રાષ્ટ્રીય સુરક્ષા સલાહકાર (NSA) અજીત ડોભાલ આજે રશિયાની મુલાકાત લેશે. NSAની આ મુલાકાત ઘણી રીતે ખાસ છે, જેના પર સમગ્ર વિશ્વની નજર છે. આ પ્રવાસને 'શાંતિ મિશન' સાથે પણ જોડવામાં આવી રહ્યો છે. એવું કહેવામાં આવી રહ્યું છે કે આ સમય દરમિયાન અજીત ડોભાલ લગભગ 2 વર્ષથી રશિયા અને યુક્રેન વચ્ચે ચાલી રહેલા યુદ્ધને રોકવા માટે મધ્યસ્થીની ભૂમિકા ભજવી શકે છે.
તાજેતરમાં જ રશિયાના રાષ્ટ્રપતિ પુતિને પણ કહ્યું હતું કે આ યુદ્ધને ખતમ કરવામાં ચીન અને ભારતની ભૂમિકા મહત્વની હોઈ શકે છે. આવી સ્થિતિમાં, બધાની નજર ડોભાલની રશિયા મુલાકાત પર છે, જ્યાં ચીનના NSA પણ હાજર રહેશે. આ પ્રવાસ દરમિયાન, ડોભાલ ઓક્ટોબરમાં કઝાનમાં યોજાનારી સમિટ પહેલા BRICS NSAની બેઠકમાં ભાગ લેશે. આ દરમિયાન ડોભાલ રશિયા-યુક્રેન સંઘર્ષને ઉકેલવા માટે પણ ચર્ચા કરી શકે છે. આ મુલાકાત દરમિયાન તેઓ તેમના ચીની સમકક્ષ સાથે અલગથી મુલાકાત કરે તેવી પણ શક્યતા છે. આ મુલાકાત દરમિયાન ડોભાલ તેમના રશિયન સમકક્ષ અને અન્ય BRICS સભ્ય દેશોના પ્રતિનિધિઓને મળશે તમને જણાવી દઈએ કે આ BRICS NSAની બેઠક નવા પાંચ સભ્ય દેશો - સાઉદી અરેબિયા, UAE, ઈરાન, ઈજીપ્ત અને ઈથોપિયાના જોડાયા પછી થશે. તે પ્રથમ વખત થઈ રહ્યું છે.
