સતીશ કુમાર બન્યા રેલવે બોર્ડના ચેરમેન અને CEO, NSGને મળ્યા નવા DG

• નેશનલ સિક્યુરિટી ગાર્ડ (NSG)ને નવા ડાયરેક્ટર જનરલ મળ્યા છે
  
• IPS અધિકારી બી શ્રીનિવાસનન NSGના નવા મહાનિર્દેશક
• સતીશ કુમારની રેલવે બોર્ડના નવા અધ્યક્ષ તરીકે નિમણૂક કરાઈ

નેશનલ સિક્યુરિટી ગાર્ડ (NSG)ને નવા ડાયરેક્ટર જનરલ મળ્યા છે. સિનિયર IPS અધિકારી બી શ્રીનિવાસનને નેશનલ સિક્યુરિટી ગાર્ડ (NSG)ના મહાનિર્દેશક નિયુક્ત કરવામાં આવ્યા છે. સરકારે આ માટે આદેશ જારી કર્યા છે. IRMS અધિકારી સતીશ કુમારને રેલવે બોર્ડના નવા અધ્યક્ષ અને CEO નિયુક્ત કરવામાં આવ્યા છે.

કોણ છે બી શ્રીનિવાસન?

બી શ્રીનિવાસન 1992 બેચના બિહાર કેડરના IPL અધિકારી છે. NSGના ડીજી બનતા પહેલા શ્રીનિવાસન નલિન પ્રભાતના જમ્મુ-કાશ્મીરના સ્પેશિયલ ડીજી હતા.

કોણ છે IRMS અધિકારી સતીશ કુમાર?

ભારતીય રેલવે મેનેજમેન્ટ સર્વિસ (IRMS) અધિકારી સતીશ કુમારને રેલવે બોર્ડના અધ્યક્ષ અને મુખ્ય કાર્યકારી અધિકારી તરીકે નિયુક્ત કરવામાં આવ્યા છે. રેલવે બોર્ડના વરિષ્ઠ અધિકારીઓએ જણાવ્યું કે આનાથી તેઓ બોર્ડના ઈતિહાસમાં અનુસૂચિત જાતિના પ્રથમ ચેરમેન અને સીઈઓ બન્યા છે. તેઓ હાલમાં ટ્રેક્શન રોલિંગ સ્ટોકના સભ્ય તરીકે તૈનાત છે.

સતીશ કુમારની નિમણૂક ત્યારે થઈ છે કારણ કે બોર્ડના વર્તમાન અધ્યક્ષ અને CEO જયા વર્મા સિંહા 31 ઓગસ્ટે નિવૃત્ત થઈ રહ્યા છે અને કુમારની નિમણૂક 1 સપ્ટેમ્બરથી લાગુ થશે. રેલવે બોર્ડના એક સરકારી આદેશમાં જણાવાયું છે કે સતીશ કુમારની નિમણૂક ટોચના પગાર ધોરણમાં છે (સાતમા કેન્દ્રીય પગાર પંચ મુજબ પગાર સ્તર 17).

અમલદારશાહીમાં ફેરબદલ

જયા વર્મા સિંહાએ ગયા વર્ષે 1 સપ્ટેમ્બરના રોજ રેલવે બોર્ડના અધ્યક્ષ અને મુખ્ય કાર્યકારી અધિકારી (CEO)ની ભૂમિકા સંભાળી હતી અને તેઓ આ પદ સંભાળનાર પ્રથમ મહિલા બન્યા હતા. માત્ર બે અઠવાડિયા પહેલા, કેબિનેટની નિમણૂક સમિતિ (ACC) એ વિવિધ મંત્રાલયોમાં મહત્વપૂર્ણ અમલદારશાહી નિમણૂકોની શ્રેણીને મંજૂરી આપી હતી. આ નેતૃત્વ ફેરબદલમાં નાણા અને સંરક્ષણ સહિતના મુખ્ય વિભાગોમાં નવી નિમણૂકોનો સમાવેશ થાય છે.