Gir Gadhada: જુના ઉગલા ગામે ઝટકા મશીન સાથે કરંટ મુકતા યુવકનું મોત

• ઝટકા મશીનનો શોર્ટ લાગતા યુવકનું મોત
  
• ઝટકા મશીન સાથે કરંટ મુક્યો હોવાનું અનુમાન
• ખેતરના શેઢે ઝટકા મશીનને અડી જતા મોત

ગીર ગઢડાના જુના ઉગલા ગામે યુવકનું મોત થયુ છે. જેમાં ઝટકા મશીનનો શોર્ટ લાગતા યુવકનું મોત થયુ છે. ઝટકા મશીન સાથે કરંટ મુક્યો હોવાનું અનુમાન છે. તેમાં મૃતકના પરિવારે હત્યાનો આરોપ લગાવ્યો છે. ખેતરના શેઢે ઝટકા મશીનને અડી જતા મોત થયુ હતુ. જેમાં ગીર ગઢડા પોલીસે મૃતદેહનો કબ્જો મેળવ્યો છે. તેમજ યુવકના મૃતદેહને પીએમ માટે ખસેડાયો છે. રિપોર્ટ બાદ મોત થયાનું કારણ સામે આવશે.

જાણો સમગ્ર ઘટના

ગીર સોમનાથના ગીર ગઢડાના જુના ઉગલા ગામની આ ઘટના છે. જેમાં યુવકને ઝટકા મશીનનો શોર્ટ લાગતા યુવક મોતને ભેટ્યો છે. જેમાં વાડીમાં મરઘીનો શિકાર કરી શિયાળ નાસી જતા યુવકે પાછળ દોટ મૂકી હતી. શિયાળ બાજુના ખેતરમાં પ્રવેશ્યું હતું. જ્યાં ખેતરના શેઢે રાખવામાં આવેલ ઝટકા મશીન સાથે વીજ કરંટ પણ મુકાયેલ હોવાનું પ્રાથમિક તારણ છે. જેમાં યુવકે ઝટકા મશીન બંને હાથે પકડતા ઘટના સ્થળે જ મોત નીપજ્યું હતું. તેમજ મોત નિપજતાં મૃતકના પરિવારે હત્યાનો આરોપ લગાવ્યો છે. જેમાં ગીર ગઢડા પોલીસે જુના ઉગલા ગામે પહોંચી મૃતકની લાશનો કબ્જો મેળવ્યો છે.

યુવકના મૃતદેહને પોસ્ટમોર્ટમ અર્થે ગીર ગઢડા ખસેડાયો

યુવકના મૃતદેહને પોસ્ટમોર્ટમ અર્થે ગીર ગઢડા ખસેડાયો છે. જેમાં પી.એમ.રીપોર્ટ બાદ મોત થયાનું કારણ બહાર આવશે. અગાઉ પણ આવી એક ઘટના બની હતી. જેમાં દહેવાણ ગામે રહેતા અને ખેતી કરતા પુનમભાઈ ભીખાભાઈ પરમારના કૌટુંમ્બિક ભાણેજ વિજય ચૌહાણે છીણાપુરા સીમમાં આવેલું એક ખેતર અર્જુનભાઈ પરમાર પાસેથી ભાગે ખેતી કરવા માટે રાખ્યું હતુ. આ ખેતરમાં તેણે બાજરીનો પાક કર્યો હતો અને પરિવાર સાથે ખેતરમાં ઓરડી બાંધી રહેતા હતા. ખેતરમાં બાજરીનો પાક થયેલો હોવાથી તેની સાચવણી માટે ખેતર ફરતે લોખંડના તારની વાડ બાંધી ઝટકા મશીન મુક્યું હતું. જેમાં બાજરીના પાકની કાપણી અર્થે વિજય પૂનમભાઈના ઘરે ગયા હતા. જેથી પૂનમભાઈના પત્ની ધર્મિષ્ઠાબેન અને દીકરી જ્યોત્સનાબેન મજૂરી અર્થે ખેતરમાં ગયાં હતાં. મજૂરી કામ કરતી વખતે ધર્મિષ્ઠાબેન અચાનક ખેતરની ફરતે આવેલી તારની વાડને અડી જતા તેમને કરંટ લાગ્યો હતો. જેથી તુરત જ તેમને રાસ ગામના સરકારી દવાખાને લઈ જવાયાં હતાં. જ્યાં તેમનું મોત નીપજ્યું હતું. આ બનાવ અંગે વીરસદ પોલીસે અપમૃત્યુની નોંધ નોંધી પોસ્ટમોર્ટમ કરાવ્યું હતું. આ અંગે વીરસદ પોલીસે વિજયભાઈ છત્રસિંહ ચૌહાણ વિરૂદ્ધ ગુનો નોંધી વધુ તપાસ હાથ ધરી હતી.