સોખડા ગામની સીમમાં આવેલી જય મહારાજ પાર્ક સોસાયટીમાં શનીવારની રાત્રી અને રવિવારની પરોઢે અજાણ્યા બુકાનધારી 3 ઈસમોએ તેમનો ચોરીનો પ્લાન બનાવીને ઘરમાં પેસવાની ટ્રાય કરીરહયા હતા.જેમાં 2 અજાણ્યા બુકાનધારી ઘરની ઓસરીમમાં પ્રવેશીને પાછળના ભાગનુ લોખડનો દરવાજો તોડીને ઘરમાં જવાનો પ્રયાસ કરતા હતા. 

ચોરીનો નિષ્ફળ પ્રયાસ

ચરોતરમાં છેલ્લા કેટલાક દિવસોથી સોશિયલ મીડિયામાં ચોરીના બનાવોની અફવાઓને અફવા બજાર ગરમ રહેતુ હોવાની શકયતાઓ સેવાઈ રહી હતી.પણ માતર તાલુકાના સોખડા ગામની સીમમાં આવેલી જય મહારાજ પાર્ક સોસાયટીમાં શનિવારની રાત્રી અને રવિવારની વહેલી સવારના સમયે બુકાનધારી અજાણ્યા ઈસમો ચોરીનો પ્રયાસ નિષ્ફળ બન્યો હતો.જોકે સોસાયટીના પાડોશીના મકાનના દરવાજાનો અવાજ આવતા બુકાનધારી તસ્કરો તુરત જ નાસી છૂટયા હતા. જે તમામ દ્રશ્યો સીસીટીવીમાં કેદ થયા હતા.સ્થાનિકોએ પોલીસેને રાત્રીના સમયે સંપર્ક કર્યો હતો.  

ખેડાના સોખડા ગામમાં બુકાનીધારી શખ્સો ત્રાટકયા, ચોરીનો કર્યો નિષ્ફળ પ્રયાસ

ખેડામાં અફવાઓ વચ્ચે બુકાનીધારી તસ્કરો ત્રાટક્યા છે,હાલમાં ઠંડી શરૂ થઈ છે તેની વચ્ચે બુકાનીધારી શખ્સો ત્રાટકયા છે અને ચોરીનો પ્રયાસ કરી રહ્યાં છે પરંતુ સ્થાનિકો જાગી જતા તસ્કરો ભાગી ગયા હતા,અમુક તસ્કરો ઠંડીના કારણે ઠુઠવાઈ ગયા હતા અને રોડની સાઈડમાં બેઠા હતા.સોખડાની જય મહારાજ સોસાયટીમાં બંધ મકાનમાં ચોરીનો પ્રયાસ કર્યો હતો.

કેનેડિયન હિંદુઓને એક કરો

આ ઘટનાએ સામૂહિક ક્રિયા અને એકતાની એક મહત્વપૂર્ણ ક્ષણ તરીકે ચિહ્નિત કર્યું, જેમાં ઉપસ્થિતોએ હિંદુઓ અને સમગ્ર કેનેડામાં આસ્થાના તમામ લોકો માટે સતત સંવાદિતા અને રક્ષણની આશા વ્યક્ત કરી. આયોજકોએ કહ્યું કે તેઓ ભવિષ્યમાં નિયમિત ધોરણે સમાન કાર્યક્રમો યોજવા માટે પ્રતિબદ્ધ છે, જેનો ઉદ્દેશ્ય તમામ કેનેડિયન હિંદુઓને એક કરવાનો છે.ગ્રેટર કેલગરીની સનાતની સંસ્થાઓ વિશે ગ્રેટર કેલગરી વિસ્તારની સનાતની સંસ્થાઓ હિન્દુ મંદિરો, આધ્યાત્મિક કેન્દ્રો અને સમુદાય જૂથોના વિવિધ જૂથનું પ્રતિનિધિત્વ કરે છે. તેઓ હિંદુ સમુદાયની આધ્યાત્મિક અને સામાજિક જરૂરિયાતોની સેવા કરવા, સાંસ્કૃતિક સમજણને પ્રોત્સાહન આપવા અને પરસ્પર આદર અને શાંતિના વાતાવરણને પ્રોત્સાહન આપવાના તેમના મિશનમાં એક થયા છે.

ઈવેન્ટની શરૂઆત જમીનની સ્વીકૃતિ સાથે થઈ

ત્યારબાદ કેનેડિયન રાષ્ટ્રગીત, અને પછી ડેપ્યુટી મેયર રિતેશ નારાયણ, કાઉન્સિલર કિરણ રંધાવા અને કાઉન્સિલર રોબ વાવર્ઝિનોવસ્કીના કેટલાક વક્તવ્યો. ત્યારબાદ, આયોજક ટીમ તરફથી, મનીષ મિશ્રા, ગોપાલ સૈની, પ્રવિણ પાટીલ, અને અમીષ ભગતે સભાને સંબોધિત કરી. પંડિત વિનોદ સોદિયાલે ભીડ સાથે શાંતિ પાઠનું નેતૃત્વ કર્યું હતું,તેને અનુસરે છે. કેલગરી સનાતની પરિવારના નાના બાળકોના એક જૂથે હનુમાન ચાલીસાના મંત્રોચ્ચારની આગેવાની કરી હતી અને તે ભીડ દ્વારા સુંદર રીતે અનુસરવામાં આવી હતી. જ્યારે 500 થી વધુ લોકોએ એકસાથે હનુમાન ચાલીસાનો પાઠ કર્યો ત્યારે વાતાવરણ ભગવાન હનુમાનની દિવ્યતાથી ગુંજી ઉઠ્યું હતું અને તળાવમાંથી આવતી પવનની લહેર ભીડમાં ભગવાન હનુમાનની શક્તિ ઉભી કરી રહી હતી.

ઉગ્રવાદીઓ સામે ભરો પગલા

મુખ્ય સ્વયંસેવક ગોપાલ સૈનીએ જણાવ્યું હતું કે, અમે કેનેડિયનો આશા, વિશ્વાસ અને વિનંતી કરીએ છીએ કે કેનેડિયન સરકાર કેનેડામાં આ હિંસક ઉગ્રવાદીઓ સામે તાત્કાલિક અને ગંભીર પગલાં લે અને તમામ કેનેડિયનોને સલામત અને સુરક્ષિત અનુભવવામાં મદદ કરે. દરેક કેનેડિયન સ્વતંત્રતાના તેમના ચાર્ટર અધિકારોનો ઉપયોગ કરી શકે તે સુનિશ્ચિત કરવાની કેનેડિયન સરકારની ફરજ છે અને જે પણ કાયદો અને વ્યવસ્થાના ભંગ માટે જવાબદાર હશેતમામ કેનેડિયનોના કલ્યાણ માટે કોઈ પણ કિંમતે બચશો નહીં.

કેનેડિયન હિંદુ માટે પ્રાર્થના

કેનેડામાં કેનેડિયન હિંદુઓની સુરક્ષા અને સુખાકારી અંગે વધતી જતી ચિંતાઓના જવાબમાં આ કાર્યક્રમનું આયોજન કરવામાં આવ્યું હતું. તાજેતરમાં ઘણા સમુદાયો, ખાસ કરીને હિંદુઓની ધાર્મિક સંસ્થાઓ પર હુમલાની ઘણી કમનસીબ ઘટનાઓ બની છે. વાણી સ્વાતંત્ર્યના બહાને હિંસક ઉગ્રવાદીઓ દ્વારા કેનેડાની સાંપ્રદાયિક સૌહાર્દ અને શાંતિનો સહારો લેવામાં આવ્યો છે.આ મેળાવડો આપણા સમુદાયની એકતા અને શક્તિનો પુરાવો છે,મનીષ મિશ્રાએ જણાવ્યું હતું કે, એક સહભાગી સંસ્થાઓમાંથી એક પ્રતિનિધિ. "સનાતની તરીકે, અમે પ્રાર્થના અને એકતાની શક્તિમાં વિશ્વાસ કરીએ છીએ. આજે, અમે ફક્ત અમારી પોતાની સલામતી માટે જ નહીં પરંતુ તમામ કેનેડિયનોની સલામતી અને સુખાકારી માટે, તેમની પૃષ્ઠભૂમિને ધ્યાનમાં લીધા વિના, અમે એકસાથે છીએ. અમે શાંતિ માટે સાથે છીએ, અને અમે દરેક કેનેડિયન હિદુંની સુરક્ષા માટે સાથે છીએ.

સામૂહિક રીતે પાઠ કરવામાં આવ્યા

જેમ કે કેનેડા બહુ સાંસ્કૃતિકતા અને ધાર્મિક સ્વતંત્રતાને પ્રોત્સાહન આપવાનું ચાલુ રાખે છે, આ મેળાવડાએ જીવનના તમામ ક્ષેત્રના હિંદુઓને શાંતિ અને સલામતી સાથે રહેવાના તેમના અધિકારોની પ્રાર્થના અને સમર્થનમાં એક થવાની તક પૂરી પાડી હતી. શાંતિ પાઠ, શાંતિ માટેની પવિત્ર હિંદુ પ્રાર્થના, અને હનુમાન ચાલીસા, ભગવાન હનુમાનનું સન્માન કરતી આદરણીય ભક્તિ સ્તોત્ર, બધા કેનેડિયનો, ખાસ કરીને હિન્દુ સમુદાય માટે સંવાદિતા, શક્તિ અને રક્ષણ માટે દૈવી આશીર્વાદ માટે સામૂહિક રીતે પાઠ કરવામાં આવ્યા હતા.

કેનેડામાં ગ્રેટર કેલગરીની તમામ સનાતની સંસ્થાઓએ શાંતિ પાઠ અને હનુમાન ચાલીસાનો પાઠ કર્યો

ગ્રેટર કેલગરીની તમામ સનાતની સંસ્થાઓ જ્હોન પીક મેમોરિયલ પાર્ક, ચેસ્ટરમેર, આલ્બર્ટા, કેનેડા ખાતે શાંતિ પાઠ અને હનુમાન ચાલીસા માટે એકઠા થયા હતા.એકતા અને આધ્યાત્મિક શક્તિના શક્તિશાળી પ્રદર્શનમાં, ગ્રેટર કેલગરી વિસ્તારની તમામ સનાતની સંસ્થાઓ ચેસ્ટરમેયરના જ્હોન પીક મેમોરિયલ પાર્કમાં શાંતિ પાઠ (શાંતિ મંત્ર) અને હનુમાન ચાલીસાના પાઠનું આયોજન કરવા માટે એકસાથે આવી છે.સમગ્ર દેશમાં શાંતિ, એકતા અને કેનેડિયન હિંદુઓની સુરક્ષાને પ્રોત્સાહન આપવા માટે 500 થી વધુ લોકોની વિશાળ અને વૈવિધ્યસભર ભીડને આકર્ષતી આ ઇવેન્ટનું આયોજન કરવામાં આવ્યું હતું.

વાંચો 12 વાગ્યા સુધીના મહત્વના સમાચાર 

01 - IND vs AUS : પર્થ ટેસ્ટ પહેલા ટીમ ઇન્ડિયાને ઝટકો,રોહિત શર્મા બહાર

02 - Patanની ધારપુર મેડિકલ કોલેજમાં રેગિંગને લઈ વિદ્યાર્થીનું મોત, નોંધાઈ પોલીસ ફરિયાદ

03 - PCB: જેસન ગિલેસ્પીને હટાવવાના સમાચાર પર પાકિસ્તાન ક્રિકેટ બોર્ડે તોડ્યુ મૌન

04 - Vadodaraમાં ભાજપના પૂર્વ કોર્પરેટરના પુત્રની વિધર્મીએ હત્યા કરતા મચ્યો હંગામો, વાંચો Story

05 - Kerala : એમ્બ્યુલન્સનો રસ્તો રોકવો કાર ચાલકને ભારે પડ્યો, થયો દંડ 

06 - Petrol-Diesel Price : જાણો આજે શું છે તમારા શહેરમાં પેટ્રોલ-ડીઝલના ભાવ

07 - Rajkot પોલીસ તોડકાંડમાં નવો વળાંક ! ફરિયાદી સટ્ટામાં હારી ગયો ? 

08 - Rajkotના ડેપ્યુટી મેયર પર સન્ની પાજી નામના આરોપીએ કર્યો છરીથી હુમલો 

09 - G-20 સમિટ માટે PM મોદી બ્રાઝિલ પહોંચ્યા, ચીનના રાષ્ટ્રપતિ જિનપિંગ પણ હાજર

10 - Nayanthara Birthday Special: ફિલ્મી સ્ટોરીને ટક્કર મારે એવી લવસ્ટોરી,અભિનેત્રીનો વિવાદ સાથે નાતો

સોવરિન ગોલ્ડ બોન્ડ શું છે

સોવરિન ગોલ્ડ બોન્ડ એક પ્રકારનું પ્રમાણપત્ર છે, જે આરબીઆઈ દ્વારા જારી કરવામાં આવે છે. આમાં રોકાણકારો સોનાના ગ્રામ પ્રમાણે રોકાણ કરે છે. આ સ્કીમમાં માત્ર મેચ્યોરિટી પર સોનાની બજાર કિંમત જ ઉપલબ્ધ નથી, રોકાણ પર 2.5 ટકા વાર્ષિક વ્યાજ પણ આપવામાં આવે છે. વ્યાજની આ રકમ દર 6 મહિનાના આધારે આપવામાં આવે છે, જેને સરકાર જાહેર કરવામાં વિલંબ કરી રહી છે. લોકોએ આ સ્કીમને સોનું સમજીને તેમાં ભારે રોકાણ કર્યું છે.

999 શુદ્ધતાના સોનાને માનક 

સોવરિન ગોલ્ડ બોન્ડનો છેલ્લો હપ્તો ગયા નાણાકીય વર્ષમાં બહાર પાડવામાં આવ્યો હતો. રોકાણકારોએ છેલ્લે 21 ફેબ્રુઆરીએ 2023-24માં બોન્ડ રિડીમ કર્યા હતા. આ યોજના હેઠળ, સરકારે અત્યાર સુધીમાં કુલ રૂ. 72,274 કરોડ એકત્ર કર્યા છે અને કુલ 67 હપ્તા બહાર પાડ્યા છે.સોવરિન ગોલ્ડ બોન્ડની કિંમત RBI જ્યાં સોનાની કિંમત 3 દિવસમાં બંધ થાય છે. તેની સરેરાશ મુજબ નિર્ણય કરે છે. આ માટે, બેંક ઈન્ડિયા બુલિયન એન્ડ જ્વેલર્સ એસોસિએશન લિમિટેડના રિપોર્ટની મદદ લે છે અને 999 શુદ્ધતાના સોનાને માનક તરીકે ગણીને મૂલ્ય નક્કી કરે છે.

પૂર્વ કેન્દ્રીય મંત્રી અરુણ જેટલીએ આ યોજના શરૂ કરી હતી

2016-17ના આ ગોલ્ડ બોન્ડની સિરીઝ-3એ છેલ્લા 8 વર્ષમાં રોકાણકારોના નાણાં બમણા કર્યા છે. પરંતુ વર્તમાન નાણાકીય વર્ષનો અડધાથી વધુ સમય વીતી ગયો હોવા છતાં, રોકાણકારો બોન્ડમાંથી નાણાં રિડીમ કરવામાં સક્ષમ નથી. ભારતીય રિઝર્વ બેંક એટલે કે આરબીઆઈએ બોન્ડમાંથી રિડેમ્પશનની તારીખ 16 નવેમ્બર નક્કી કરી હતી. RBI દ્વારા એ પણ જણાવવામાં આવ્યું હતું કે રોકાણકારોને પ્રતિ ગ્રામ કેટલા પૈસા મળશે. તેમ છતાં રોકાણકારોને એક પણ હપ્તો બહાર પાડવામાં આવ્યો નથી.

આવી ઘણી છે સરકારી યોજના

સરકાર લોકોની આવક વધારવા માટે ઘણી યોજનાઓ લોન્ચ કરતી રહે છે, આજે અમે તમને એવી જ એક યોજના વિશે જણાવવા જઈ રહ્યા છીએ, જેમાં રોકાણકારોએ ઘણા પૈસા રોક્યા હતા અને હવે તેમના પૈસા બમણા થઈ ગયા છે. આ યોજનાનું નામ સોવરિન ગોલ્ડ સ્કીમ છે. આ દિવસોમાં ભૌતિક સોનાની કિંમતો સતત ઘટી રહી છે. આવી સ્થિતિમાં, ગ્રાહકો ઈચ્છે છે કે સરકાર સોવરિન ગોલ્ડ બોન્ડના પૈસા જલ્દીથી રિડીમ કરે. કારણ કે તેણે છેલ્લાં 8 વર્ષમાં રોકાણકારોને 160 ટકાનું બમ્પર વળતર આપ્યું છે.

સોવરિન ગોલ્ડ બોન્ડમાં રોકાણકારોના રૂપિયા થયા બમણા, સોનું સમજી કર્યુ રોકાણ

આરબીઆઈની આ ગોલ્ડ બોન્ડ યોજનાએ રોકાણકારોને બમ્પર વળતર આપ્યું છે. આ યોજનાનું નામ સોવરિન ગોલ્ડ સ્કીમ છે. આવી સ્થિતિમાં, ગ્રાહકો ઈચ્છે છે કે સરકાર સોવરિન ગોલ્ડ બોન્ડના પૈસા જલ્દીથી રિડીમ કરે. કારણ કે તેણે છેલ્લાં 8 વર્ષમાં રોકાણકારોને 160 ટકાનું બમ્પર વળતર આપ્યું છે.

8 દિવસ બાદ પણ પોસ્ટમોર્ટમ રિપોર્ટના કોઈ ઠેકાણા નહીં

ખ્યાતિ હોસ્પિટલના સંચાલકો ભૂગર્ભમાં ઉતરી ગયા હોય તેવું લાગી રહ્યું છે. મોતના આંકડા વધી રહ્યા છે, સંચાલકો છુપાઈને ફરે છે. 7 દિવસ બાદ પણ પોસ્ટમોર્ટમ રિપોર્ટના કોઈ ઠેકાણા નહીં અને સંચાલકો પોલીસ પકડથી દૂર છે. 7 દિવસ બાદ પણ પોલીસ માત્ર એક જ આરોપીને પકડી શકી છે. મીડિયા સામે બાઈટ આપનાર ચિરાગથી પોલીસ શરમાય છે. ચિરાગ પોલીસને હાથતાળી આપીને ભૂગર્ભમાં ઉતરી ગયો છે.

5 લોકોના થયા મોત

ખ્યાતિ હોસ્પિટલ કાંડમાં દરરોજ નવી અપડેટ અને મોટા ખુલાસાઓ થઈ રહ્યા છે. આ દરમિયાન હવે જે ઘટસ્ફોટ થયો તે ખરેખર ચોંકાવનારો છે. મળતી માહિતી મુજબ, કડી તાલુકાના બોરીસણામાં મેડીકલ ચેકઅપ કેમ્પ યોજીને એસ જી હાઇવે પર આવેલી ખ્યાતી હોસ્પિટલના તબીબોએ 19 દર્દીઓને પ્રધાનમંત્રી જન આરોગ્ય યોજના હેઠળ સારવાર અપાવવાનું કહીને 17 દર્દીઓને એન્જિયોગ્રાફી અને બે દર્દીઓને સ્ટેન્ટ મુકવાના ઓપરેશન કર્યા હતા. જેમાં 2 દર્દીઓના મોત નીપજતા સમગ્ર હોબાળો થયો હતો. હવે ખ્યાતિ હોસ્પિટલ મોતની સર્જરીમાં મોતનો આંકડો વધ્યો છે. કડીના 2 નહીં પણ કુલ 5 લોકોના મોત થયાનું ખુલ્યું છે.

ખ્યાતિ હોસ્પિટલ કાંડમાં પોલીસની મંથર ગતિએ તપાસ ?

અમદાવાદની ખ્યાતિ હોસ્પિટલને લઈ વિવાદ સર્જાયો છે,ફરિયાદી દ્રારા આક્ષેપ કરવામાં આવ્યો છે કે પોલીસ હજી ચાર આરોપીઓને પકડી શકી નથી અને આ સમગ્ર કેસમાં પોલીસે તપાસ પણ ધીમી ગતિએ કરી રહી છે,ત્યારે પોલીસ પણ આ માલે વધુ કંઈ કહેવા માટે તૈયાર નથી,જાણે પોલીસ આ મામલાને દબાવી રહી હોય તેવું લાગી રહ્યું છે.

માઉન્ટ આબુમાં ઠંડીનો પારો ગગડયો, પર્યટકોમાં ખુશીનો માહોલ 

ગુજરાત સહિત દેશભરમાં કડકડતી ઠંડી પડી રહી છે, ત્યારે પર્યટન સ્થળ માઉન્ટ આબુ ઠંડીમાં રીતસર થીજ્યું છે. અહીં સતત બીજા દિવસે ઠંડીનો પારો ઉચકાયો છે.માઉન્ટ આબૂમાં ફરી કાતિલ ઠંડીના કહેર વચ્ચે પારો 3 ડિગ્રીએ પહોંચ્યો છે. આ સાથે જ માઉન્ટ આબુમાં ચારે તરફ જાણે બરફની ચાદર પથરાઈ હોય તેવો અહેસાસ થઈ રહ્યો છે.

જાણો કોની સામે ફરિયાદ નોંધાઈ

1 અવધેશ અશોકભાઈ પટેલ.

2હિરેન મનશુખભાઈ પ્રજાપતિ.

3 તુષાર પીરાભાઈ ગોહલેકર

4 પ્રકાશ માધાભાઈ દેસાઈ

5 જયમીન સવજીભાઈ ચૌધરી.

6 પ્રવીણ વરજાગભાઈ ચૌધરી.

7 વિવેક ગમનભાઈ રબારી.

8 ઋત્વિક પુરસોતમભાઈ  લીમબાડીયા

9 મેહુલ પ્રતાભભાઈ  ઢેઢાતર.

10 સૂરજ રૂડાભાઈ બલદાણીયા

11 હરેશ ગંભીરભાઈ ચાવડા.

12 વૈભવકુમાર વિકેશકુમાર  રાવલ

13 પરાગ ભરતભાઈ કલસરિયા.

14 ઉત્પલ શૈલેષભાઈ વસાવા.

15 વિશાલ લગધીરભાઈ ચૌધરી

બેભાન થયો હતો વિદ્યાર્થી

અનિલ મેથાણિયા એક મહિના પહેલાં જ ધારપુર મેડિકલ કોલેજમાં MBBSના પ્રથમ વર્ષમાં અભ્યાસ માટે આવ્યો હતો. કોલેજમાંથી તેના ઘરે ફોન કરાયો હતો કે, તમારો છોકરાને ચક્કર આવતાં તે પડી ગયો છે અને તેને એડમિટ કર્યો છે. ત્યારબાદ સગા હોસ્પિટલ પહોંચ્યા તો ડોક્ટરે જણાવ્યું કે, તેનું મોત નીપજ્યું છે. મૃતદેહને પીએમ અર્થે ખસેડાયો, એટલે રિપોર્ટ બાદ હકીકત બહાર આવશે. જોકે, કોલેજના જ અન્ય વિદ્યાર્થીઓ ચર્ચા થઈ હતી કે, કોલેજના જ સિનિયર વિદ્યાર્થીઓ દ્વારા રેગિંગ કરવામાં આવ્યું છે. અનિલને સતત ઊભો રાખવાના કારણે તે બેભાન થઈ ગયો હતો.

પોલીસે કરી તેજ કાર્યવાહી 

જેમાં સિનિયર 15 જેટલાં વિદ્યાર્થીઓ દ્વારા જુનિયર 11 જેટલા વિદ્યાર્થીઓ સાથે રેગિંગ કર્યાનો એન્ટી રેગિંગ કમિટીા રિપોર્ટમાં ખુલાસો થયો હોવાની વાત સામે આવી છે.કમિટી દ્વારા સિનિયર 15 જેટલાં વિદ્યાર્થીઓને સસ્પેન્ડ કરવામાં આવ્યા હતા અને ધારપુર હોસ્પિટલના ડીન દ્વારા પોલીસ ફરિયાદની તજવીજ હાથધરી હતી તો આ સમગ્ર પ્રકરણમા abvp સંગઠન દ્વારા મોડી રાત્રે ધારપુર હોસ્પિટલમા હોબાળો કરતા પોલીસ તેમજ સંગઠન વચ્ચે સામાન્ય ઘર્ષણ પણ સર્જાયું હતું ત્યાર બાદ lcb,sog પોલીસ ઘટના સ્થળે પોહચી 8 જેટલાં abvpના કાર્યકરોની અટકાયત કરી હતી.

કોલેજના ડીને લીધા પગલા

પાટણની ધારપુર હોસ્પિટલ ખાતે ગત મોડી રાત્રે સિનિયર વિદ્યાર્થીઓ દ્વારા હોસ્ટેલના રૂમમાં વોટ્સપ મેસેજ કરી mbbsના પહેલા વર્ષમાં અભ્યાસ કરતા જુનિયર વિદ્યાર્થીઓ સાથે ધાક ધમકીથી તેની સાથે રેગિંગ કરી સતત ત્રણ કલાક ટોર્ચર કરતા એક વિદ્યાર્થી ઢળી પડતા અનિલ નામના વિદ્યાર્થીનુ મોત થયું હોવાની વાત સામે આવી છે જેમાં 15 વિદ્યાર્થીઓ સામે પોલીસ ફરિયાદ નોંધાઈ છે,તો ડીન દ્રારા આ સમગ્ર કેસને લઈ એક કમિટીની રચના કરવામાં આવી છે.

જાણો પોલીસે શું કીધુ

સમગ્ર મામલે ડીસીપી પન્ના મોમાયાએ જણાવ્યું કે, કારેલીબાગમાં મહેતાપોળ વિસ્તારમાં ઝઘડો થયો હતો. જે અનુસંધાને ત્રણ વ્યક્તિ વિક્રમ, બાબર તથા અન્યને સારવાર અર્થે સરકારી હોસ્પિટલમાં લાવવામાં આવ્યા હતા. એસએસજી હોસ્પિટલના ફરી ઝઘડો થયો હતો. જેમાં બાબરએ તપનને છરીના ઘા ઝીંકી દીધા છે. બાબર સામે અગાઉ ગુના નોંધાયા છે.

હિન્દુ સંગઠનના લોકોએ કર્યા સૂત્રોચ્ચાર

ઘટનાની જાણ થતાની સાથે જ હિન્દુ સંગઠનના લોકોના ટોળેટોળા ઉમટી પડયા છે અને જયશ્રી રામના નારા લગાવી વિરોધ કરી રહ્યાં છે,વિધર્મી દ્રારા હત્યા કરવામાં આવતા રોષ વધી રહ્યો છે.આ ઘટનાને લઇને પોલીસ અને હોસ્પિટલની સિક્યોરીટી સામે અનેક સવાલો ઉઠવા પામ્યા છે. તપન પરિવારનો એકમાત્ર સંતાન હતો. અને બે મહિના બાદ તેના લગ્ન લેવાના હોવાનું તેના પરિજનનું કહેવું છે. 

નેતાઓ પણ પહોંચ્યા ઘટના સ્થળે

આ સમગ્ર ઘટનાની વાત કરવામાં આવે તો આરોપીએ કેમ હત્યા કરી તેની વિગતો સામે આવી નથી,રાવપુરા પોલીસ મથકે ફરિયાદ નોંધાવવામાં આવી છે.શહેર મહામંત્રી, કોર્પોરેટરો, કાર્યકરો,મેયર પિન્કીબેન સોની પણ પોલીસ સ્ટેશન પહોંચ્યા છે.પરિવાર ન્યાયની માંગ સાથે બેઠો છે,તો હાલમાં મૃતદેહને પીએમ માટે મોકલી આપ્યો છે અને પીએમ થયા બાદ પરિવારજનોને મૃતદેહ સોંપવામાં આવશે,તો બીજી તરફ આરોપીની પૂછપરછ પણ પોલીસે કરી છે.

ભાજપના પૂર્વ કોર્પરેટરના પુત્રની વિધર્મીએ હત્યા કરી

વડોદરા ભાજપના પૂર્વ કોર્પોરેટરના પુત્રની હત્યા થતા હંગામો મચ્યો છે.રમેશ પરમારના પુત્ર તપન પરમારની હત્યા કરતા મામલો બિચકયો છે,તો પૂર્વ કોર્પોરેટરે પોલીસ પર આક્ષેપ લગાવ્યો છે કે,પોલીસની સામે હુમલો થયો છે અને પોલીસ ઉભી હતી,તો મૃતકનું ટૂંકી સારવાર બાદ મોત થયું હોવાની વાત સામે આવી છે.પોલીસે કુખ્યાત આરોપી બાબરેની ધરપકડ કરીને વધુ તપાસ હાથધરી છે.

દરેક શહેરમાં પેટ્રોલ-ડીઝલની કિંમત અલગ-અલગ કેમ?

દરેક શહેરમાં પેટ્રોલ-ડીઝલની કિંમત અલગ-અલગ હોવાનું કારણ ત્યાં વસૂલવામાં આવતો ટેક્સ છે. રાજ્ય સરકારો વિવિધ રાજ્યોમાં અલગ-અલગ દરે ટેક્સ વસૂલે છે. સાથે જ મહાનગરપાલિકા અને નગરપાલિકાઓના વેરા પણ દરેક શહેર પ્રમાણે નક્કી કરવામાં આવે છે. આ શહેરો અનુસાર બદલાય છે, જેને સ્થાનિક બોડી ટેક્સ તરીકે ઓળખવામાં આવે છે. દરેક મ્યુનિસિપલ કોર્પોરેશનના આધારે ઇંધણ પર અલગ-અલગ ટેક્સ પણ નક્કી કરવામાં આવ્યા છે.

ભારતમાં કેવી રીતે નક્કી થાય છે પેટ્રોલ-ડીઝલના ભાવ

ભારતમાં પેટ્રોલ-ડીઝલની કિંમત આંતરરાષ્ટ્રીય સ્તર પર કાચા તેલના ભાવ પર આધારિત હોય છે. ભારતીય ઓઇલ માર્કેટિંગ કંપનીઓ આંતરરાષ્ટ્રીય બજારમાં ક્રૂડ ઓઇલના આધારે ભાવની સમીક્ષા કર્યા બાદ દરરોજ પેટ્રોલ અને ડીઝલના ભાવ નક્કી કરે છે. ઈન્ડિયન ઓઇલ, ભારત પેટ્રોલિયમ અને હિન્દુસ્તાન પેટ્રોલિયમ ઓઇલ કંપનીઓ દરરોજ સવારે 6 વાગ્યે વિવિધ શહેરમાં પેટ્રોલ અને ડીઝલના ભાવની જાણકારી અપડેટ કરે છે.

દેશના મહાનગરોમાં ઈંધણના ભાવ

દિલ્હી આજે પેટ્રોલનો ભાવ 94.77 રૂપિયા છે

દિલ્હી આજે ડીઝલનો ભાવ 87.67 રૂપિયા છે

મુંબઈ આજે પેટ્રોલનો ભાવ 103.44 રૂપિયા છે

મુંબઈ આજે ડીઝલનો ભાવ 89.97 રૂપિયા છે

ગુજરાતના મહાનગરોમાં આજે ડીઝલનો ભાવ

અમદાવાદ આજે ડીઝલનો ભાવ 89.95 રૂપિયા છે

સુરતમાં આજે ડીઝલનો ભાવ 90.06 રૂપિયા છે

રાજકોટમાં આજે ડીઝલનો ભાવ 90.46 રૂપિયા છે

વડોદરામાં આજે ડીઝલનો ભાવ 90.20 રૂપિયા છે

ગુજરાતના મહાનગરોમાં આજે પેટ્રોલના ભાવ

અમદાવાદ આજે પેટ્રોલનો ભાવ 94.29 રૂપિયા લિટર છે

વડોદરા આજે પેટ્રોલનો ભાવ 94.52 રૂપિયા લિટર છે

સુરતમાં આજે પેટ્રોલનો ભાવ 94.37 રૂપિયા લિટર છે

રાજકોટમાં આજે પેટ્રોલનો ભાવ 94.77 રૂપિયા લિટર છે

ઈંધણનો આજનો ભાવ

દરરોજ સવારે 6 વાગ્યે, ઓઇલ માર્કેટિંગ કંપનીઓ (OMCs) પેટ્રોલ અને ડીઝલના ભાવની જાહેરાત કરે છે, આ કોમોડિટીઝની અંતર્ગત અસ્થિરતા હોવા છતાં સાતત્ય જાળવી રાખે છે. OMCs વૈશ્વિક ક્રૂડ ઓઈલના ભાવો અને વિદેશી વિનિમય દરોમાં થતી વધઘટના પ્રતિભાવમાં કિંમતોને સમાયોજિત કરે છે, જેથી ગ્રાહકોને નવીનતમ ઈંધણના ખર્ચ વિશે હંમેશા જાણ કરવામાં આવે.આજે જે પેટ્રોલ-ડિઝલનો ભાવ નક્કી કરવામાં આવ્યો છે જેમાં કોઈ ખાસ વધારો થયો નથી.સુરત,રાજકોટ,વડોદરા કરતા અમદાવાદમાં આજે ડિઝલના ભાવમાં રૂપિયા 1નો ઘટાડો નોંધાયો છે.

ફરિયાદી સટ્ટો રમવાનો છે શોખીન

પોલીસની તપાસમાં સામે આવ્યું કે જે વેપારીઓ પાસે સોનું લીધુ છે તેમને સોનું પાછુ આપવાની વાત થઈ હતી પરંતુ ફરિયાદીએ હજી સુધી સોનુ પાછુ આપ્યું નથી અને તેને એમ થયું કે આ સોનુ વેચીને તે તેનું સટ્ટાનું દેવું પૂર્ણ કરી નાખે પરંતુ આ બાબતની વાત પોલીસને થતા પોલીસ આ કેસમાં ઉંડી ઉતરી હતી હાલમાં તો રાજકોટ પોલીસ કમિશનરે બે કોન્સ્ટેબલોને સસ્પેન્ડ કર્યા છે,પરંતુ જો આ બે કોન્સ્ટેબલ સાચા હોય અને ફરિયાદી ખોટો હોય તો ફરિયાદી પર ચૌક્કસથી ગુનો દાખલ કરવો જોઈએ અને બે કોન્સ્ટેબલને ફરજ પર પાછા હાજર કરવા જોઈએ.

મૃતક વેપારીની પુત્રીને લઈ માથાકૂટ

સમગ્ર ઘટનામાં વાત કરીએ તો ફરિયાદી એવું કહી રહ્યાં હતા કે પોલીસે તોડ કર્યો એટલે તેના પિતાએ આપઘાત કરી લીધો પરંતુ વાત એમ છે કે,ફરિયાદ કરનાર વ્યકિતની બહેન સુરેન્દ્રનગરમાં રહે છે અને તે રીસાઈ ગઈ છે કેમકે જે છોકરા સાથે તેણે લગ્ન કર્યા છે તેની સાથે તેને રહેવું નથી અને તેના કારણે તેના પિતા એટલે કે જે મૃતક હતા તે તેને સમજાવવા ગયા હતા પરંતુ છોકરી વાત માની નહી જેના કારણે તેના પિતાને માઠું લાગ્યુ અને તેના પિતાએ લીંબડી ખાતે આપઘાત કરી લીધો છે.

પોલીસે હાથધરી તપાસ

રાજકોટ એ ડિવિઝન પોલીસ સ્ટેશનમાં  ફરજ બજાવતા પોલીસ કર્મીએ સોનુ લઈ તોડ કર્યો છે,ત્યારે આ ઘટનામાં વાત એ પણ સામે આવી રહી છે કે,જે વ્યકિત ફરિયાદ કરી રહ્યો છે તે વ્યકિત જ સટ્ટામાં હારી ગયો છે અને તે સોનું બનાવાનું કામ કરે છે અને તેણે અલગ-અલગ વેપારીઓ પાસેથી સોનું લઈ પરત કર્યુ ન હતુ અને પોલીસ કોન્સ્ટેબલોને કાયદાના સંકજામાં લેવાની વાત કરી હતી.પરંતુ પોલીસના સૂત્રો તરફથી માહિતી મળી રહી છે કે આ વાતમાં કંઈક અલગ જ રંધાઈ ગયુ અને પોલીસને વચ્ચે હાથો બનાવી દીધી.

રાજકોટ પોલીસ તોડકાંડમાં નવો વળાંક ! ફરિયાદી સટ્ટામાં હારી ગયો અને કર્યુ નાટક ?

બે દિવસ પહેલા સમાચાર સામે આવ્યા હતા કે,રાજકોટ એ ડિવિઝન પોલીસ સ્ટેશનમાં ફરજ બજાવતા બે પોલીસ કોન્સ્ટેબલ કિશન આહિર અને ભગીરથસિંહ ઝાલાએ સોનાને લઈ તોડ કર્યો હતો પરંતુ તપાસ કરતા કંઈક અલગ જ સામે આવ્યું છે,જેમાં પોલીસના સૂત્રો તરફથી માહિતી મળી રહી છે કે જે ફરિયાદી છે તે સટ્ટામાં હારી ગયો છે અને તેને રૂપિયા આપવા ના પડે તેને લઈ સોનું લઈ લીધુ છે તેવી વાત બજારમાં વહેતી કરી હતી.

હોસ્પિટલમાં લોકોના ઉમટયા ટોળા

ઘટનાની જાણ થતા લોકોના ટોળેટોળા ઉમટી પડયા હતા અને નેતાઓનો જમાવડો હોસ્પિટલમાં થઈ ગયો હતો ત્યારબાદ ડેપ્યુટી મેયર અને તેમની સાથે રહેલા લોકોને સારવાર હેઠળ ખસેડી તાત્કાલિક સારવાર આપવામા આવી છે,સામાન્ય માથાકૂટના સમાધાનમાં આવી રીતે છરી મારવી કેટલી યોગ્ય છે,અને આરોપી સન્ની પાજી જોડે છરી કયાંથી આવી તે એક સવાલ છે,શું આરોપી સન્ની પાજી એ ગુનાહિત માનસિકતા ધરાવે છે કે શું ? અને ગુનાહિત માનસિકતા ધરાવતો હશે તો જ છરી લાવ્યો હશે ને.

જાણો કોણ છે સન્ની પાજી

સન્ની પાજી એ રાજકોટમાં પંજાબી હોટલ ધરાવે છે અને અલગ-અલગ રીલો બનાવી સોશિયલ મીડિયામાં અપલોડ કરતો હોય છે,અગાઉ પણ સન્ની પાજી ચર્ચામાં આવ્યો હતો અને તે પોતાની જાતને સ્માર્ટ હીરો સમજી રહ્યો છે,ત્યારે પોલીસ પણ આ સન્ની પાજીની ચરબી ઉતારીને કાયદાનો પાઠ ભણાવે તે જરૂરી  બન્યું છે,નાની નાની વાતમાં સન્ની પાજી ઉશ્કેરાઈ જતો હોવાની વાત પણ સૂત્રો તરફથી મળી રહી છે ત્યારે પોલીસ આ સન્ની પાજીની બરોબર પૂછપરછ કરી તેના રિમાંડ મેળવો તે જરૂરી છે.

ડે.મેયરને વધુ સારવાર માટે અમદાવાદ ખસેડાયા

ડે. મેયર અને તેમના ભાઈ રવિરજસિંહ પર છરીથી હુમલો કરાતા પોલીસની ટીમ ઘટના સ્થળે પહોંચી હતી અને વધુ તપાસ હાથધરી હતી.સન્ની પાજી કા ધાબાના સંચાલક સન્ની પાજીનો ત્રાસ વધતો હોય તેમ લાગી રહ્યું છે,ઘટનાની જાણ થતા પોલીસે પહેલા આરોપીની ધરપકડ કરી લીધી હતી અને આસપાસના સીસીટીવી પણ જપ્ત કર્યા છે,ત્યારે આ ઘટનામાં ડે.મેયરને વધુ સારવાર માટે અમદાવાદ ખસેડવામાં આવ્યા છે,પોલીસે તમામના નિવેદનો નોંધીને કાર્યવાહી હાથધરી છે.

ત્રણ વ્યકિતઓ પર થયો હુમલો

રાજકોટના ડે.મેયર નરેન્દ્રસિંહ જાડેજા અને અન્ય 3 શખ્સો પર સન્ની પાજી નામના આરોપીએ હુમલો કર્યો છે,સન્ની પાજી કા ધાબાના સંચાલકે આ હુમલો કર્યો છે તો ગાંધીગ્રામ પોલીસે સન્ની પાજી નામાના આરોપીની ધરપકડ કરી છે,સન્ની અને તેના સાગરિતોએ ભેગા મળીને આ હુમલો કર્યો છે.ભત્રીજાના ઝઘડામાં ડે.મેયર વચ્ચે પડતા આ હુમલો થયો હોવાની વાત સામે આવી છે.

રાજકોટના ડે.મેયર નરેન્દ્રસિંહ જાડેજા પર હુમલો

રાજકોટના નરેન્દ્ર સિંહ જાડેજા અને તેઓના ભાઈ રવિરજસિંહ જાડેજા ઉપર છરી વડે હુમલો થયો છે. સન્ની પાજી કા ધાબાના  સંચાલક  કુખ્યાત સની અને તેના સાગરીતો દ્વારા  હુમલો કરવામાં આવ્યો હતો. ગાંધીગ્રામ પોલીસ મથક દ્વારા સન્ની પાજીની  ધરપકડ કરવામાં આવી છે. ઇજાગ્રસ્ત ડેપ્યુટી મેયર અને તેમના ભાઈને  ખાનગી દવાખાનામાં દાખલ કરવામાં આવ્યા છે.

બપોરના 4 વાગ્યા સુધી અરજી કરવાની

તા. 23-11-2024થી 25-11-2024 સુધી બપોરના 4:00 સુધી અરજી કરવાની રહેશે.25-11-24થી 27-11-2024 રોજ બપોરના 16:00 કલાક સુધી બિડિંગ રહેશે.અરજદારોના ઈ-ફોર્મ સી.એન.એ. ફોર્મ સાત દિવસની અંદર ઓનલાઈન સબમીટ(જમા) કરવાનું રહશે. જેમણે સીએનએ ફોર્મ ભરેલ હોય તેમને જ પસંદગી નંબરનું ટેન્ડર ભરી શકાશે.

વાહન ખરીદીને 30 દિવસ થવા જોઈએ

જેમનું વાહન ખરીદ્યાને ૩૦ દિવસ થયા હોય કે નવું વાહન ખરીદવાનું હોય તેમણે ઓનલાઈન રજીસ્ટર એપ્લિકેશન કરી ફી તથા કર ભરપાઈ કરી એઆરટીઓ કચેરી બોટાદ પસંદગી નંબરનું ઓનલાઈન ટેન્ડર બીડ ભરી ઈ-ઑક્શનમાં ભાગ લઈને મનગમતો પસંદગી નંબર મેળવવાની તકનો લાભ લેવા અપીલ કરવામાં આવે છે. તથા વાહન ખરીદ્યાને દિવસ-૭ (સાત)માં સી.એન.એ. ફોર્મ ઓનલાઈન ભરવાનું રહેશે.  પર્સનલ લોગીન કરી આ માટેની એપ્લીકેશન parivahan.gov.in વેબસાઈટ પર આ મુજબની કાર્યવાહી રહેશે.

વાહનના સિલ્વર-ગોલ્ડન નંબરો

બોટાદ જિલ્લામાં વાહન ખરીદનારાઓને મોટરીંગ પબ્લીક જોગ અન્વયે જણાવવાનું કે, આગામી તા. 23-11-2024થી નોન ટ્રાન્સપોર્ટની સીરીઝ GJ33M ટૂ વ્હીલર તથા ફોર વ્હીલર GJ33K તથા ટ્રાન્સપોર્ટ GJ33T વાહનો માટેની સીરીઝના પસંદગીના સિલ્વર ગોલ્ડન નંબરો ઓનલાઈન ઓક્શનથી ફાળવવામાં આવશે.

આરોપીઓને જેલ હવાલે કર્યા 

જસદણ તાલુકાના કમળાપુર ગામની યુવતીને તેના ઘરેથી અપહરણ કરવામાં આવતા સમગ્ર જિલ્લામાં ચકચાર મચી જવા પામી હતી અને રાજકોટ પોલીસ દોડતી થઈ હતી. આખરે રાજકોટ પોલીસે અપહૃત યુવતીને અમદાવાદ થી અપહરણકર્તા ની ચુંગાલમાંથી બચાવી હતી અને પોલીસે રાહતનો શ્વાસ લીધો હતો. જ્યારે પોલીસે અપહરણકર્તાઓની ધરપકડ કરી જેલના સળિયા પાછળ ધકેલી દીધા. 

પ્રેમ લગ્નનમાં કર્યુ અપહરણ

કિરણ મનસુખભાઈ રામાણીને પૂછપરછ કરતા અન્ય સાત આરોપી તેમની સાથે અપરણમાં સામેલ હતા 8 શખ્સોએ સાથે મળીને આ ઘટનાને અંજામ આપવા માટે ષડયંત્ર રચ્યું હતું આખી ઘટના પાછળ પ્રેમ લગ્ન જવાબદાર આ યુવતી સાથે કિરણ રામાણીના લગ્ન થયા હતા અને બાદમાં છૂટાછેડા પણ થઈ ગયા હતા તેથી તેને મેળવવા માટે 15 નવેમ્બર રાત્રે 10:00 કલાકે સાગરી તો સાથે મળી યુવતીના ઘેરથી યુવતી નું અપહરણ કર્યું હતું. આ મામલે ભાડલા પોલીસ વધુ આગળ તપાસ કરી રહી છે તેમજ જસદણ કોર્ટમાં આરોપીના રિમાંડની માંગણી કરવામાં આવશે. 

પરિવારે પોલીસનો કર્યો હતો સંપર્ક 

યુવતીના પરિવાર દ્વારા પોલીસ કંટ્રોલ રૂમમાં કરવામાં આવતા રાજકોટ પોલીસ એકશનમાઆવી હતી. રાજકોટ રેન્જ આજી દ્વારા આખા જિલ્લાની નકાબંધી કરાવી હતી. રાજકોટ એલસીબી, રાજકોટ ગ્રામ્ય એસઓજી અને ભાડલા પોલીસની ટીમ દ્વારા યુવતીને શોધવા માટે ચક્રો ગતિમાન કર્યા હતા ચાર શખ્સો દ્વારા યુવતીને ગાડીમાં અમદાવાદ તરફ લઈ જવામાં આવી રહી છે તેવી પોલીસને બાતમી મળતા અમદાવાદ પોલીસની મદદથી ભાડલા પોલીસે કારને અટકાવી યુવતીને છોડાવી ચાર આરોપીની ધરપકડ કરી.

8 આરોપીઓની કરાઈ ધરપકડ

સૂત્રો પાસેથી મળતી માહિતી મુજબ કમળાપુર ગામે રહેતા એક પરિવારની યુવતીને તેના જ ગામનો અને તેનો પ્રેમી કિરણ મનસુખભાઈ રામાણી ગાડીમાં તેના ત્રણ સાગરીતો અને એક ડ્રાઇવર એમ કુલ ચાર મિત્રોને સાથે રાખી 15 નવેમ્બર રાત્રે 10:00 કલાકે યુવતીના ઘરમાં ઘૂસીને યુવતી ને દબોથી તેનું અપહરણ કરી ગાડીમાં જબરદસ્ત બેસાડી અને ચોટીલા લઈ ગયા હતા ત્યાંથી બીજી વાઈટ કલરની ફોરવીલમાં બેસાડી અને ડ્રાઇવરની બદલી કરી અમદાવાદ તરફ લઈ ગયા હતા. આ ચાર સિવાય બીજા અન્ય ચાર સાગરી તો પણ અપરણમાં સામેલ હતા કુલ આઠ શખ્સો દ્વારા ષડયંત્ર રચીને યુવતીનું અપરણ કરવામાં આવ્યું હતું. 

જિલ્લાભરમાં કરી હતી નાકાબંધી

જસદણના ભાડલા નજીક કમળાપુર ગામેથી એક યુવતીનું તેમના ઘરેથી કિરણ મનસુખભાઈ રામાણી અને એના ત્રણ સાગરીતો દ્વારા અપહરણ કરવામાં આવ્યું હતું યુવતીના પરિવાર દ્વારા ભાડલા પોલીસ સ્ટેશને જાણ કરતા જિલ્લા ભરની પોલીસ આ અપહ્યત યુવતીને શોધવા કામે લાગી હતી અને જિલ્લાભરમાં નાકાબંધી કરવામાં આવી હતી કમળાપુરની આ યુવતીના અપહરણ પાછળ પ્રેમ પ્રકરણનું ભૂત હોવાનું ચર્ચાઇ રહ્યું હતું જોકે આ મામલે તપાસ દરમિયાન યુવતીનું અપહરણ કરીને અમદાવાદ તરફ લઈ ગયા હોવાનું જાણવા મળતા પોલીસ દ્વારા યુવતીને અમદાવાદ થી હેમખેમ છોડાવી 4 શખ્સો ની ધરપકડ કરી હતી. 

3 શખ્સોએ જબરજસ્તીથી યુવતીનું કર્યુ અપહરણ

જસદણ તાલુકાના કમળાપુર ગામેથી ત્રણ શખ્સોએ યુવતીને તેના ઘરેથી પકડીને જબરજસ્તી કારમાં બેસાડીને અપહરણ કરવામાં આવતા પોલીસ એકશનમા આવી હતી. પોલીસે સમગ્ર રાજકોટ જિલ્લામાં નાકાબંધી કરી કરી શોધખોળ શરૂ કરી હતી અને આખરે પોલીસે યુવતીને અમદાવાદથી અપહરણકર્તાની ચુંગાલમાંથી હેમખેમ છોડવી હતી. પોલીસે તમામ અપહરણકર્તાઓને દબોચીને જેલના સળિયા પાછળ ધકેલી દીધા. 

ઉકાળેલુ પાણી પીવુ જોઈએ

વાતાવરણને કારણે પણ વાઇરલ ઇન્ફેક્શન સહિત પાણીજન્ય અને મચ્છરજન્ય રોગનો ખતરો વધી જાય છે તેવામાં બાળકોનું ખાસ ધ્યાન રાખવું ખૂબ જ આવશ્યક છે અને પાણીજન્ય રોગથી બચવા માટે ઓછામાં ઓછી 20 મિનિટ જેટલું પાણી ઉકાળીને ઠંડું પાડીને ગાળીને પીવું જોઈએ.ચોમાસાની સિઝનમાં પાણીજન્ય અને મચ્છરજન્ય રોગચાળો ફેલાય છે અને આ વર્ષે વરસાદ હજું પણ સતત પડી રહ્યો છે જેના કારણે અમદાવાદ શહેરમાં રોગચાળો વકરી રહ્યો છે. શહેરના ખાનગી દવાખાનાઓ અને સરકારી દવાખાનાઓ દર્દીઓથી ઉભરાઇ રહ્યા છે.

ડેન્ગયુ એટલે શું

ડેન્ગ્યુ ફીવર વાઇરલ રોગ છે, આ રોગ મચ્છર એડીસ ઇજિપ્તી, એડીસ અલ્બોપીટક્સ દ્વારા ફેલાય છે. એડસી મચ્છર ડેન્ગ્યુ ઉપરાંત ચિકનગુનિયા , યલોફિવર અને ઝીકા વાઇરલ ઇન્ફેકશન ફેલાવે છે. દુનિયાના 50% લોકો આ રોગ થવાના જોખમમાં રહે છે. ભારે પ્રકારનો ડેન્ગ્યુ જેને ડેન્ગ્યુ હેમરૅઝીક ફીવર કહેવામાં આવે છે જીવલેણ નીવડે છે.

મચ્છરનું ઉત્પાદન વધ્યું

ચોખ્ખા પાણીમાં એડિસ મચ્છર ઈંડા મુકે છે. જેમાંથી પ્રથમ પોરા ત્યાર બાદ પ્યુપા તેમજ પુખ્ત મચ્છર બને છે. આમ ઈંડામાંથી પુખ્ત મચ્છર બનતા 7થી 10 દિવસનો સમય લાગે છે. મચ્છરનું જીવનચક્ર ટુંકુ હોય છે અને પુનઃ ઉત્પત્તિ ઝડપી હોવાથી તેનો ફેલાવો થોડા સમયમાં ખૂબ ઝડપથી થાય છે. ખાસ કરીને શહેરી વિસ્તારોમાં લોકોમાં સાફસફાઈના અભાવ, પોતાના સ્વાાસ્થય પ્રત્યેં બેદરકારી અને માનવીય બેદરકારીથી સહેલાઈથી મચ્છરને પ્રજનન માટે મળી રહેતા ચોખ્ખા પાણીના પાત્રોને કારણે મચ્છરની ઉત્‍૫તિ વધી જાય છે.

સુરતમાં રોગચાળો વકર્યો 

સુરતમાં રોગચાળાએ યુવકનો ભોગ લીધો છે,જેમાં ભટારના યુવકનું મેલેરિયાથી મોત થતા દોડધામ મચી હતી,34 વર્ષીય રાધેશ્યામ બાવરિયાનું મોત થયું હતુ તો સતત તાવ આવતા યુવકને સારવાર હેઠળ ખસેડવામાં આવ્યો હતો,સુરતમાં તાવ, શરદી-ખાંસી, ઇન્ફેક્શનના કેસમાં સતત વધારો થયો છે.ખાનગી અને સરકારી હોસ્પિટલ દર્દીઓથી ઉભરાઈ રહી છે.

પ્રથમ દિવસે શાળામાં બાળકોને જવામાં આળસનો અહેસાસ

21 દિવસનું વેકેશન પૂર્ણ થયા બાદ આજે બાળકો જયારે શાળામાં જઈ રહ્યાં છે ત્યારે વેકેશનના માહોલમાંથી બહાર આવતા બાળકોને પણ થોડો સમય લાગશે બીજી તરફ બાળકો પણ શાળાએ જવા માટે આનાકાની કરી રહ્યાં છે,પરંતુ માતા-પિતા બાળકોને શાળામાં મૂકવા આવતા હોય છે,જેમ જેમ સમય જશે એમ બાળકો પણ સમયની સાથે તાજા થઈ જશે અને ફરીથી ભણતરના એજ રંગમાં જોડાઈ જશે.

કોલેજો પણ થશે શરૂ 

શિક્ષણ વિભાગ દ્વારા શિક્ષણકાર્ય અને પરીક્ષા, પ્રવેશમાં એકસૂત્રતા જળવાઇ રહે તે માટે કોમન એકેડેમિક કેલેન્ડર જાહેર કર્યુ હોવાથી તે પ્રમાણે આવતીકાલથી કોલેજો શરૂ થશે પરંતુ નવું શૈક્ષણિક સત્ર શરૂ થશે નહી. તા.18મીથી લઇને 14મી ડિસેમ્બર સુધીમાં કોલેજોએ આંતરિક પરીક્ષા પૂર્ણ કરવાની રહેશે. આગામી 14મી ડિસેમ્બરે કોલેજોમાં પહેલું શૈક્ષણિક સત્ર પૂર્ણ થશે.જેના કારણે બીજુ શૈક્ષણિક સત્ર 16મી ડિસેમ્બરથી 28મી એપ્રિલ સુધી જાહેર કરાયું છે.

54 હજાર શાળાઓ આજથી શરૂ

દિવાળી વેકેશન અને ઉનાળુ વેકેશન આ બે વેકેશન એવા છે કે જેમાં બાળકોને લાંબી રજા ભોગવવા મળે છે,ત્યારે આજથી શાળાઓ ફરી શરૂ થઈ છે.રાજયમાં આજતી 54 હજાર શાળાઓ શરૂ થઈ છે,તો બીજી તરફ સત્ર શરૂ થતાં જ કોલેજોમાં પરીક્ષા યોજાશે સાથે સાથે તમામ સ્કૂલોમાં બીજા સત્રનો પ્રારંભ થશે અને સ્કૂલોમાં બીજું શૈક્ષણિક સત્ર આજથી 4 મે સુધી ચાલશે. 

ઘઉંના પાક માટે તાપમાન હાલ સાનુકૂળ નહીં : અંબાલાલ પટેલ

અંબાલાલ પટેલનું વધુમાં કહેવું છે કે,23 નવેમ્બર બાદ ઉત્તરીય પર્વતીય પ્રદેશમાં હિમવર્ષા થશે અને હિમવર્ષાના કારણે ગુજરાતમાં ઠંડીની લહેર આવશે તો માર્ચ સુધી હવામાનમાં પલટા આવ્યા કરશે તો માર્ચ એપ્રિલ સુધી માવઠા આવી શકે તેવી પણ શકયતાઓ દેખાઈ રહી છે.ઘઉંના પાક માટે તાપમાન હાલ સાનુકૂળ નથી તો હાલ વાવણી થાય તો જીરા, દિવેલામાં ગરમીના કારણે ઉત્પાદન ઘટી શકે છે.બંગાળ ઉપસાગરમાં 20 થી 25 નવેમ્બર ડિપ ડિપ્રેશન બનશે અને તેના કારણે ચક્રવાત આવવાની પણ શકયતાઓ દેખાઈ રહી છે.  

અમદાવાદમાં વહેલી સવારે ઠંડીનો ચમકારો

રાજ્યમાં ઘટતા તાપમાનની સાથે અમદાવાદ શહેરમાં પણ તાપમાન નીચું જઈ રહ્યું છે. અને વાતાવરણમાં ઠંડક પ્રસરી છે. જોકે, બપોરના સમયે હજી પણ ગરમીનો અહેસાસ થઈ રહ્યો છે. જોકે, એકંદરે તાપમાનમાં ઠંડક પ્રસરતા લોકોને ગરમીમાંથી નજીવી રાહત મળી છે. અમદાવાદ શહેરમાં વહેલી સવારે અને મોડી સાંજે ઠંડીનો ચમકારો વર્તાવવા લાગ્યો છે.

પશ્ચિમી વિક્ષોભ મજબૂત નથી

આજે વધુ એક પશ્ચિમી વિક્ષોભ ઉત્તરના પહાડો પર ત્રાટકશે. આ વખતે હજુ સુધી કોઈ મજબૂત પશ્ચિમી વિક્ષોભ આવ્યું નથી. આવી સ્થિતિમાં, તાપમાન તેના સ્તર પર રહે છે, જે ઠંડીના આગમનને અટકાવે છે. અગાઉના વર્ષોમાં 15 નવેમ્બર પહેલા પશ્ચિમી વિક્ષોભ બે-ત્રણ વખત આવતો હતો અને તાપમાનમાં ઘટાડો થતો હતો.બંગાળની ખાડીમાંથી સર્જાયેલા ઓછા દબાણને કારણે આંધ્રપ્રદેશથી તેલંગાણા તરફ ભેજનો પ્રવાહ ચાલુ છે. તેની અસર ઓડિશા અને છત્તીસગઢમાં પણ જોવા મળી શકે છે.

જાણો કયાં કેટલું તાપમાન નોંધાયું

હવામાન વિભાગની આગાહી પ્રમાણે વાત કરવામાં આવે તો સૌથી ઓછું તાપમાન ગાંધીનગરમાં  15.8 ડિગ્રી,સૌથી વધુ તાપમાન રાજકોટમાં 35.5  ડિગ્રી,અમદાવાદ 33.8 ડિગ્રી મહત્તમ અને 18.5 લઘુત્તમ તાપમાન,ગાંધીનગરમાં 33.8 ડિગ્રી મહત્તમ અને 15.8 લઘુત્તમ તાપમાન,નલિયામાં 33.4 ડિગ્રી મહત્તમ અને 16.8 ડિગ્રી લઘુત્તમ તાપમાન નોંધાયું છે,તો અમરેલીમાં 32.8 ડિગ્રી  મહત્તમ અને 17.8 ડિગ્રી લઘુત્તમ તાપમાન નોંધાયું છે.સુરતમાં 34.4 ડિગ્રી મહત્તમ અને 23.4 ડિગ્રી લઘુત્તમ તાપમાન નોંધાયું છે.

ગુજરાતમાં ઠંડીના ચમકારાની શરૂઆત, સૌથી ઓછુ તાપમાન ગાંધીનગરમાં નોંધાયું

હવામાન વિભાગની આગાહી પ્રમાણે વાત કરવામાં આવે તો રાજયમાં ઠંડીની શરૂઆત થઈ ગઈ છે,વહેલી સવારે તેમજ મોડી રાત્રે શહેરીજનોને ઠંડીનો અહેસાસ થઈ રહ્યો છે,આગામી સાત દિવસ રાજયમાં સૂકું વાતાવરણ રહેશે તો રાજયના 16 જિલ્લાઓમાં તાપમાન 20 ડિગ્રીથી ઓછું નોંધાયું છે,તો આગામી દિવસોમાં ઠંડી હજી વધુ જોર પકડે તેવી શકયતાઓ સેવાઈ રહી છે.

આજથી સ્કૂલો-કોલેજોમાં શૈક્ષણિક કાર્ય શરૂ

21 દિવસનું દિવાળી વેકેશન પૂર્ણ,રાજ્યની તમામ સ્કૂલોમાં આજથી શિક્ષણ કાર્ય શરૂ,તમામ સ્કૂલોમાં બીજા સત્રનો પ્રારંભ,સ્કૂલોમાં બીજું શૈક્ષણિક સત્ર આજથી 4 મે સુધી ચાલશે.

આણંદના ખંભાતમાં પોલીસ સ્ટેશનમાં તોડફોડ

પોલીસ સ્ટેશનમાં વાહનોમાં તોડફોડ કરાઇ,મેળામાં ધાર્મિક પુસ્તક ફાડીને ઉડાડતા રોષ,લઘુમતી સમાજના લોકો પોલીસ સ્ટેશન પહોચ્યાં,આરોપીને ઝડપી પાડી કાર્યવાહી કરવાની માગ. 

દિલ્હી - NCRમાં ગેસ ચેમ્બર જેવી સ્થિતિ

આજથી GRAP - 4ના દિશા - નિર્દેશો લાગુ,વધતા પ્રદૂષણ પછી GRAP - 4 લાગુ કરવાનો નિર્ણય,દિલ્હીમાં નિર્માણ કાર્યો બંધ રહેશે,બહારથી આવતા રાજ્યોના મોટા વાહનો પર રોક.

વડોદરા ભાજપના પૂર્વ કોર્પોરેટરના પુત્રની હત્યા

રમેશ પરમારના પુત્ર તપન પરમારની હત્યા,હુમલો થયા બાદ તપનને સારવાર માટે ખસેડાયો હતો,ટૂંકી સારવાર બાદ તપન પરમારનું મૃત્યુ,રાવપુરા પોલીસે આરોપી બાબરની કરી ધરપકડ,કુખ્યાત આરોપી બાબરે હત્યાને અંજામ આપ્યો,પોલીસની હાજરીમાં જ હત્યા થયાના આક્ષેપ,મૃતકના પિતા રમેશ પરમારે કર્યા આક્ષેપ.

કેન્દ્રીય ગૃહમંત્રી અમિત શાહ બે દિવસ ગુજરાતના પ્રવાસે

આજે સાંજે 7 વાગ્યે પહોંચશે અમદાવાદ એરપોર્ટ,કોર્પોરેટર જયેશ પટેલના નિવાસસ્થાનની મુલાકાત લેશે,ઘાટલોડિયામાં સ્નેહમિલન કાર્યક્રમમાં રહેશે હાજર,19 નવેમ્બરે ગાંધીનગર દાંડીકુટીરના કાર્યક્રમમાં હાજર રહેશે,પોસ્ટ વિભાગના ટિકિટ પ્રદર્શનીમાં આપશે હાજરી,રક્ષા શક્તિ યુનિવર્સિટીના કાર્યક્રમમાં રહેશે હાજર,હિંમતનગરમાં સાબર ડેરીના કાર્યક્રમમાં રહેશે હાજર,શેલા તળાવના બ્યૂટિફિકેશનના ખાતમુહૂર્તમાં હાજર રહેશે.