- પત્રકારો સાથે વાતચીત કરતા ઘણી વાત કહી
- વિપક્ષનું નામ લીધા વગર કહી દીધી મોટી વાત
- કેન્દ્રીય એજન્સીઓ અંગે પણ કરી મોટી સ્પષ્ટતા
કેન્દ્રીય કૃષિ પ્રધાન નરેન્દ્ર સિંહ તોમરે મંગળવારે (24 ઓક્ટોબર) કહ્યું કે ભાજપની લડાઈ તે શક્તિઓ સામે છે જે સનાતન ધર્મને નષ્ટ કરવા અને દેશને તોડવા માંગે છે. મધ્યપ્રદેશના ગ્વાલિયર શહેરમાં બીજેપીના મીડિયા સેન્ટરનું ઉદ્ઘાટન કર્યા બાદ તોમરે પત્રકારોને આ વાત કહી. મધ્યપ્રદેશ વિધાનસભા ચૂંટણી માટે 17 નવેમ્બરે મતદાન થશે અને મતગણતરી 3 ડિસેમ્બરે થશે. ભાજપે રાજ્યના મોરેના જિલ્લાની દિમાની વિધાનસભા બેઠક પરથી નરેન્દ્ર સિંહ તોમરને પોતાના ઉમેદવાર બનાવ્યા છે.
લડાઈ માત્ર કોંગ્રેસ સામે નથી
તોમરે કહ્યું કે, અમારી લડાઈ માત્ર કોંગ્રેસ સામે નથી, પરંતુ તે શક્તિઓ સામે પણ છે જે દેશને તોડવા અને સનાતન ધર્મનો નાશ કરવા માંગે છે. તેમણે વિશ્વાસ વ્યક્ત કરતા કહ્યું કે, મધ્યપ્રદેશમાં ભાજપ ફરી એકવાર સરકાર બનાવશે. તોમરે કહ્યું કે ભાજપે આખું વર્ષ વિધાનસભા ચૂંટણીની તૈયારી કરી છે. બૂથ લેવલ સુધી દરેકની જવાબદારીઓ પણ નક્કી કરી છે. તેમણે આરોપ લગાવ્યો કે કોઈ જાણે છે કે કોંગ્રેસ માત્ર જુઠ્ઠાણાના આધારે ચૂંટણી મેદાનમાં છે. 2003 પહેલા કોંગ્રેસે મધ્યપ્રદેશમાં 10 વર્ષ શાસન કર્યું હતું. 2014 પહેલા પાર્ટી કેન્દ્રમાં સત્તામાં હતી. તોમરે કહ્યું પરંતુ કોંગ્રેસ પાસે તેના કાર્યકાળમાં બતાવવા માટે કોઈ સિદ્ધિઓ નથી.
કોંગ્રેસે કોઈ વિકાસ નથી કર્યો
તોમરે દાવો કર્યો કે કોંગ્રેસે કોઈ વિકાસ કર્યો નથી અને હવે ખોટા વચનો આપી રહી છે. કોંગ્રેસ પોતાની સિદ્ધિઓની વાત નથી કરી રહી. કેન્દ્રની દરેક એજન્સીઓ રીસર્ચ કરે છે અને એના દાયરામાં આવતા લોકો સામે કાયદેસરના પગલાં લે છે. ભગવાન રામ સત્ય છે કોંગ્રેસ રામ મંદિર બનાવવાનો વિરોધ કરી રહી હતી. જબાનથી નહીં પણ ન્યાયાલયમાં શપથપત્ર દઈને આ કામ કર્યું હતું. ભાજપનું રાજ એટલે કાયદાનુ રાજ, જે લોકો ખોટું કરતા નથી એને કોઈ કેન્દ્રીય એજન્સીથી ડરવાની જરૂર નથી.
