આજે દિલ્હી વિધાનસભા ચૂંટણીનું પરિણામ જાહેર થશે. જેને લઇને ઉમેદવારોમાં ઉત્સાહનો માહોલ જોવા મળ્યો છે. મનીષ સિસોદિયાએ સ્વામી નારાયણ મંદિરની મુલાકાત લીધી હતી. ચૂંટણી પરિણામો પોતાના પક્ષે આવે તે માટે ઉમેદવારો પ્રાથર્ના કરી રહ્યા છે. આ વખતે દિલ્હીમાં કોનું રાજ આવશે. કોણ સત્તા સંભાળશે તેના પર સૌ કોઇની નજર છે. દિલ્હીમાં મતગણતરી શરુ કરાઇ છે.
જંગપુરા વિધાનસભા બેઠક હોટ સીટોમાંથી એક
દિલ્હીની જંગપુરા વિધાનસભા બેઠક હોટ સીટોમાંથી એક છે. કારણ કે આમ આદમી પાર્ટી (AAP) ના સેકન્ડ-ઇન-કમાન્ડ મનીષ સિસોદિયા અહીંથી ચૂંટણી લડી રહ્યા છે. તેઓ આ બેઠક પર ભારતીય જનતા પાર્ટી (ભાજપ) ના તરવિંદર સિંહ મારવાહ સામે ચૂંટણી લડી રહ્યા છે. તે જ સમયે, કોંગ્રેસે અહીંથી ફરહાદ સૂરીને મેદાનમાં ઉતાર્યા છે. આ બેઠક પર મત ગણતરી શરૂ થઈ ગઈ છે. જંગપુરા વિધાનસભા મતવિસ્તારના આપ ઉમેદવાર મનીષ સિસોદિયાએ કહ્યું કે પરિણામોના દિવસે દરેક વ્યક્તિ ચિંતિત છે. પરંતુ, અમને વિશ્વાસ છે કે અમે સરકાર બનાવીશું. કારણ કે અમે અરવિંદ કેજરીવાલના નેતૃત્વમાં કામ કર્યું છે. લોકોએ પ્રામાણિકતા અને કાર્યની રાજનીતિને મત આપ્યો છે.
ભાજપ અને AAP કાર્યાલયોમાં વાતાવરણ તંગ
2020ની વિધાનસભા ચૂંટણીની વાત કરીએ તો, AAPએ અહીંથી પ્રવીણ કુમારને મેદાનમાં ઉતાર્યા હતા. તેમણે પક્ષની આશા જીવંત રાખી અને જીત મેળવી. પ્રવીણને કુલ 45 હજાર જેટલા મત મળ્યા. જ્યારે ભાજપના ઇમ્તિયાઝ સિંહ બક્ષીને 29 હજાર મત મળ્યા. આ દરમિયાન કોંગ્રેસના તરવિંદર સિંહ મારવાહને 13 હજાર મત મળ્યા. 20215ની વિધાનસભા ચૂંટણીમાં પણ AAPને મત મળ્યા હતા. 2015માં પણ પાર્ટીએ અહીંથી પ્રવીણ કુમારને મેદાનમાં ઉતાર્યા હતા. 2015માં પ્રવીણને 43,927 મત મળ્યા હતા, ભાજપના મનિન્દર સિંહ ધીરને 23,477 મત મળ્યા હતા અને કોંગ્રેસના તરવિન્દર સિંહ મારવાહને 22,662 મત મળ્યા હતા.