Tapi: પત્નીની હત્યા કરનાર પતિને આજીવન કેદ, સેશન્સ કોર્ટે આપ્યો મહત્ત્વપૂર્ણ ચુકાદો

પતિ અને પત્ની વચ્ચે કંકાસ ક્યારેક મોટું સ્વરુપ લઈ લેતું હોય છે. ગુજરાતમાં ઘણા બનાવો બન્યા છે. જેમાં પતિએ આડાસંબંધના વહેમમાં પત્નીની હત્યા કરી નાખ્યાના ઘણા બનાવો બને છે.તો ઘરકંકાસમાં ઝઘડામાં ઉગ્ર વિવાદને લઈને હત્યાના બનાવો બનતા હોય છે.ત્યારે તાપીમાં ચોંકાવનારો બનાવ સામે આવ્યો છે. જેમાં પત્નીની હત્યાના બનાવમાં પતિને આજીવન કેદની સજા ફટકારવામાં આવી છે.

પતિએ કરી પત્નીની હત્યા

પ્રાપ્ત થતી માહિતી મુજબ તાપીમાં આડા સંબંધના વહેમમાં પતિએ પત્નીની હત્યા કરી હોવાનો બનાવ સામે આવ્યો હતો. ડોલવણ તાલુકાના અંતાપુર ગામમાં કોટવાળીયા પરિવારમાં ઘટના બની હતી. વર્ષ 2025ની બીજી એપ્રિલના રોજ આરોપી શૈલેષ બાબુ કોટવાળીયાએ તેની પત્ની અરુણાબેન દેવજીભાઈ કોટવાળીયા સાથે આડા સંબંધની શંકામાં ઝઘડો કર્યો હતો. પતિએ પત્નીને મોતને ઘાટ ઉતારી હતી.

 આરોપી પતિને સજા

પતિ અને પત્ની વચ્ચે ઉગ્ર બોલાચાલી થઈ હતી.જેમાં વિવાદ વધતા આરોપી પતિએ તેની પત્ની માથે પાવડો મારીને હત્યા કરી નાખી હતી. જે મામલે પોલીસે આરોપી પતિને ઝડપી લીધો હતો. તેની પર વ્યારા સેશન્સ કોર્ટમાં કેસ ચાલ્યો હતો. તો તેની સામે સેશન્સ કોર્ટે મહત્વપૂર્ણ ચુકાદો આપ્યો હતો. સાક્ષી, પુરાવાઓ અને સરકારી વકીલ સમીર પંચોલીની ધારદાર દલીલોના આધારે ચુકાદો આરોપી પતિને આજીવન કેદની સજા સંભળાવવામાં આવી હતી.