'નફરતથી દેશ જોડી શકાય નહીં...', RSS નેતા મનમોહન વૈદ્યનો પલટવાર

• રાહુલ ગાંધીના નેતૃત્વમાં કોંગ્રેસની ભારત જોડો યાત્રા ચાલી રહી છે
  
• કોંગ્રેસ નેતા રાહુલ ગાંધીના ભાજપ પર નફરતના આરોપ પર મળ્યો જવાબ 
• આરએસએસના સહ-સંઘ કાર્યવાહ મનમોહન વૈદ્યએ કોંગ્રેસ પર વળતો પ્રહાર કર્યો

કોંગ્રેસ નેતા રાહુલ ગાંધીના આરએસએસ અને ભાજપ પર નફરતના આરોપ પર આરએસએસના સહ-સંઘ કાર્યવાહ મનમોહન વૈદ્યએ કોંગ્રેસ પર વળતો પ્રહાર કર્યો છે. મનમોહન વૈદ્યે મીડિયા સાથે વાત કરતા કહ્યું કે નફરત દેશને જોડશે નહીં. રાહુલ ગાંધીના પિતાજીએ સંઘને તુચ્છ ગણીને રોકવાનો પ્રયાસ કર્યો પરંતુ સંઘ આગળ વધતો રહ્યો. તેઓએ બિનજરૂરી નિયંત્રણો લાદ્યા પરંતુ સંઘ આગળ વધતો રહ્યો. સંઘ કેમ વધી રહ્યો છે? કારણ કે સંઘના પોતાના સિદ્ધાંતો છે, પેઢી દર પેઢી સખત મહેનત અને બલિદાન આપનારા લોકો સિદ્ધાંત માટે તૈયાર થયા છે. સમાજનો સહયોગ મળી રહ્યો છે. 

ઉલ્લેખનીય છે કે, રાહુલ ગાંધીના નેતૃત્વમાં કોંગ્રેસની ભારત જોડો યાત્રા ચાલી રહી છે. કન્યા કુમારીથી શરૂ થયેલી યાત્રા 5 મહિના ચાલ્યા બાદ કાશ્મીરમાં સમાપ્ત થશે. ભારત જોડો યાત્રા દરમિયાન રાહુલ ગાંધી સતત RSS અને BJP પર દેશમાં નફરત ફેલાવીને સમાજમાં ભાગલા પાડવાનો આરોપ લગાવી રહ્યા છે. તે જ સમયે, સોશિયલ મીડિયા પર કોંગ્રેસ આરએસએસ અને ભાજપને ઘેરી રહી છે. આજે કોંગ્રેસના સત્તાવાર ટ્વિટર હેન્ડલ પરથી ખાખી હાફ પેન્ટમાં આગ લાગી છે.  પોસ્ટમાં લખ્યુ છે કે દેશને નફરતના બંધનમાંથી મુક્ત કરો અને ભાજપ-આરએસએસ દ્વારા થયેલા નુકસાનની ભરપાઈ કરો.