NEET પેપર લીક કેસમાં CBIની મોટી કાર્યવાહી, બિહારમાંથી વધુ 2 લોકોની ધરપકડ

• NEET પેપર લીક કૌભાંડને લઇ તપાસનો ધમધમાટ યથાવત
  
• પેપર લીક કેસમાં CBIએ બિહારમાંથી વધુ બે લોકોની ધરપકડ 
• આ આરોપીઓની નાલંદા અને ગયા જિલ્લામાંથી ધરપકડ કરાઇ

NEET પેપર લીક કૌભાંડની તપાસ માટે CBIની ટીમ છેલ્લા ઘણા દિવસોથી પટનામાં ધામા નાખ્યા છે. CBIએ અગાઉ ઝારખંડના હજારીબાગમાંથી એક ખાનગી શાળાના આચાર્ય અને વાઇસ પ્રિન્સિપાલની ધરપકડ કરી હતી.

મળતી માહિતી મુજબ, NEET-UG પેપર લીક કેસમાં CBIએ બિહારમાંથી વધુ બે લોકોની ધરપકડ કરી છે. ધરપકડ કરાયેલા શખ્સોમાં એક ઉમેદવાર છે જ્યારે બીજો અન્ય ઉમેદવારનો પિતા છે. આ બંનેની બિહારના નાલંદા અને ગયા જિલ્લામાંથી ધરપકડ કરવામાં આવી હતી. CBIની એક ટીમ પેપર લીકની તપાસ માટે છેલ્લા ઘણા દિવસોથી પટનામાં છે. આ બંનેની ધરપકડ પહેલા સીબીઆઈની ટીમ ઝારખંડના હજારીબાગ ગઈ હતી.

CBI દ્વારા ધરપકડ કરાયેલા બે લોકોની ઓળખ રણજીત સિંહ અને સની તરીકે થઈ છે. સનીએ ઉમેદવાર તરીકે NEET UG પરીક્ષા આપી હતી જ્યારે રણજીતના પુત્રએ પણ પરીક્ષા આપી હતી. NEET પેપર લીક કેસમાં CBIની ટીમે અત્યાર સુધીમાં 8 લોકોની ધરપકડ કરી છે. તે જ સમયે, ગુજરાતના ગોધરા અને લાતુરમાંથી એક-એક વ્યક્તિની ધરપકડ કરવામાં આવી છે. તે જ સમયે, ઉત્તરાખંડના દેહરાદૂનથી પણ ઈક્ષની ધરપકડ કરવામાં આવી છે.