• રૂપિયા 61,600ની કિંમતનુ 616 ગ્રામ અફીણ જપ્ત કર્યું
  • અફીણ, કાર, મોબાઈલ મળી કુલ 4.77નો મુદ્દામાલ કબજે
  • ટ્રાન્સપોર્ટ ઓફીસમાં અફીણનું ખરીદ-વેચાણ કરતા હતા

વડોદરા જિલ્લાના સાવલી તાલુકાના મંજુસર પો.સ્ટે. વિસ્તારમાં પેટ્રોલીંગમાં દરમ્યાન જિલ્લા એસ.ઓ.જી. ટીમને બાતમી મળી હતી કે, દુમાડ ગામની સીમમાં આવેલ તરન-તારન ટ્રેલર સર્વિસ નામની ટ્રાન્સપોર્ટ ઓફીસમાં બે ઇસમો નશાકારક માદક પદાર્થ અફીણના જથ્થાનું ખરીદ-વેચાણ કરી રહેલ છે. જેને આધારે SOGની ટીમે ત્યાં રેઇડ કરી હતી.


દરોડામાં SOGની ટીમે કિંમત રૂ. 61,600ના 616 ગ્રામ અફીણના જથ્થા સાથે મનોજકુમાર બદ્રીલાલ સેન (ઉ.42, રહે- મંગળવાડ ચોકડી, ગણેશનગર કોલોની, થાના- મંગલવાડ, તા. ડુંગલા, જી. ચિતોડગઢ, રાજસ્થાન અને સ્વીન્દરસિંહ જાગીરસિંહ બાજવા (ઉ.57, રહે- બી-1 શ્રીરામ પાર્ક ઉમીયાનગર, ન્યૂ સમા રોડ, વડોદરા)ને પકડ્યા હતા. SOGએ કાર, રોકડા રૂ.2,500 અને બે ફોન મળી કુલ રૂ.4,77,100નો મુદ્દામાલ કબજે કર્યો હતો.


  • Follow us on: