Talod: હરસોલના લોકોએ કચરાને રિ-સાઈકલ કરી આવક ઊભી કરી

સખીમંડળની કામગીરીને હરસોલ ગામનાં લોકોનો પૂર્ણ સહયોગ આપી સ્વચ્છતા અભિયાન માટે જનભાગીદારીનું અનોખું ઉદાહરણ પૂરું પાડયું હતું. તલોદ તાલુકામાં સ્થિત હરસોલ ગામના જોગમાયા સખીમંડળની મહિલાઓને સૂચારુ સંકલન દ્વારા ધન કચરાના વ્યવસ્થાપનની કામગીરી કરી છે. સૂકા કચરામાંથી રિસાઈકલ કરીને પુનઃઉપયોગમાં લઇ શકાય તેવી ચીજવસ્તુઓને અલગ કરીને તેમનો સંગ્રહ કરવામાં આવે છે.

આ તમામ ચીજો વેચવા માટે ગ્રામપંચાયતે ભંગારવાળાઓ સાથે એમઓયુ કર્યા છે. આ તમામ કામો સખીમંડળની મહિલાઓ સૂચારું રીતે કરી રહી છે. આજે ઘન કચરામાંથી અલગ કરવામાં આવેલી અને પુનઃઉપયોગ થઈ શકે તેવી ચીજવસ્તુઓ તેમજ કોમ્પોસ્ટના માધ્યમથી તૈયાર થયેલા ખાતરના વેચાણથી ગ્રામ પંચાયત માટે નિયમિત આવકનું સર્જન થયું છે અને સખીમંડળની મહિલાઓને રોજગાર મળ્યો છે, જે આ મોડલને સસ્ટેનેબલ બનાવે છે.

મહિલાઓ આર્થિક ફાયદો પ્રાપ્ત કરીને આત્મનિર્ભર બની છે

ગુજરાત સરકારના ગ્રામીણ વિકાસ વિભાગના નિયમિત માર્ગદર્શનથી આજે સાબરકાંઠા જિલ્લાના હરસોલ ગામની ગ્રામપંચાયતે સખીમંડળની મહિલાઓના સહયોગથી ગામને સુંદર અને સ્વચ્છ રાખવાનું અનોખું ઉદાહરણ સ્થાપિત કર્યું છે. સાથે જ સમગ્ર કામગીરીમાં ગામના લોકોને જોડીને જનભાગીદારીનું પણ એક અનોખું ઉદાહરણ રજૂ કર્યું છે. ગ્રામપંતાયતે કચરામાંથી કંચન બનાવીને આવક ઊભી કરી છે, તો સખીમંડળની મહિલાઓ પણ આર્થિક ફયદો પ્રાપ્ત કરીને આત્મનિર્ભર બની છે. સ્વચ્છતાના આ મહાયજ્ઞમાં તમામ ગ્રામજનોએ પણ જાગૃત્ત થઈને, ખભે ખભો મેળવીને વડાપ્રધાનના સ્વચ્છ ભારતના સંકલ્પને સાકાર કર્યો છે. આ પ્રસંગે તાલુકા વિકાસ અધિકારી તેમજ એસડીએમ શાખા કર્મચારીઓ તેમજ સખીમંડળની મહિલાઓ ઉપસ્થિત રહી હતી.