- કેન્દ્રીય નાણામંત્રી નિર્મલા સીતારમણે કરી જાહેરાત
- બેંકિંગ કાયદામાં આવશે હવે સુધારા
- સહકારી ક્ષેત્રમાં બેંકિંગના સંબંધમાં કેટલીક પુનઃરચના
કેન્દ્રીય નાણામંત્રી નિર્મલા સીતારમણે કહ્યું કે અમે બેંકિંગ કાયદામાં સુધારો લાવી રહ્યા છીએ. એમેન્ડમેન્ટ એક્ટ લાવવાના ઘણા કારણો છે. આ કેટલાક સમયથી પેન્ડિંગ હતું અને લાંબા સમયથી રાહ જોવાઈ રહી હતી. સહકારી ક્ષેત્રમાં બેંકિંગના સંબંધમાં પણ કેટલીક પુનઃરચના કરવામાં આવી છે. નોમિનેશન સંબંધિત નિયમોમાં મુખ્ય ફેરફાર આમાં છે. બેંકિંગ ગ્રાહકો માટે આ ખૂબ જ ખાસ પગલું હશે.
બેન્કિંગ રેગ્યુલેશન એમેન્ડમેન્ટ અને SBI એક્ટમાં સુધારો
નાણામંત્રીએ કહ્યું કે ગ્રાહકો માટે નોમિનીનો વિકલ્પ હોવો અને નોમિનીને પછીથી તેની સાચી રકમનો દાવો કરવામાં કોઈ સમસ્યાનો સામનો કરવો ન પડે તે સુનિશ્ચિત કરવું મહત્વપૂર્ણ છે. કેન્દ્રીય નાણા મંત્રી નિર્મલા સીતારમણે શુક્રવારે બેંકિંગ નિયમોમાં ફેરફાર અંગે લોકસભામાં બેંકિંગ રેગ્યુલેશન એમેન્ડમેન્ટ બિલ, 2024 રજૂ કર્યું હતું. તેનો ઉદ્દેશ્ય રિઝર્વ બેન્ક ઓફ ઈન્ડિયા એક્ટ, બેન્કિંગ રેગ્યુલેશન એમેન્ડમેન્ટ અને સ્ટેટ બેન્ક ઓફ ઈન્ડિયા (SBI) એક્ટમાં સુધારો કરવાનો છે.
હવે ભાઈ-બહેનને નોમિની બનવાનો વિકલ્પ મળશે
નાણામંત્રી દ્વારા રજૂ કરાયેલ આ બેંકિંગ કાયદા સંશોધન બિલ 2024માં, દરેક બેંક ખાતામાં નોમિની વ્યક્તિઓની પસંદગી વર્તમાન એકથી વધારીને ચાર કરવાની જોગવાઈ છે. આ બિલમાં પત્ની/પતિ કે માતા-પિતા સિવાય ભાઈ-બહેનને પણ નોમિની બનવાનો વિકલ્પ મળશે. ગયા અઠવાડિયે કેન્દ્રીય કેબિનેટે આને મંજૂરી આપી હતી.
બેંકિંગ કંપનીઓમાં સુધારો કરવાનો પ્રસ્તાવ
રિઝર્વ બેંક ઓફ ઈન્ડિયા એક્ટ 1934, બેંકિંગ રેગ્યુલેશન એક્ટ 1949, સ્ટેટ બેંક ઓફ ઈન્ડિયા એક્ટ 1955, બેંકિંગ કંપનીઝ (એક્વિઝિશન એન્ડ ટ્રાન્સફર ઓફ અંડરટેકિંગ્સ) એક્ટ 1970 અને બેંકિંગ કંપનીઓ (અંડરટેકિંગ્સનું સંપાદન અને ટ્રાન્સફર)માં સુધારો કરવાનો પ્રસ્તાવ છે.
2023-24ના બજેટ ભાષણમાં મોટી જાહેરાત
નાણામંત્રી નિર્મલાએ નાણાકીય વર્ષ 2023-24ના બજેટ ભાષણમાં મોટી જાહેરાત કરી હતી. તેમણે બેંકિંગ કાયદા બિલ 2024ની જાહેરાત કરી હતી અને કહ્યું હતું કે તે ખૂબ જ ટૂંક સમયમાં રજૂ કરવામાં આવશે. જે બાદ હવે તેને કેબિનેટ દ્વારા મંજૂરી આપવામાં આવી છે. તે લોકસભામાં રજૂ કરવામાં આવ્યો છે.
