અયોધ્યામાં ભગવાન રામલલાના મુખ્ય પૂજારી આચાર્ય સત્યેન્દ્ર દાસનું 87 વર્ષની વયે અવસાન થયું છે. બુધવારે લખનૌ પીજીઆઈમાં તેમણે અંતિમ શ્વાસ લીધા. 3 ફેબ્રુઆરીએ બ્રેઈન હેમરેજ બાદ તેમને અયોધ્યાથી લખનૌ રિફર કરવામાં આવ્યા હતા. ત્યારથી તેમની સારવાર ચાલી રહી હતી.
લખનૌની SGPGI હોસ્પિટલમાં આજે અવસાન થયું. સવારે 8 વાગ્યે તેમણે અંતિમ શ્વાસ લીધા. તેઓ લાંબા સમયથી બીમાર હતા. થોડા દિવસો પહેલા તેમની તબિયત અચાનક બગડી હતી, ત્યારબાદ તેમને લખનઉના SGPGIમાં દાખલ કરવામાં આવ્યા હતા. ડૉક્ટરોના જણાવ્યા અનુસાર, તેમને સ્ટ્રોકનો હુમલો આવ્યો હતો, જે પછી તેમની સ્થિતિ નાજુક રહી હતી.
સંત કબીરનગરમાં જન્મેલા, અયોધ્યામાં જીવન જીવ્યા, સત્યેન્દ્ર દાસનો જન્મ 20 મે, 1945ના રોજ સંત કબીરનગર જિલ્લામાં થયો હતો. જે અયોધ્યાથી 98.4 કિમીના અંતરે છે. તેઓ બાળપણથી જ ભક્તિના રંગે રંગાયા હતા. તેમના પિતા અવારનવાર અયોધ્યા આવતા હતા, તેઓ પણ તેમના પિતા સાથે અયોધ્યા જતા હતા.
સત્યેન્દ્ર દાસ પણ અભિરામ જીના આશ્રમમાં આવવા લાગ્યા
અહીં તેમના પિતા અભિરામદાસજીના આશ્રમમાં આવતા હતા. સત્યેન્દ્ર દાસ પણ અભિરામ જીના આશ્રમમાં આવવા લાગ્યા. 22-23 ડિસેમ્બર 1949ના રોજ રામજન્મભૂમિના ગર્ભગૃહમાં રામ, લક્ષ્મણ, ભરત, શત્રુઘ્ન અને સીતાજીની મૂર્તિઓના દેખાવનો દાવો કરનાર અભિરામ દાસ હતા. આ મૂર્તિઓના આધારે આગળની લડાઈઓ લડવામાં આવી હતી.
બાળપણથી જ ભક્તિના રંગે રંગાયા
મૂર્તિઓના દેખાવના દાવાથી અને રામલલા પ્રત્યે અભિરામ દાસજીની સેવા જોઈને સત્યેન્દ્ર દાસ ખૂબ જ પ્રભાવિત થયા હતા. તેમણે પોતાના આશ્રમમાં રહેવા માટે સંન્યાસ લેવાનું નક્કી કર્યું હતું. સત્યેન્દ્ર દાસે 1958માં ઘર છોડી દીધું હતું. તેમના પરિવારમાં બે ભાઈ અને એક બહેન હતા, જે કો બહેનનું અવસાન થયું હતુ.
મારો એક પુત્ર ઘર સંભાળશે અને બીજો રામલલાની સેવા કરશે.
જ્યારે તેમણે તેના પિતાને સંન્યાસ લેવાનો નિર્ણય જણાવ્યો ત્યારે તેમના પિતાએ પણ કોઈ આશ્ચર્ય વ્યક્ત કર્યું ન હતું. તેમણે આશીર્વાદ આપતા કહ્યું કે મારો એક પુત્ર ઘર સંભાળશે અને બીજો રામલલાની સેવા કરશે.
જાણો કેવી રીતે રામલલાના પૂજારી બન્યા
રામલલાના પૂજારી લાલદાસ 1992માં રામ મંદિર સાથે જોડાયા. તે સમયે રીસીવરની જવાબદારી નિવૃત્ત જજ પર રહેતી. તે સમયે જે.પી.સિંઘને રીસીવર તરીકે નિયુક્ત કરવામાં આવ્યા હતા. ફેબ્રુઆરી 1992માં જ્યારે તેમનું અવસાન થયું ત્યારે રામજન્મભૂમિની વ્યવસ્થા કરવાની જવાબદારી જિલ્લા પ્રશાસનને આપવામાં આવી હતી. ત્યારબાદ પૂજારી લાલદાસને હટાવવાની વાત થઈ હતી.
તે સમયે ભાજપના તત્કાલિન સાંસદ વિનય કટિયાર VHP નેતાઓના સંપર્કમાં હતા અને ઘણા સંતો જેઓ VHP નેતાઓના સંપર્કમાં હતા. સત્યેન્દ્ર દાસને તેમની સાથે ગાઢ સંબંધો હતા. આ પછી 1 માર્ચ 1992ના રોજ સત્યેન્દ્ર દાસની નિમણૂક કરવામાં આવી હતી. તેમને 4 સહાયક પૂજારી રાખવાનો પણ અધિકાર આપવામાં આવ્યો હતો.
પછી તેમણે 4 સહાયક પૂજારીઓને રાખ્યા. તેમાં સંતોષ તિવારી પણ સામેલ હતા. 22 જાન્યુઆરી, 2024ના રોજ રામ લલ્લાના અભિષેક બાદ અહીંના પૂજારીઓની જવાબદારીઓ વધી ગઈ હતી. સત્યેન્દ્ર દાસને મુખ્ય પૂજારી તરીકે રાખવામાં આવ્યા હતા.
