Health Eating gond laddu in winter no blood deficiency in the body will increase immunity
  • Home
  • Featured
  • શરીરમાં નહીં રહે લોહીની ઉણપ, શિયાળામાં ખાઓ ગુંદરના લાડુ

શરીરમાં નહીં રહે લોહીની ઉણપ, શિયાળામાં ખાઓ ગુંદરના લાડુ

 | 9:42 am IST

શિયાળામાં એવી વસ્તુઓનું સેવન વધારે કરવું જોઇએ જેની તાસીર ગરમ હોય છે. જેથી શરીરને ઠંડી ન લાગે. શિયાળા દરમિયાન ગુંદરના લાડું ખાવા બેસ્ટ માનવામાં આવે છે અને તેના સેવનથી શરીરને અગણિત લાભ થાય છે. તો આવો જોઇએ ગુંદરના લાડુંથી થતા ફાયદા અંગે..

– શરીરની કમજોરી દૂર કરવામાં ગુંદરના લાડુ મદદરૂપ હોય છે અને તેને ખાવાથી શરીરની કમજોરી દૂર થઇ જાય છે. જેથી જે મહિલાઓ વધારે થાક અનુભવે છે તેને રોજ ગુંદરના લાડું ખાવા જોઇએ.

– શીરીરમાં લોહીની ઉણપ હોવા પર જો આ લાડું ખાવામાં આવે તો શરીરમાં લોહીનું પ્રમાણ યોગ્ય રહે છે. જેથી જે લોકોના શરીરમાં લોહી ઓછું છે તે લોકોએ આ લાડું ખાવા જોઇએ.

– શિયાળામાં સાંધાનો દુખાવો થવા જેવી ફરિયાદ વધી જાય છે અને લોકોને ચાલવા તેમજ ઉઠવા-બેસવામાં તકલીફ થાય છે. જોકે, શિયાળામાં ગુંદરના લાડુ ખાવાથી સાંધાનો દુખાવો થતો નથી.

– કબજિયાતના દર્દીઓ માટે ગુંદરના લાડુ ફાયદાકારક હોય છે અને તેને ખાવાથી કબજિયાતની સમસ્યા સારી થઇ જાય છે. કબજિયાત થવા પર રોજ રાતે એક લાડુ ગરમ દૂધની સાથે જરૂરથી ખાવો જોઇએ.

– મજબૂત હાડકા માટે પણ આ લાડુ લાભદાયી છે. અને તેને ખાવાથી હાડકા કમજોર થતા નથી, જેથી રોજ રાતે સૂતા પહેલા એક ગુંદરનો લાડુ ગરમ દૂધ સાથે ખાઇ લો. ગરમ દૂધ સાથે લાડુ ખાવાથી હાડકા અને સ્નાયુઓ પર સારી અસર પડે છે. તે સિવાય કરોડરજ્જુ માટે આ લાડુ ઉત્તમ માનવામાં આવે છે.

– ગુંદરના લાડુ ખાવાથી રોગ પ્રતિકારક શક્તિમાં વધારો થાય છે જેખી કોઇ બીમારી થતી નથી. જે શરીર માટે ખૂબ ફાયદાકારક માનવામાં આવે છે.

આ પણ જુઓ : અમદાવાદમાં NSUIના કાર્યકરોનો વિરોધ

નીચે આપેલી લીંક પર ક્લિક કરીને જોડાઓ સંદેશ ન્યૂઝ સાથે.

તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.

લેટેસ્ટ ન્યૂઝ અપડેટ્સ તમારા ફોન પર સૌથી પહેલા મેળવવા માટે આજે જ ડાઉનલોડ કરો Sandeshની નવી મોબાઇલ એપ્લિકેશન