Surat News : સિટી બસચાલકો બન્યા બેફામ, બાળકને લીધો અડફેટે

• સિટી બસચાલકે બાળકને લીધો અડફેટે
  
• બસચાલકે બાળકને અડફેટે લેતા સ્થાનિકોમાં રોષ
• ઈજાગ્રસ્ત બાળકને સારવાર માટે હોસ્પિટલ ખસેડાયો

સુરત શહેરનો જેમ જેમ વિકાસ થઇ રહ્યો છે તેમ તેમ લોકોના જીવ સસ્તા થતા હોય તેવુ લાગી રહ્યુ છે. ઘરની બહાર નીકળ્યા કે મુશ્કેલીઓ શરૂ થઇ જાય છે. હવે સુરત સિટી બસચાલકો બન્યા બેફામ. સિટી બસચાલકે બાળકને લીધો અડફેટે. બસચાલકે બાળકને અડફેટે લેતા સ્થાનિકોમાં રોષ ભભુકી ઉઠ્યો છે. ઈજાગ્રસ્ત બાળકને સારવાર માટે હોસ્પિટલ ખસેડાયો છે. પાંડેસરા પોલીસે ઘટનાસ્થળે પહોંચી તપાસ હાથ ધરી છે.

 પાંડેસરા વિસ્તારમાં પુરપાટ ઝડપે આવેલી સિટી બસે માસુમ બાળકને અડફેટે લીધો

ક્યારેક ઓવર સ્પીડ અને નાનકડી ભૂલ કોઇ અજાણ્યા અને માસુમની જિંદગીમાં મુશ્કેલી સર્જી જતા હોય છે. સુરતની સિટી બસ ચાલકો ઘણી વખત આ રીતે બેફામ રીતે બસને ચલાવીને મુશ્કેલ સર્જી દેતા હોય છે. આવી જ એક ઘટના આજે સવારે બની હતી જ્યાં પાંડેસરા વિસ્તારમાં પુરપાટ ઝડપે આવેલી સિટી બસે માસુમ બાળકને અડફેટે લીધો હતો. બાળકને પગમાં ઇજા પહોંચી હતી. બસચાલકે બાળકને અડફેટે લેતા સ્થાનિકોમાં રોષ ભરાયો હતો. સ્થાનિકોએ ઈજાગ્રસ્ત બાળકને સારવાર માટે હોસ્પિટલ પહોંચાડ્યો હતો. પાંડેસરા પોલીસે ઘટનાસ્થળે પહોંચી આગળની કાર્યવાહી હાથ ધરી છે.