- સંગરુર સિવિલના અધિકારી પાસે 40 લોકો આવ્યાં જેમાંથી 20 લોકોના મોત નીપજ્યાં
- 20 માંથી 11 ને પટિયાલાની રાજીન્દ્રા હોસ્પિટલમાં રિફર કરવામાં આવ્યા સારવાર ચાલુ
- SSP સંગરુર, DIG પટિયાલા રેન્જ અને એડિશનલ કમિશનર(આબકારી) SITમાં સામેલ
પંજાબના સંગરુર જિલ્લામાં ઝેરી દારૂ પીવાથી અત્યાર સુધીમાં 20 લોકોએ જીવ ગુમાવ્યા છે. ઝેરી દારૂએ અહીં હાહાકાર મચાવ્યો હતો, જેમાં 20 લોકોએ જીવ ગુમાવ્યા હતા. ઝેરી દારૂના કારણે મોતના મામલામાં સંગરુર સિવિલ સર્જન ડૉ. ક્રિપાલ સિંહની પ્રતિક્રિયા પણ સામે આવી છે. માહિતી આપતા ડો. ક્રિપાલ સિંહે જણાવ્યું કે બુધવારથી અત્યાર સુધીમાં 40 દર્દીઓ અમારી પાસે આવ્યા છે. 40માંથી 20 દર્દીઓના મોત થયા છે.
પંજાબ પોલીસે સંગરુર ઝેરી દારૂ કેસની તપાસ એડીજીપીએલઓની અધ્યક્ષતા
સંગરુર સિવિલ સર્જન ડૉ. ક્રિપાલ સિંહે વધુમાં જણાવ્યું હતું કે બાકીના 20માંથી 11ને પટિયાલાની રાજીન્દ્રા હોસ્પિટલમાં રિફર કરવામાં આવ્યા છે. જ્યાં તેની સારવાર ચાલુ છે. તમને જણાવી દઈએ કે પંજાબ પોલીસે સંગરુર ઝેરી દારૂ કેસની તપાસ માટે એડીજીપીએલઓની અધ્યક્ષતામાં ચાર સભ્યોની એસઆઈટીની રચના કરી છે, જેમાં એસએસપી સંગરુર, ડીઆઈજી પટિયાલા રેન્જ અને એડિશનલ કમિશનર (આબકારી) સામેલ છે.
સંગરુરમાં ઝેરી દારૂના કારણે 20ના મોતઃ સિવિલ સર્જન
માહિતી આપતા સિવિલ સર્જન ડૉ. ક્રિપાલ સિંહે જણાવ્યું કે બુધવારથી અત્યાર સુધીમાં 40 દર્દીઓ અહીં આવ્યા હતા, જેમાંથી 20ના મોત થયા છે. 11 લોકોને પટિયાલાની રાજીન્દ્રા હોસ્પિટલમાં દાખલ કરવામાં આવ્યા હતા. 6 દર્દીઓને સંગરુર સિવિલ હોસ્પિટલમાં દાખલ કરવામાં આવ્યા છે. તેમણે એમ પણ જણાવ્યું કે ત્રણ દર્દીઓ ડૉક્ટરની સલાહ લીધા વિના જ ચાલ્યા ગયા છે.
સંગરુર ઝેરી દારૂ કેસમાં ધરપકડ
સંગરુરમાં ઝેરી દારૂના મામલામાં પોલીસ ગંભીરતાથી તપાસ કરી રહી છે. ઝેરી દારૂના કારણે થયેલા આ મોત બાદ ADGP રેન્કના અધિકારી ગુરિંદર સિંહ ધિલ્લોનના નેતૃત્વમાં 4 સભ્યોની SIT ટીમ બનાવવામાં આવી છે. સમગ્ર કેસ પાછળની સાંઠગાંઠનો પર્દાફાશ કરવા માટે પોલીસ વ્યાવસાયિક અને વૈજ્ઞાનિક રીતે આગળ વધી રહી છે. પોલીસે આ કેસમાં અત્યાર સુધીમાં 6 લોકોની ધરપકડ કરી છે.
ભગવંત માન સરકાર પર વિપક્ષી દળોના પ્રહારો ચાલુ
હજુ પણ ઘણા લોકોની પૂછપરછ કરવામાં આવી રહી છે. પોલીસ અધિકારીઓના જણાવ્યા અનુસાર, ડિડબા અને સુનામ બ્લોકના ગુજરાન, ટિબ્બી રવિદાસપુરા અને ધંડોલી ખુર્દ ગામમાંથી જાનહાનિ નોંધાઈ છે. બીજી તરફ આ મામલે પંજાબની આમ આદમી પાર્ટીની ભગવંત માન સરકાર પર વિપક્ષી દળોના પ્રહારો ચાલુ છે.
