વડોદરામાં ગૂંજશે શરણાઈઓ, ટૂંકસમયમાં જામશે લગ્નસરાની મોસમ

• હવે જામશે મેરેજ સમારોહની મોસમ
  
  
• લગ્નસરામાં ગૂંજી ઉઠશે શરણાઈઓ
• ઢોલ-ડીજે-બેન્ડ પાર્ટીના તાલે ઝૂમશે વડોદરા

દિવાળી બાદ નવા વર્ષમાં લાભ પાંચમ પછી હવેથી લગ્નસરાની મોસમ શરૂ થઈ ગઈ હોવાનું ગણાય છે. ખાસ કરીને આ વખતે માર્ચ મહિના સુધીમાં લગ્ન માટે કુલ 44 જેટલા શુભ મૂહુર્ત હોવાનું સામે આવ્યું છે. જેને લઈને પૂરી સંભાવના છે કે માર્ચ સુધીમાં ગુજરાતના અલગ અલગ શહેરો અને ગામડાઓમાં લગ્નસરાની મોસમ જામશે અને શરણાઈઓ ગૂંજી ઉઠશે.

આ જ વાતને લઈને વડોદરામાં પણ હવે શરણાઈઓ ગૂંજે તેવો માહોલ છે. ખાસ કરીને શહેરમાં 3000થી લઈને 3500 જેટલા લગ્નો થવાની સંભાવના દર્શાવવામાં આવી રહી છે. મહત્વનું છે કે વડોદરા શહેરમાં કુલ 15થી વધુ અતિથિગૃહો, 170થી વધુ પાર્ટી પ્લોટ્સ અને 100થી વધુ મેરેજ હોલ આવેલા છે. હાલ લગ્નસરાની મોસમને જોતા આમાંથી મોટાભાગના હોલ, અતિથિ ગૃહો અને પાર્ટી પ્લોટમાં બુકિંગ ફુલ થઈ ગયા છે.

મહત્વનું છે કે આગામી એક જ મહિનામાં શહેરના વિવિધ હોલ અને પાર્ટી પ્લોટ્સમાં 800થી વધુ લગ્નો યોજાઈ શકે એવી સંભાવનાઓ છે. વડોદરા શહેરમાં આ વખતે માર્ચ સુધીમાં 3000થી 3500 જેટલા લગ્નો યોજાવાની શક્યતાઓ છે. આમ હવે માર્ચ 2024 સુધી વડોદરામાં શરણાઈઓ ગૂંજતી જ રહેવાની છે. તેમજ લગ્નસરાની મોસમના કારણે ડીજે, બેન્ડ પાર્ટી, શરણાઈઓ, ઢોલના અવાજોથી શહેરનું વાતાવરણ મશગૂલ રહેશે એવી પૂરી ધારણા છે.

આમ હવે આવનારા સમયની અંદર લગ્નસરાની મોસમમાં શરણાઈઓ માત્ર વડોદરામાં જ નહીં પરંતુ આખા ગુજરાતમાં ગૂંજશે એ નક્કી છે. ગુજરાતના વિવિધ શહેરો અને ગામોમાં પણ લગ્ન સમારોહો ગોઠવાશે. પરંતુ ગયા વર્ષ કરતા આ વર્ષે લગ્નના મૂહુર્ત ઓછા હોવાથી ટૂંકાસમયની અંદર વધારે લગ્નો પૂરા કરાવવાની જરૂરિયાત પડશે. જેથી શુભ મૂહુર્તમાં રાજ્યના વિવિધ ભાગોમાં લગ્ન સમારંભોની મોસમ જામી શકે તેમ છે.