સરકારે ફિઝિયોથેરાપિસ્ટ્સને ડો. લખવા સંબંધિત આદેશ પાછો ખેંચી લીધો છે. 9 સપ્ટેમ્બર 2025ના રોજ જારી કરાયેલા નિર્દેશોમાં કહેવામાં આવ્યું હતું કે ભારતમાં ફિઝિયોથેરાપિસ્ટ તેમના નામની આગળ ડો. અને અંતે PT (ફિઝિયોથેરાપિસ્ટ)નો ઉપયોગ કરી શકે છે. પરંતુ આ નિર્ણય પર ઘણા પક્ષોના વાંધા અને સૂચનો સામે આવ્યા બાદ આરોગ્ય મંત્રાલયે તેને અટકાવી દીધું છે. મંત્રાલય દ્વારા જારી કરાયેલા હાલનાં પત્રમાં કહેવામાં આવ્યું છે કે આ મુદ્દા પર વધુ ઊંડાણપૂર્વક વિચારણા અને ચર્ચાની જરૂર છે. તેથી અગાઉનો આદેશ હવે પાછો ખેંચી લેવામાં આવ્યો છે અને અંતિમ નિર્ણય ફરીથી સમીક્ષા કર્યા બાદ જ લેવામાં આવશે. તેનો સીધો અર્થ એ છે કે હાલમાં ફિઝિયોથેરાપિસ્ટ તેમના નામની આગળ ડો.નો ઉપયોગ કરી શકશે નહીં જ્યાં સુધી સરકાર આ અંગે અંતિમ નિર્ણય ન લે.
તેમણે 'Dr' શબ્દનો ઉપયોગ ન કરવો જોઈએ
DGHSએ પોતાના પત્રમાં જણાવ્યું છે કે ભારતમાં ફિઝિયોથેરાપિસ્ટ દ્વારા તેમના નામની આગળ 'Dr' અને 'PT' શબ્દના ઉપયોગ અંગે ઇન્ડિયન એસોસિએશન ઓફ ફિઝિકલ મેડિસિન એન્ડ રિહેબિલિટેશન (IAPMR) સહિત વિવિધ સંગઠનો તરફથી ડિરેક્ટોરેટને અનેક મેમોરેન્ડમ અને મજબૂત વાંધા મળ્યા છે. IAPMR દ્વારા ઉઠાવવામાં આવેલા વાંધાઓને ટાંકીને DGHSએ જણાવ્યું હતું કે ફિઝિયોથેરાપિસ્ટ તબીબી પ્રેક્ટિશનરો તરીકે તાલીમ પામેલા નથી અને તેથી તેમણે 'Dr' શબ્દનો ઉપયોગ ન કરવો જોઈએ કારણ કે તે દર્દીઓ અને સામાન્ય લોકોને ગેરમાર્ગે દોરે છે જે સંભવિત રીતે છેતરપિંડી તરફ દોરી જાય છે.
