Bihar: UPSCની તૈયારી કરતા યુવકે કર્યુ બાળકનું અપહરણ, તપાસમાં થયો સનસનીખેજ ખુલાસો

બિહારના ગોપાલગંજના ફુલવારિયા પોલીસ સ્ટેશનના માજીરવા કલામાંથી એક વિદ્યાર્થીનું અપહરણ કરવામાં આવ્યું હતું. આરોપીઓએ વિદ્યાર્થીના પરિવાર પાસેથી 10 લાખ રૂપિયાની ખંડણી માંગી હતી. પોલીસે તપાસ કરતા વિદ્યાર્થીને સુરક્ષિત બહાર કાઢ્યો હતો. વિદ્યાર્થી અનીશ કુમાર ધોરણ 5માં અભ્યાસ કરતો હતો. પોલીસે આરોપીની ધરપકડ પણ કરી લીધી છે. પોલીસે આરોપી પાસેથી એક બાઈક અને કાર પણ કબજે કરી છે.

પોલીસે આરોપીની કરી ધરપકડ

ગોપાલગંજના ફુલવારિયા પોલીસ સ્ટેશનમાંથી ગુરુવારે એક વિદ્યાર્થીનું અપહરણ કરવામાં આવ્યું હતું. આ અંગે માહિતી મળતા પોલીસે બાળકની શોધખોળ શરૂ કરી હતી. જે બાળકનું અપહરણ થયું હતું તે 5મા ધોરણમાં અભ્યાસ કરતો હતો. પોલીસે બાળકને ઉત્તરપ્રદેશના દેવરિયામાંથી સુરક્ષિત રીતે શોધી કાઢ્યો છે. પોલીસે વિદ્યાર્થીનું અપહરણ કરનાર ગુનેગારની પણ ધરપકડ કરી છે, જે ઉત્તરપ્રદેશના દેવરિયાના લાર પોલીસ સ્ટેશન વિસ્તારના નેમા ગામનો રહેવાસી છે.

IAS બનવાની ઈચ્છા

અપહરણ કરનાર યુવક અમિત કુમાર UPSCની તૈયારી કરતો હતો અને તેને IAS બનવા માટે રૂપિયાની જરૂર હતી. તેથી જ તેણે આ પ્રકારનો ગુનો કર્યો હતો. આરોપીએ જણાવ્યું કે, તેણે બાળકના પરિવાર પાસેથી 10 લાખ રૂપિયાની ખંડણીની માંગણી કરી હતી. પોલીસની ટેકનિકલ ટીમ અને માહિતીના આધારે દેવરિયા, સિવાન અને ગોપાલગંજ પોલીસની ટીમે સંયુક્ત ઓપરેશન હાથ ધરીને વિદ્યાર્થીને સુરક્ષિત બહાર કાઢ્યો હતો. પોલીસે જણાવ્યું કે, આરોપીનો ભાઈ પણ આમાં સામેલ છે. તેની ધરપકડ માટે સતત દરોડા પાડવામાં આવી રહ્યા છે અને ટૂંક સમયમાં તેની ધરપકડ કરવામાં આવશે.

પોલીસે વિદ્યાર્થીને ઝડપી લીધો હતો

પોલીસ પૂછપરછ દરમિયાન આરોપીએ જણાવ્યું કે, તે UPSCની તૈયારી કરી રહ્યો હતો અને તેને કોચિંગ માટે પૈસાની જરૂર હતી. જેથી તેણે વિદ્યાર્થીનું અપહરણ કરી ખંડણીની માંગણી કરી હતી. પોલીસે વિદ્યાર્થીને સુરક્ષિત બહાર કાઢ્યો છે. પોલીસે અપહરણમાં વપરાયેલ બાઈક, કાર અને અપહરણના દિવસે પહેરેલા કપડા પણ કબજે કર્યા છે. એસપી અવધેશ કુમારે શનિવારે મોડી સાંજે આ અપહરણ કેસનો સનસનીખેજ ખુલાસો કર્યો હતો અને ઘણી મહત્વપૂર્ણ માહિતી આપી હતી.