Gujarat latest News Updated: કોંગ્રેસે EVM વિશે ખોટું બોલ્યું:PM

કોંગ્રેસે EVM વિશે ખોટું બોલ્યું: PM મોદી

PM મોદીએ કહ્યું- કોંગ્રેસે EVM વિશે ખોટું બોલ્યું

PM મોદીએ કહ્યું કે, કોંગ્રેસે EVM વિશે ખોટું બોલ્યું અને લોકોને ઉશ્કેરવાનો પ્રયાસ કર્યો, પરંતુ સુપ્રીમ કોર્ટે તેના તાજેતરના નિર્ણયમાં કહ્યું કે EVMમાં ​​કંઈ ખોટું નથી. તેમણે કહ્યું કે કોંગ્રેસે પોતાના વલણ માટે દેશની માફી માંગવી જોઈએ. PM મોદીએ કહ્યું, ગોવા ભાજપની કલ્યાણકારી યોજનાઓને દરેક વ્યક્તિ સુધી પહોંચાડવાનું એક મોડેલ છે, જેનાથી ખેડૂતો, ગરીબો, માછીમારો, મહિલાઓને ફાયદો થયો છે. મોદી તમારા સપના અને આકાંક્ષાઓને પૂર્ણ કરવા માટે જીવે છે. પીએમ મોદીએ કહ્યું કે ગોવા દેશભક્તોની ભૂમિ, તેના ભવ્ય મંદિરો અને ચર્ચ માટે જાણીતું છે.

રાજા-રજવાડા પર રાહુલની ટિપ્પણી પર હર્ષ સંઘવીએ કર્યા પ્રહાર

કોંગ્રેસ નેતા રાહુલ ગાંધીનું એક વિવાદિત નિવેદન વાયરલ થયું છે, જેમાં તેઓ રાજા-મહારાજાઓ વિશે ટિપ્પણી કરતા જોવા મળે છે. રાહુલ ગાંધીએ કહ્યું હતું કે, પહેલાં રાજા-રજવાડાનું શાસન હતું અને તેઓ જે ઇચ્છતા તે કરતા અને આદિવાસીઓ, દલિતો અને અન્ય પછાત વર્ગને અધિકારો મળતા ન હતા. તેમના આ ભાષણનો વીડિયો સોશિયલ મીડિયા પર ખુબજ વાયરલ થઈ રહ્યો છે. 

ચારધામયાત્રા માટે 15 લાખ લોકોનું રેકોર્ડ બ્રેક રજિસ્ટ્રેશન

ઉત્તરાખંડની ચારધામ યાત્રા આ વર્ષે 10મી મે 2024થી શરૂ થઈ રહી છે. જેના માટે પ્રવાસન વિભાગે ઓનલાઈન રજીસ્ટ્રેશન શરૂ કર્યું છે. આ વર્ષે ચારધામ યાત્રા માટે મોટી સંખ્યામાં યાત્રિકો નોંધણી કરાવી રહ્યા છે. 15મી એપ્રિલથી રજીસ્ટ્રેશન શરૂ થયા બાદ 25મી એપ્રિલ સુધીમાં કુલ 15 લાખ 12 હજાર 993 ભક્તોએ પોતાનું રજીસ્ટ્રેશન કરાવ્યું છે.

'મેરી સહેલી' અભિયાન હેઠળ ટ્રેનોમાં હજારો મુસાફરોને મદદ

પશ્ચિમ મધ્ય રેલવે મહિલા મુસાફરોની સુરક્ષા માટે કટિબદ્ધ છે. સમગ્ર પશ્ચિમ મધ્ય રેલવેના કોટા ડિવિઝનમાં મેરી સહેલી અભિયાન હેઠળ મહિલા મુસાફરોની સુરક્ષા પર વિશેષ ધ્યાન આપવામાં આવી રહ્યું છે. જનરલ મેનેજરે રેલ્વે પ્રોટેક્શન ફોર્સને વિવિધ મીટીંગમાં મહિલા રેલ્વે મુસાફરોની સુરક્ષા માટે ફરિયાદો મળતાં તાત્કાલિક પગલાં લેવા સૂચનાઓ પણ આપી છે.

કંબોડિયાના મિલિટરી બેઝ પર વિસ્ફોટમાં 20 સૈનિકોના મોત

કંબોડિયાના પશ્ચિમમાં એક સૈન્ય મથક પર દારૂગોળા વિસ્ફોટમાં 20 સૈનિકો માર્યા ગયા છે. અન્ય ઘણા જવાનો ઘાયલ થયા છે. આ માહિતી કંબોડિયાના વડાપ્રધાન હુન માનેટે આપી છે. ઘાયલોને સારવાર માટે હોસ્પિટલમાં દાખલ કરવામાં આવ્યા છે.

કોંગ્રેસનો એજન્ડા કાશ્મીરમાં 370 પુનઃસ્થાપિત કરવાનોઃ PM મોદી

લોકસભા ચૂંટણી 2024ના ત્રીજા તબક્કા માટે ભાજપના સ્ટાર પ્રચારક તરીકે PM નરેન્દ્ર મોદીએ શનિવારે 27 એપ્રિલે મહારાષ્ટ્રના કોલ્હાપુરમાં એક વિશાળ જાહેર સભાને સંબોધિત કરી હતી. અહીં કોંગ્રેસ પર નિશાન સાધતા તેમણે કહ્યું છે કે, કોંગ્રેસનો એક જ એજન્ડા છે, સરકાર બનાવો અને પૈસા કમાવો.

ઈરાનમાં કેદ 16 ભારતીયોની મુક્તિની આશા વધી!

વિદેશ મંત્રી એસ જયશંકરે તાજેતરમાં ઇરાનમાં પોતાના સમકક્ષ હુસૈન અમીર હોસૈન અમીર-અબ્દુલ્લાહિયાન સાથે વાત કરી હતી. આ દરમિયાન તેમણે 17 ભારતીય નાગરિકોની મુક્તિનો મુદ્દો પણ ઉઠાવ્યો હતો. જયશંકરે ફોન પર વાતચીત દરમિયાન ઈરાન-ઇઝરાયલ વચ્ચે વધી રહેલી દુશ્મનીને લઈને તણાવથી બચવા, સંયમ જાળવી રાખવા અને કૂટનીતિના રસ્તે પરત ફરવા આહ્વાન કર્યું હતું.

વડોદરામાં અમિત શાહનો ભવ્ય રોડ શો

વડોદરામાં લોકસભાની સામાન્ય ચૂંટણી અને વાઘોડિયા વિધાનસભાન બેઠક પર પેટા ચૂંટણી યોજાવવા જઇ રહી છે. ત્યારે હવે વડોદરામાં લોકસભા બેઠકના ભાજપના ઉમેદવાર ડો. હેમાંગ જોશીના પ્રચારઅર્થે કેન્દ્રિય ગૃહમંત્રી અમિત શાહ ખુદ વડોદરામાં રોડ શો યોજાયો છે.

સુરતમાં રણબીર કપૂરના કાર્યક્રમમાં દોડધામ

રણબીર કપૂરના કાર્યક્રમમાં મચી ભાગદોડ
રણબીર કપૂરને જોવા માટે લોકોનો ધસારો થતાં મહિલાઓ, બાળકોમાં મચી ભાગદોડ. મહિલાઓ-બાળકો જમીન પર પટકાયા હતાં. રણબીર પરફોર્મન્સ કર્યા વગર એરપોર્ટ રવાના થઈ ગયો હતો. લોખંડના બેરિકેટ તૂટતા લોકો એકબીજા પર પડ્યા. કાર્યક્રમના PR એજન્સીની ગંભીર ભૂલ જોવા મળી હતી. અભિનેતા જ્વેલર્સની દુકાનના ઉદ્ઘાટન પ્રસંગે આવ્યો હતો

મુંબઈ નોર્થ સેન્ટ્રલથી પૂનમ મહાજનની ભાજપમાંથી ટિકિટ કપાઈ

લોકસભા ચૂંટણીને ધ્યાનમાં રાખીને ભાજપે શનિવારે 27 એપ્રિલે, પોતાના ઉમેદવારોની 15મી યાદી જાહેર કરી છે. ભાજપે મુંબઈ નોર્થ સેન્ટ્રલથી પૂનમ મહાજનની ટિકિટ રદ કરી છે અને ઉજ્જવલ નિકમને ઉમેદવાર બનાવ્યા છે. ઉજ્જવલ નિકમ 26/11ના મુંબઈ આતંકવાદી હુમલાના કેસમાં વિશેષ સરકારી વકીલ પણ રહી ચૂક્યા છે.

ગુજરાત ATS અને NCBનું મોટું ઓપરેશન, 10થી વધુ આરોપીની ધરપકડ

ગુજરાત ATS અને NCBએ આજે રાજસ્થાન અને ગુજરાતમાં મોટી કાર્યવાહી કરીને રાજસ્થાનમાંથી ડ્રગ્સની બે ફેક્ટરી તેમજ ગુજરાતમાંથી 1 ફેકટરી ઝડપી પાડી છે. ગુજરાતના ગાંધીનગર પાસે પકડાઈ એક ફેક્ટરીમાંથી 25 કિલોથી વધુ એમડી ડ્રગ્સ જપ્ત કરાયું છે.

અમેરિકામાં આણંદની 3 મહિલાઓના માર્ગ અકસ્માતમાં મોત

અમેરિકામાં એક દુ:ખદ અકસ્માતમાં ત્રણ ભારતીય મહિલાઓના મોત થયા છે. મળતી માહિતી મુજબ ત્રણેય મહિલાઓ ગુજરાતના આણંદ જિલ્લાની રહેવાસી હતી. જેમના નામ રેખા બેન પટેલ, સંગીતા બેન પટેલ અને મનીષા બેન પટેલ હતા. કાર અકસ્માતમાં ત્રણેય મહિલાઓના મોત થયા હતા. અકસ્માતમાં એક વ્યક્તિ ગંભીર રીતે ઘાયલ થયો હતો. આ ઘટનાથી ચારે તરફ ચકચાર મચી ગઈ હતી.

આવતીકાલે ભાજપનું સહકારી મહાસંમેલનનું આયોજન

આવતીકાલે ગાંધીનગરમાં ભાજપનું સહકારી મહાસંમેલન યોજાવવા જઈ રહ્યું છે. આ સંમેલન ત્રિ-મંદિરમાં યોજાશે. મહાસંમેલનમાં કુલ 40 હજારથી વધુ આગેવાનો ભાગ લે તેવી શક્યતાઓ જોવા મળી રહી છે. આ સાથે જ સહકારી રાજકારણમાં જોડાયેલા મોટા નેતાઓ પણ હાજર રહી શકે છે. જોકે ઉલ્લેખનીય નથી કે કયા મુદ્દાઓ પર આ મહાસંમેલનમાં ચર્ચા કરવામાં આવશે પરંતુ એ નિશ્ચિત છે કે આગામી લોકસભા ચૂંટણીને લઈને ખાસ પ્લાન તૈયાર કરવામાં આવી શકે છે. અને સાથે જ આ સંમેલનમાં રાજ્યભરમાંથી અનેક મોટા આગેવાનો પણ હાજર રહેશે. 

બારડોલીમાં રખડતા ઢોરના કારણે એકનું મોત

ગુજરાતમાં રખડતા ઢોરનો ત્રાસ યથાવત છે,બારડોલીની નવદુર્ગા સોસાયટીમાં પગપાળા જતા પિતા પુત્રને ઢોરે અડફેટે લેતા પિતાનું સારવાર દમરમિયાન મોત થયું છે,જયારે પુત્રને સારવાર હેઠળ હોસ્પિટલ ખસેડાયો છે.રખડતા ઢોર મામલે પાલિકાની નિષ્ક્રિય કામગીરીના પગલે ફરી એક વ્યકિતને જીવ ગુમાવવાનો વારો આવ્યો છે.બીજી તરફ પોલીસે તપાસ હાથધરીને મૃતદેહને પીએમ અર્થે મોકલી આપ્યો છે.

ભરૂચમાં અમિત શાહનું સભાને સંબોધન

અમિત શાહે કહ્યું કે મનસુખભાઈનો પ્રચાર તો મનસુખભાઈ જ કરી શકે. સુરતના મતદારોએ ચૂંટણી પહેલાં જ કમળની ભેટ આપી છે. દેશભરના ગરીબોને મફત સારવારની વ્યવસ્થા પણ છે. આ સાથે જ  અમિત શાહે કોંગ્રેસ અને AAP પર પ્રહાર કર્યા છે. કોંગ્રેસ આદિવાસીઓથી નફરત કરે છે. જૂઠ્ઠાણા ફેલાવવામાં કોંગ્રેસ માહિર છે. AAPએ આદિવાસીઓનું મત લઈ શોષણ કર્યું છે. લોકોને લૂંટવા નીકળ્યા છે કોંગ્રેસ અને AAP. આ સિવાય તેઓએ કહ્યું કે આદિવાસી મંત્રાલય અટલજીના શાસનમાં બન્યું હતું. 

કોંગ્રેસ પ્રવક્તા મનીષ દોશીના ભાજપ પર પ્રહાર

ભાજપના નેતાઓ જૂઠ્ઠાણાં ફેલાવી રહ્યા છે. મહિલાઓને મત આપવાનો અધિકાર કોંગ્રેસે આપ્યો. મનપા, નપામાં 33 ટકા અનામત કોંગ્રેસે આપી છે. ભાજપ મહિલાઓનાં અધિકાર છીનવી રહી છે. ગુજરાત ડ્ર્ગ્સનો ગેટવે કેમ બની રહ્યું છે. અનેક ફેક્ટરીઓમાં ડ્રગ્સના વેપલા ચાલી રહ્યા છે. ડ્રગ્સના આકાઓ કોણ તેનો ભાજપ જવાબ આપે તેમ પણ તેઓએ કહ્યું હતું. 

લોકસભા ચૂંટણી પહેલા ઈન્કમટેકસ વિભાગ એક્શનમાં

અત્યાર સુધીમાં 7 કરોડની બિનહિસાબી રોકડ જપ્ત કરાઈ છે. 11 કરોડ રૂપિયાનું બિનહિસાબી સોનું પણ જપ્ત થયું છે. શહેરીજનોની બાતમીના આધારે કાર્યવાહી કરાઈ છે. રેલ્વે સ્ટેશન, એરપોર્ટ પરથી રોકડ અને સોનાની હેરાફેરી થતી હોવાનું જાણવા મળ્યું હતું. નાણાંકીય હેરફેર અટકાવવા ITની 50થી વધુ ટીમો સક્રિય બની છે.

બંગાળના દુર્ગાપુરમાં મમતા બેનર્જી હેલિકોપ્ટરમાં પડ્યા

પગ લપસી જવાથી મમતા બેનર્જી હેલિકોપ્ટરમાં બેસવા જતા પડી ગયા હોવાનું સામે આવ્યું છે. હેલિકોપ્ટરમાં બેસવા જતા લપસી ગયા હતા અને તેમના પગમાં ઈજા થઈ હતી. ઉલ્લેખનીય છે કે મમતા બેનર્જી દુર્ગાપુરથી આસનસોલ જઈ રહ્યા હતા.

રાજકોટમાં રૂપાલા સામે ક્ષત્રિયોમાં રોષ યથાવત

રાજકોટ લોકસભા ના ઉમેદવાર પુરૂષોત્તમ રૂપાલા વિરુદ્ધ ક્ષત્રિય સમાજ નો સમગ્ર ગુજરાત માં વિરોધ થઈ રહેલ ત્પારે ક્ષત્રિય સમાજ દ્વારા ધમૅ રથ આજે કરછના અંજાર શહેરમાં આવેલા જેમાં ક્ષત્રિય સમાજના ભાઈઓ  મોટી સંખ્યામાં જોડાયા હતા અને સુત્રોચ્ચારમાં ભાજપ તારા વળતા પાણી ‌રુપાલા વિરોધ હાય હાય ના... નારા લગાવવા મા આવ્યા હતા શાંતિપૂર્ણ વાતાવરણમાં રેલી પુણે થયેલ હતી

ઇલેક્ટ્રોક બોન્ડ એક મોટો ભ્રષ્ટાચાર : પ્રિયંકા ગાંધી

પ્રિયંકા ગાંધીએ કહ્યું કે ભાજપે અમારા પરિવારને ખૂબ ગાળો આપી છે. મારી માતા, પિતા, ભાઇ, દાદી કોઇને નથી છોડ્યા. પણ તેનાથી અમે ડગી નહીં જઇએ. અમારી છાતી લોખંડની છે, અમે સહન કરતા રહીશુ. તમામ શક્તિ તમારા હાથમાં છે, તેને ઓળખો. એવું મતદાન કરો કે સરકાર બદલાઇ જાય તેવું પણ કહ્યું.

અભિનેતા અનુપમ ખેર ગાંધીનગરના બન્યા મહેમાન

અનુપમ ખેર મહાત્મા મંદિર ખાતે BNI કાર્યક્રમમાં હાજર રહ્યા. તમામ લોકોને મતદાન કરવા અનુપમ ખેરે અપીલ કરી હોવાનું પણ જાણવા મળ્યું છે. તેઓએ કહ્યું કે  ગુજરાતની જનતાને ખબર છે કે કોને મત આપવાનો છે. 7 મેના મતદાન છે, વધુમાં વધુ મતદાન કરો. રામ મંદિર આપણી ધરોહર છે. 500 વર્ષ બાદ અયોધ્યામાં રામ મંદિર બન્યું છે. તમામ નાગરિકે રામમંદિરના દર્શન કરવા જોઈએ. અભિનેતાએ PM મોદીની પણ પ્રશંસા કરી. તેઓએ કહ્યું કે પીએમના કારણે વિશ્વકક્ષાએ ભારતની અલગ ઓળખ ઊભી થઈ છે. ભારતીય પાસપોર્ટનું વિદેશમાં સન્માન વધ્યું છે.

ઘોષણાપત્રને આપ્યું ન્યાયપત્ર નામઃ પ્રિયંકા ગાંધી

પ્રિયંકાએ એમ પણ કહ્યું કે લોકશાહી અને દેશની જનતાને દુર્બળ બનાવવા ઈચ્છે છે ભાજપ. મોંઘવારી વધી છે અને જીવવું મુશ્કેલ બની રહ્યું છે. સ્વાયત્ત સંસ્થાઓને નિર્બળ બનાવવાનો ભાજપે પ્રયાસ કર્યો છે. તેઓએ મીડિયા પર પણ આરોપ લગાવ્યા છે. તેઓએ કહ્યું કે ટીવી પર દેખાતા દ્રશ્યો અને હકીકત અલગ છે. આ સાથે તેમણે બેરોજગારી સૌથી વધુ વધારે હોવાની વાત કરી છે. 

વલસાડના ધરમપુરમાં પ્રિયંકા ગાંધીનો પ્રચાર

આપ દેશ માટે લડ્યા આઝાદી માટે લડ્યા છે. આજે દેશમાં જે પરિસ્થિતિ છે તેને સમજો,  તમે રોજ લડાઈ લડી રહ્યા છો. એક તીર એક કમાન્ડ આદિવાસી એકસમાન છે. તમે દૂર બેઠા છો પણ મારા દિલની નજીક છો. તમે દેશ માટે લડ્યા, આઝાદી માટે લડ્યા. મોંઘવારી ખૂબ જ વધી છે. ભાજપના નેતાઓ બંધારણ બદલતા હોવાનો કર્યો દાવો.

દેશે નક્કી કર્યું છે ફરી એકવાર મોદી સરકારઃ શાહ

ગુજરાતમાં પણ તમામ 26 બેઠકો ભાજપને મળવાની છે. સુરતમાં ખાતું ખોલવાનું કામ થઇ ગયું છે. બાકી બચેલી 25 બેઠકો પર હેટ્રિક કરવાની છે. "કમળનું બટન દબાવો તો યાદ રાખજો કે મત મોદીને મળે છે'.  "તમારો મત સીધો નરેન્દ્ર મોદીને PM બનાવવા માટેનો છે'. તેઓએ સૌરાષ્ટ્ર અને ગુજરાતને સુરક્ષિત કર્યુ છે. 

પીએમ મોદીએ 5 વર્ષમાં બનાવ્યું રામ મંદિર

શાહે કોંગ્રેસને નિશાન બનાવવાની સાથે સાથે રામ મંદિરને પણ યાદ કર્યું, તેઓએ કહ્યું કે કોંગ્રેસે અયોધ્યાને મુદ્દાને વર્ષો સુધી લટકાવ્યો. "નરેન્દ્ર મોદીએ 5 વર્ષમાં જ રામમંદિર બનાવડાવ્યુ'

પીએમ મોદીએ જનઔષધિ કેન્દ્રો બનાવ્યા
જનઔષધિ કેન્દ્રો બનાવ્યા, 9 વર્ષમાં 80 ગણી સિદ્ધિ લાભાર્થીઓને મળી છે. સસ્તી દવાઓ પણ મળી. તેમનું સંચાલન મનસુખ ભાઈએ કર્યું છે.  

જળસંકટ અને વીજસંકટ મુદ્દે પણ વિપક્ષને ઘેર્યું

જળસંકટને પણ કર્યો યાદ અને સાથે ભાજપે તેમાં મેળવેલી સિદ્ધિઓ ગણાવી.કહ્યું કે કોંગ્રેસના પાપે ગુજરાતમાં જળસંકટ હતું. ભાજપે સૌની યોજના સાથે જળસંકટ ઘટાડ્યું છે. આ સાથે જ વીજળીની વાત કરીએ તો સૌરાષ્ટ્રમાં પહેલા 8 કલાક વીજળી હતી અને ત્યારે કોંગ્રેસનું રાજ હતું. હવે 24 કલાક વીજળી મળે છે. આ માટે જ્યોતિગ્રામ યોજનાનો લાભ લેવામાં આવ્યો અને લોકોને સુવિધા આપવામાં આવી.

પીએમએ નક્સલવાદ અને આતંકવાદને સમાપ્ત કર્યો

ગુજરાતનો નરબંકો નરેન્દ્ર મોદી વડાપ્રધાન છે. કોંગ્રેસની નહીં પણ ભાજપની સરકાર છે. આતંકવાદીનો સફાયો કરવાનું કામ પીએમ મોદીએ કર્યું છે. પીએમએ નક્સલવાદ અને આતંકવાદને સમાપ્ત કર્યો.

370ની કલમનો ઉલ્લેખ કર્યો
અમિત શાહે કહ્યું 70 વર્ષથી કોંગ્રેસ જમ્મૂ-કાશ્મીરને દત્તક બાળકની જેમ ખોળામાં રાખતી.  પીએમ મોદીએ 370ની કલમ સમાપ્ત કરી. આ સમયે રાહુલ ગાંધીએ કહ્યું 370ની કલમ ન હટાવો.

પીએમ મોદીને ત્રીજી વાર જીતાડવાના છે

શાહે કહ્યું કે પીએમ મોદીને ત્રીજી વાર જીતાડવાના છે. ગુજરાતમાં કહેવત છે તેજીને ટકોરો. તો બસ શાનમાં સમજે એવી સૌરાષ્ટ્રની જનતા છે. આ સાથે તેઓએ હસીને કહ્યું કે મને સમજાતું નથી મનસુખભાઇએ આટલી મોટી સભા કેમ રાખી.

ફરી એકવાર મોદી સરકાર આવશે

અમિત શાહે કહ્યું કે વિઠઠલભાઈએ રાજકોટ સહિત સૌરાષ્ટ્રમાં સહકારિતના ક્ષેત્રમાં નવી ક્રાંતિનું સર્જન કર્યું અને ખેડૂતો-ખેડૂતોની દીકરીઓ માટે જીવન સમર્પિત કર્યું છે. પાર્ટીની શિષ્ત તોડીને પણ ખેડૂતોને સાથ આપ્યો છે. 

ભારત માતા કી જય અને જય શ્રી રામના નારાથી કરી ભાષણની શરૂઆત

અબ કી બાર 400 કે પારનો નારો બુલંદ કર્યો અને સાથે જ તેમના ભાષણમાં વિઠ્ઠલ રાદડિયાને ખેડૂતો માટે કરાયેલા કામને લઈને યાદ કર્યા તો સાથે જ રમેશ ધડુકને પણ યાદ કર્યા હતા. 

કેન્દ્રીય ગૃહમંત્રી અમિત શાહ જામકંડોરણા પહોંચ્યા. અહીં તેઓ જનસભા સંબોધશે. આ રેલીમાં મનસુખ માંડવિયાએ પણ સંબોધન આપ્યું હતું. 

સુરતમાં ટ્રક ચાલકો બેફામ

સુરતમાં ટ્રક ચાલકો બેફામ બન્યા છે. હાલમાં બેકાબુ થયેલી ટ્રકે પેટ્રોલપંપ પરની કારને અડફેટે લીધી છે. કારમાં સવાર મહિલા અને ચાલકનો બચાવ થયો છે. સમગ્ર ઘટનાના સીસીટીવી સામે આવી રહ્યા છે. 

 સુરતમાં રખડતા શ્વાનનો આતંક વધ્યો

સુરતમાં રખડતા શ્વાનનો આતંક વધી રહ્યો છે. શ્વાને 3 વર્ષીય બાળક પર હુમલો કર્યો છે. આ બાદ બાળકને સારવાર માટે હોસ્પિટલ ખસેડાયો હોવાનું જાણવા મળી રહ્યું છે. આ ઘટના સુરતના સણીયા ગામે બની હોવાના સમાચાર છે. 

હવામાન નિષ્ણાત અંબાલાલ પટેલે કરી ચોમાસાની આગાહી 

આ વર્ષે રાજ્યમાં ચોમાસું વહેલું બેસે તેવી શક્યતા જોવા મળી રહી છે. 8 જુન આસપાસ ચોમાસું બેસે તેવી સંભાવના છે. આજે રાજ્યના કેટલાક ભાગોમાં વરસાદની શક્યતા સેવાઈ રહી છે. પંચમહાલ, સાબરકાંઠામાં હળવો વરસાદ પડી શકે તો સાથે જ દરિયા કિનારાના ભાગોમાં હળવો વરસાદ પડી શકે છે. વેસ્ટર્ન ડિસ્ટર્બન્સના કારણે વરસાદની અસર  જોવા મળશે. તો ગરમીની વાત કરીએ તો 28, 29 એપ્રિલે રાજ્યમાં વધુ ગરમી પડવાની શક્યતા છે. મધ્ય ગુજરાતનું તાપમાન 42થી 43 ડિગ્રી રહેશે, ઉત્તર ગુજરાતમાં 41 ડિગ્રી રહેવાની શક્યતા , ઈડર, અમરેલી, જૂનાગઢમાં પણ ગરમી વધુ રહેશે. 29 એપ્રિલથી પ્રિમોન્સૂન એક્ટિવિટીથી વાદયછાયું વાતાવરણ રહેશે. 10 થી 14 મે વચ્ચે આંધી વંટોળ રહેવાની શક્યતા છે તો સાથે જ  24 મે થી 4 જુન વચ્ચે આંધી વંટોળ સાથે વરસાદ રહેશે.

સુરતમાં શિક્ષકો પગારથી વંચિત 

ભગવાન મહાવીર યુનિ.ના પ્રોફેસરો પગારથી વંચિત રહ્યા છે. સુરતના ભગવાન મહાવીર યુનિ. આવેલી છે. પ્રોફેસરોએ યુનિ.ના પ્રેસિડન્ટને આવેદનપત્ર આપ્યું છે. શિક્ષકો છેલ્લા ચાર મહિનાના પગારથી વંચિત છે. પગાર ન મળે ત્યાં સુધી શૈક્ષણિક કાર્યથી દૂર રહેવાની ચીમકી પણ તેઓએ આપી છે. જાન્યુઆરીથી પગાર મળ્યા નથી તેવી શિક્ષકોની દલીલ છે. 

ગાંધીનગરની સિવિલ હોસ્પિટલમાં મધરાતે હત્યા 

પિતાને તલવાર મારનારની પુત્ર રાકેશે હત્યા કરી દેવાનું સામે આવ્યું છે. સાવન માજીરાણા નામના યુવકની હત્યા કરી દેવામાં આવી છે. મૃતક સાવને હત્યારાના પિતાને તલવાર મારી હતી. GEB નજીક ડમ્પિંગ સાઈટ પાસે ઝઘડો થયો હતો. આ બબાલમાં સાવનને ઈજા થતા સિવિલ ખસેડાયો હતો. હત્યારાએ સિવિલમાં જઈને જાહેરમાં છરીનાં ઘા માર્યા.

વડોદરામાં કેન્દ્રીય ગૃહમંત્રી અમિત શાહનો રોડ શો 

અમિત શાહ વડોદરામાં 3 કિમીનો રોડ શો કરશે. આ સમયે SRP સહિત 800થી વધુ પોલીસ જવાનો ખડેપગે રહેશે. રોડ શોમાં 50 હજારથી વધુ શહેરીજનો જોડાશે અને કલમ 370 અને 2036 ઓલિમ્પિકની થીમ પર રોડ શો કરાશે. આદિવાસી નૃત્યો, વક્રતુંડ બેન્ડ રમઝટ જમાવશે. મહારાષ્ટ્રીયન યુવતીઓ લેઝિંગની રમઝટ બોલાવશે.

કોંગ્રેસના દિગ્ગજ નેતાઓ ગુજરાતમાં સભાઓ ગજવશે

રાહુલ અને પ્રિયંકા ગાંધી ગુજરાતમાં  પ્રચાર કરશે. આજે પ્રિયંકા ગાંધી વલસાડમાં સભા સંબોધશે. 29 એપ્રિલે રાહુલ ગાંધી પાટણમાં સભા સંબોધશે. 28 એપ્રિલે અભિષેક મનુ સિંઘવી ગુજરાત આવશે અને ભૂપેશ બઘેલ અને અશોક ગેહલોત પણ સભાઓ કરશે.

બનાસકાંઠા લોકસભામાં જામ્યો ચૂંટણી જંગ

ભાજપ પ્રદેશ પ્રમુખ પાટીલ બનાસકાંઠામાં સભા ગજવશે. દિયોદરના જાડા ગામે સી.આર.પાટીલની જનસભા યોજાશે. જેમાં ભાજપ ઉમેદવાર રેખા ચૌધરીના સમર્થનમાં જાહેરસભા થશે.

વેકેશનને પગલે કાંકરિયા રાજાના દિવસે પણ ખુલ્લું રેહશે

હવેથી દર સોમવારે કાંકરિયાની તમામ એવક્ટિવિટીઝ ચાલુ રહેશે. પ્રાણી સંગ્રહાલય, નગીના વાડી, બટરફ્લાય પાર્ક, નોક્ટર્નલ ઝૂ,અટલ એક્સપ્રેસ અને કિડ્સસિટી ચાલુ રહેશે. તમામ એક્ટિવિટીની ટિકિટો ઓનલાઈન પણ ખરીદી શકાશે. ઉનાળુ વેકેશન હોવાથી બાળકો લાભ શકે તે માટે કાંકરિયા ચાલુ રાખવામાં આવશે. સામાન્ય રીતે દર સોમવારે મેઇન્ટેનન્સ માટે કાંકરિયા બંધ રહે છે. 

આજે પ્રિયંકા ગાંધી વલસાડમાં સભા સંબોધશે

આજે ધરમપુરના દરબારગઢમાં 11 વાગ્યે પ્રિયંકા ગાંધીની સભા યોજાશે. વલસાડ કોંગ્રેસના ઉમેદવાર અનંત પટેલ તેઓ માટે પ્રચાર કરશે. આ સભામાં શક્તિસિંહ ગોહિલ, સિદ્ધાર્થ પટેલ ઉપસ્થિતિ રહેશે.  

અમદાવાદનો હેપ્પી સ્ટ્રીટ પ્રોજેક્ટ થયો ફેલ 

હેપ્પી સ્ટ્રીટમાં 22 માંથી માત્ર 8 જ ફૂડ સ્ટોલ રહ્યા છે.  ફુડવાન સંચાલકોએ AMC ને પોતાના લાઇસન્સ પરત કર્યા હોવાની જાણકારી મળી છે. વેપાર ના થતો હોવાથી વેપારીઓએ ફુડવાન બંધ કરી છે. આ સાથે સ્ટોલ બંધ થતાં AMCના 5.5 કરોડનો ખર્ચ પાણીમાં ગયો છે.