- પીએમ મોદીએ અયોધ્યાની લીધી હતી મુલાકાત
- હિંદુ મહાસભાના પ્રમુખ સ્વામી ચક્રપાણીનું નિવેદન
- કહ્યું અગાઉની સરકારને અયોધ્યા જઇને દર્શન કરવામાં સંકોચ અનુભવતા
અખિલ ભારતીય હિંદુ મહાસભાના પ્રમુખ સ્વામી ચક્રપાણીએ PM મોદીને પ્રશંસા કરી છે. સાથે જ અગાઉની સરકારની આકરી ટીકા કરતા જણાવ્યું કે યુપીએ સરકાર દરમિયાન, એક રાજ્ય સ્તરના મંત્રી ભગવાન રામ લલ્લાની અયોધ્યાની મુલાકાતે પણ શરમ અનુભવતા હતા.
પીએમ મોદી સનાતનનું પ્રતિક
અખિલ ભારતીય હિંદુ મહાસભાના વડાએ કહ્યું કે પીએમ મોદીની ધાર્મિક સ્થળોની મુલાકાત એ લોકો માટે સંદેશ છે જેઓ ધર્મનિરપેક્ષતાના નામે તુષ્ટિકરણની રાજનીતિ કરે છે. વધુમાં જણાવ્યું કે PM મોદી ચોક્કસપણે આજે સનાતનનું પ્રતીક છે. તેમણે જે રીતે હિંદુઓના સ્વાભિમાનને જગાડ્યું છે તે પોતાનામાં અજોડ છે. મને યાદ છે કે જ્યારે યુપીએ સરકાર હતી ત્યારે અમે શાસક સરકાર પાસે ધાર્મિક શહેરના વિકાસ પેકેજની માગ કરતા હતા પરંતુ તેઓ અમારી માગની અવગણના કરતા હતા.
હિંદુઓના સ્વાભિમાનને વેગ મળ્યો
મહત્વનું છે કે શનિવારે પીએમ મોદી અયોધ્યા પ્રવાસ પર હતા, તે દરમિયાન તેમણે અયોધ્યાને કરોડો રૂપિયાની ભેટ આપી હતી. અખિલ ભારતીય હિંદુ મહાસભાના વડાનું આ નિવેદન તે પ્રવાસના એક દિવસ બાદ આવ્યું છે. તેમણે જણાવ્યું કે રાજ્ય કક્ષાના મંત્રીને પણ અયોધ્યા જઈને ત્યાં દર્શન કરવામાં સંકોચ થતો હતો, પરંતુ આજે દેશના વડાપ્રધાન રામ લલ્લાની સામે જઈને પૂજા કરે છે. તે વિશ્વભરના હિંદુઓના સ્વાભિમાનને વેગ આપે છે.
[[$googlead]]
